ياقلبي عليكم ياعالم حواء
الي بس من الحوطه تدخل حالا
ابي اسئلها عن شي ذقنه في عرس في البوفيه الشعبي خبز مطحون مثل الفريك او الجنيني يبنات طعمه لذيذ يهبل اتمنى اعرف طريقته على مااعتقد فيه بصل المشكله أني مسويته على الهاجس بس ماطلت
مثله لونه بني تكفون لاتردوني سئلت مرت اخوي بعد ماجيت للبيت ووصفته لها قالت هاذا خبز الحوطه بس ناشرها لي واستحيت ادقق قلت مالي الا انتم يابعدي
ابي طريقته ومقاديره اكون شاكره  
29-12-1432 هـ, 10:28 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
معقوله مافيه احد لدرجه هاذي
29-12-1432 هـ, 10:55 مساءً
 
والله ماعندي فكره
29-12-1432 هـ, 11:23 مساءً
 
هلا ياقلبي
هذا اسمه قرص مفروك يخبز في صينية ويدخل الفرن وبعد الأستواء يفرم في فرامة اللحم ويضاف له بصل أخضر مقطع قطع صغييرة جداًوعصير اليمون وسمن ثم يقلب وبس
لكن مقادير القرص والله ماعندي فكره عنه بس اتوقع انه دقيق بر+بيضة+كركم الطعام+ماء +نصف بيالة زيت تعجن ثم تفرد في صينية ويدخل الفرن من تحت ثم من فوق
وقديماً كانوا يضعون على الجمر حديدة اللي يصلح عليها المراصيع ثم تفرد العجينة وبعد ان ينشف اللي فوق يوضع عليه قطعة من القصدير حتى تغطيه بالكامل ثم يوضع الجمر فوقه
وبعد أن ينضج يدق بحديدة او ساطورة حتى يصبح قطع صغيرة جداً ثم يوضع عليه التوابل اللي هي اليمون والسمن والبصل
على فكرة مو اهل الحوطة هم اللي مختصين فيه حنا كمان نعرفة ونقدره يعني اهل نجد عموما يعرفونه
ودمتي بخير
29-12-1432 هـ, 11:28 مساءً
 
ينقل من الساخنه للاطباق
29-12-1432 هـ, 11:31 مساءً
 


الساعة الآن 10:29 .