ان شاااءالله يساعدوونك انا داايم ابحث عن معجنات واطباق التوست

واحيانا تضبط واحيانا لا


رفع لاني ماعندي خبره
29-12-1432 هـ, 09:24 مساءً
 
مشاءالله عليك
الله يعطيك العافيه ويقويك
وتصيرين اسنع بنت

سوي حلا كنت اسويه زمان
بسيط وحلو

بالصينية ( تكون وسط) تحطين بسكوت شاهي
اول شي تغمسينه بحليب سائل
وترصينه
وتحطين الطبقة الثانية قشطه وظرفين دريـم ويب
موكلها طبعا الين تغطين
وبعدين ترصين البسكويت مره ثانيه بنفس الطريقه
والباقي من القشطة ودريم ويب اخلطي معها تويكس اوجالكسي بالخلاط او نوتيلا
عشان تعطيك لون
وحطيها طبقه اخيره
وابشري عليها جالكسي
او بسكويت شاهي مكسر

سهل جدا الحلا
اذا حد جاني بدون موعد اسوية ماياخذ عشر دقايق بالثلاجة ويكون جاهز للتقديم

اللهم أغفر لجميع المؤمنين والمؤمنات ..المسلمين والمسلمات.. الأحياء منهـم والأموات
29-12-1432 هـ, 09:35 مساءً
 
ماشاء الله عليك .. جربي الفتة سهلة ولذيييييذة

طريقتها : 1- انك تقلين خضار ( كوسا - باذنجان - بطاطس - جزر ) ( انا احط حبة من كل نوع ) وتقلين كل نوع لحاله ..

بالنسبة لي مااقليها اسهل اني ادهن صينية بزيت واحطها بالفرن

2- تسلقين صدر دجاج الين ينضج وتقطعينه لأجزاء صغيرة

3- تقطعين بصل وتحمرينه على النار مع شوية زيت ولما يذبل ويصير ذهبي تضيفين قطع الدجاج عليه وتضيفين ملح وبهارات وتحركينهم شوية وتطفين النار

4 - تحمصين خبز ( يعني تقطعينه لقطع صغيرة زي الفتوش وتقلينها بزيت او تحطينها بالفرن الين تصير يابسة )

5- تعملين صوص الزبادي ( علبة زبادي - نص ملعقة طحينة - نص ملعقة مايونيز - فص ثوم - عصير نص ليمونه - ملح وفلفل اسود ) تنخلط مع بعض

وبعدين ترتبينها بصحن

اول شي الخضار المقلية تخلطينها مع بعض وتحطينها بالصحن وفوقها الدجاج وفوقها صوص الزبادي وفوقها بقدونس مفروم وآخر شي الخبز المحمص

تراها سهلة ومايبغالها وقت خصوصا لو حطيتي الخضار بالفرن ..

وبالعافية على قلبك

وترا قسم المقبلات فيه اشياء خفيفة وسهلة .. جربي كمان تسوين عصيرات ..
29-12-1432 هـ, 10:29 مساءً
 


الساعة الآن 02:15 .