السلام عليكم
وشخباركم يابنات حواء الحبوبات
يابناااات ألحقوا علي انا دائماً كذا
ساااااااعدوني عيوني تقول ارحميني وفكيني منس ومن
عجينتس ^^اللي ذبحتيني بهاااااا .
انا ماتظبط معي عجينه الفطائر ليش مااادري//احلفي بس
مادري وش فيها والله بدون مبالغه يمكن عشر انواع من
العجاين أطبقها ومافي فايده ذبحتني
عااااد انا الا أبيها تظبط معي وعجزت عنها مادري
وش فيها بنت الحلال علي ؟؟؟
والله اذا رحت عند احد وشفت فطااايرهم ماشاء الله هشه ومنفوشه
أصير كذا
وكل مارحت عند احد خذت الطريقه ولا فيه فايده
مره تصير قاسيه ومره مب منفوشه ومره مادري وشلون
طبقت عجينه اسطوره الليلك ولا فايده
وطبقت كم عجينه من المنتدى ولا حياااااه تنادي
مع العلم اني استخدم الطحين الكويتي وجربت العادي
ياليت تعلموني وش المشكله فيه
لأني أموت بالفطاير وودي اظبطها
الله يفرجلها ويفتح في وجهاااا ^^اللي تدلني على عجينه مظبوطه 100٪ وتكون هشه وطريه
لأني والله مليت وتعبت وتحطمت من الفشل ...
ياليت تساعدوني والله لايحرمها الأجر ^^اللي ترد علي.......

""اللهم هب لنا من أزواجنا وذرياتنا
قره أعين واجعلنا للمتقين إماما ""
ابشري ولا يهمك هذي عجينتي وتعجب الكثير والحمد لله
اخلطي في الخلاط الكأس فنجان شاي زيت فنجان قهوه سكر ورشة ملح
وكوب ماء دافي يعني ماهو بارد من البراده ولا مغلي ماء عادي
ونصف ملعقه خميره فوريه واربع ملاعق حليب بودره
واخلطي
بعدين حطيها في قدر او بلاستك للعجن واقعدي ضيفي دقيق الكويت
واعجني لين تكون مطاط وخفيفه وحتى لو تلصق باليد شوي عادي
واتركيها تتخمر ساعه بعد ماتخلصي عجن
واذا جيتي تفردي افرديها بنفس الدقيق والفرن يكون حار ولو حطيتيها نزلي الحراره
ولاتخليها تتحمر كثير لأنها بتقسي اذا انحرقت او اتحمرت غامق مره وسلامتك
هذي العجينه للبيتزا والفطاير والمعجنات والسيسرول بالقرفه وغيره
كل ماكانت العجينه قاسيه كانت فاشله انتبهي






اضغطي على الصوره لمعرفة لماذا حذف توقيعك .
حبيبتي قبل تشتغلين اذكري ربي وادعي الله ان الله يسهلها .....طيب قولي كيف طريقتك في العجن ؟؟انتي بعدماتشكليها تتركيها تخمر ؟؟....انا اللحين معتمدعجينة اسطورة اليلك ومافيه مثلها روووعه ...

طيب انتي استخدمي العجانه امكن تطلع احلى
اقتباس مشاركة
كلي ثقه بأن الله معي,,ومهماتأجلت امنياتي,,فهو لن ينساني,,,والذي به خير لي ,,,سيكون لي بأذن الله تعالى,,,
اهم شيء تكون لينه
ومايكون فيها زيت كثير
واذا خلصتي عجن حطيها في طوفريه واجلسي افركي فيها كانك تغسلين ثوب ودوري فيها من جميع الجهات
اللين تسمعين صوت الهواء انا تقريبا افركها 20 مره وبعدين اقلب العجينه راسا على عقب وافركها 20 ثانيه
واذا اختمر وقبل التشكيل اضربيها بيدك
وبعد التشكيل خليها بعد 10 دقايق وعلى فرن متوسط الحراره وحامي
لا يكون حار مره راح تيبص ومن جواء عجين

اللهم ارزقني الوظيفه عاجلا غير اجل واشفي بنتي واجعل مابيها كأن لم يكن وارحم ابي واجمعنا به في جنانك

الله يجزاكم خير يالبي رديتو علي
والله اني ادعي ربي وانا أصلحها انها تضبط معي
بس الشكوى لله
وبالنسبه للتخمير إيه اخليها تخمر من ربع الى نص
وبعضهم يقولون تخليها من دون تخمير علي طول بالفرن وتظبط معهم
وطبقت كل الطريقتين ولا فيه فايده
وبالنسبه للعجانه عجنت فيها وما شفت اي تغيير
اللهم اني ارتحت من تعب يدي في عجنهااااا
يالله يابنات تفاعلوا معي وعلموني وش اسوي
""اللهم هب لنا من أزواجنا وذرياتنا
قره أعين واجعلنا للمتقين إماما ""


الساعة الآن 04:06 .