السلام عليكم حبيباتي


من زمااان ودي اشارك بالمنتدى الجميل بس ماجات لي فرصه


اممم بصراحه حابه اخذ رايكم وخاصه اهل الخبرة

انا انسانه اهوى التجاره ودوم اتابع برامج سيدات الاعمال وكيف كانت بداياتهم من الصفر

وحلمي يكون عندي محل بس حياتي كلها تحطيم من زوجي كل ماافكر بمشروع واقوله عنه وابيه يساعدني يقولي مشاريعك فاشله.بس انا مصره اسوي لي مشروع وفعلا قررت انه مو لازم هو يساعدني لا انا بساعد نفسي..والحمد لله بديت بدايه بسيطه شريت بخور دوسري وغيرت ملامحه ههههه يعني جبته وشريت عطورات غاليه وصبيتها عليه وطلع روووووووووووعه لي الحين سنه قاعده ابيع فيه والحمد لله ماشي والكل يمدحه

بعدين جبت عطورات وقوارير فاضيه بس كشخه وسويت عطورات ع ذوقي وطلعت خيال وعجبتني الفكره ومستمره فيها طبعا كل شي ع حسابي تسلفت من فلانه وعلانه لين وقفت وقفه بسيطه والحمد لله سددتهم وزوجي لسى مو مقتنع اني ماشيه صح ماعلينا

المهم الحين ابي شوركم

انا قررت افتح لي محل بالبيت

عندي بالحوش غرفه ضبطها وشريت فترينات ودولاب وبجيب من كل شي شوي

بس الي ابي اخذ مشورتكم فيه اني بشتري اشياء بتكون شوي غاليه والمنطقه عندي شوزي ماسكين ههههه يعني يشوفون كل شي غالي

هل هالبدايه بتكون كويسه؟؟

والا تنصحوني ااجل الغالي لبعدين؟

انا قصدي انهم لما اجيب اشياء حلوة وغاليه بيقولون المحل حلو مو من ابو عشرة فهمتو علي؟


ع فكره سويت حركه وهي اني طبعت كروت باسم المحل وبوزعها يعني عشان الكل يجي حلوة الفكره

يالله عطوني رايكم


27-12-1432 هـ, 08:37 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله وبركاته ~

أهم شيء يكون عندك الإرادة والعزيمه

ولازم تحطي في بالك إنك راح تقابلي عقبات كثييييير

بس إذا تحملتيها راح تحسسي بطعم النجاااااااح

المهم بالنسبة للأشياء اللي تعرضيها

ابدأي بأشياء حلوه ورخيصه

عشان تلاقي إقبال على تجارتك ..

وابدأي اضيفي إلى جانب الاشياء الرخيصه أشياء غاليه

وتكوني كذا كسبتي زبائن من كل الفئــــــآت ..

بالتووووفيق
27-12-1432 هـ, 09:26 صباحاً
 
موفقه أختي
واصلي في عملك ولاتترددين
مشوار الألف ميل يبدأ بخطوة
27-12-1432 هـ, 02:30 مساءً
 
الله يوفقك عزيزتي
27-12-1432 هـ, 03:05 مساءً
 
انا مع ام حلا حطي الغالي مع الرخيص واستخيري اولا والله يوفقك والله اني فرحانة لك وانا مااعرفك
27-12-1432 هـ, 03:19 مساءً
 


الساعة الآن 05:15 .