مرحبا
نسخت لك كم طبخة من منتدى صدييق

شوبة الطماطم


المقادير:
علبة طماط جاهزه ( صورة العلبة ) .. ونطحنها بالخلاط
زيت او ملعقتين صغيره زبده ,ربع ملعقه صغيره حبوب الخردل
حبة فلفل اخضر حار " نقطعه نصين بالطول "
ربع ملعقه صغيره فلفل اسود, ملح
ملعقه صغيره تمر هندي ننقعه في شوية مويه
او ممكن نستبدله بملعقه صغيره عصير ليمون

الطريقه:
نشوح حبوب الخردل في الزبده ونحط الفلفل الاخضر الحار ونقلبها شويتين ونحط الطماط
عليها ونخليها تغلي لمانحس ان الطعم اختلط مع بعض , نضيف الملح والفلفل الاسود
والتمر الهندي ونخليها تغلي ثواني بس بعدي
ن عند التقديم نضع كزبره او بقدونس..
شوربة العدس


المقادير:
كوب عدس برتقالي مغسول ومنقوع
ثلاثه كوب مويه , نص ملعقة صغيره كركم
شوية فلفل احمر بودره , فصين ثوم , شوية زنجبيل مبشور
ملعقة زيت , ملعقه صغيره خردل حب , ملح , نص ملعقه صغيره كمون حب

الطريقه:
_ في قدر نحط العدس والمويه والثوم والزنجبيل والكركم والفلفل البودره ونخليها لين يستوي العدس بعدين الملح
_ في مقلاه نحط الزيت وحبوب الخردل والكمون ونحمصها شوي ونرشها عالشوربه وعند التقديم نرشها بالبقدونس او الكزبره

سلطة البطاطس اهندية

المقادير:
ميني بطاطس .. او بطاطس مقطعة مكعبات كبيرة , نص كوب بازلاء
زيت , بصل مفروم ناعم , فص ثوم مهروس , حبة طماط مفروم
خليط البهارات ( ملعقة صغيرة حبوب الخردل و حبوب الكمون
ملعقة صغيرة تندوري مسالا , كمون , كركم , كزبرة )
ملح , فلفل اسود , فلفل احمر
حبة طماط مقطع مكعبات صغيرة , كزبرة خضراء , لايم اخضر

الطريقة :
- نسلق البطاس و البازلاء في موية وشوية ملح ونتركها على جنب
- على النار .. نحمس الزيت مع البصل و الثوم و الطماط المفروم وخليط البهارات
الملح , الفلفل الاسود والاحمر , نضيف البطاس والبازلاء على المقادير السابقة
ونحركها حتى تتجانس ، عند التقديم نضيف لها طماطم مقطعه ونزينها بالليمون
الاخضر والكزبرة

سلطةالتندوري


المقادير:
صدور كاملة ( غير مقطعة ) تتبل بتتبيلة التكا
- مقادير تتبيلة التكا : ( ملعقه كبيره ثوم و زنجبيل مهروس ملعقه كبيره فلفل اخضر حار,
ملعقة زيت , ملعقه كبيره قارام مسالا باودر ( ) , ملعقه كبيره كاري ، نص ملعقه كبيره كركم, علبة زبادي,
ملح , ملعقة كبيرة عصير ليمون ) نغطيها ونتركها بالثلاجة ليلة كاملة
فلفل بارد, خيار مقطع حلقات
خس امريكي

الطريقه:
- تشوى الصدور بالفرن في حرارة متوسطة بعدين تقطع , تخلط مع الخضار ,
تصب الخلطه فوقها
الخلطه: * صوص الرايتا

باكورة

بالخلاط : ( ملعقتين كبار بصل اخضر " الجزء الاخضر" , فصين ثوم , ملعقة كبيره بقدونس , ملعقتين كبار كزبره خضرا مفرومه
نص ملعقه صغيره بيكربونات الصوديوم ، جبنة تشيدر كرافت وسط مبشوره ، بيضه , بطاطس وسط مسلوقه ربع ساعه ومبشوره
ملعقه صغيره كركم وملح ,ربع ملعقه صغيره فلفل اسود)
- كوب مويه ,كوب ونص دقيق الحمص ,كوب دقيق

الطريقه:
- نضيف اللي بالخلاط على دقيق الحمص والدقيق ونضيف المويه ونعجنها لحد ماتصير ثقيلة ( زي ثقل البانكيك )
- نصب بمقدار ملعقة كبيرة من العجين في الزيت ونقلبها لحد ماتتحمر ..

اسمبوسة الهندية

مقادير العجينة:
كوب ونص دقيق , ملعقتين زيت ,
ملعقة كبيره عصير ليمون , ملعقه صغيره ملح , مويه على حسب العجينه

مقادير الحشوه :
حبة بصل مشوحه مع 3 فصوص ثوم مع حبة بطاطس مقطعه مكعبات صغار ومقليه + جزر مبشور+ ملعقه
صغيره كاري , نص ملعقه صغيره كمون وبقدونس وكزبره وملح وفلفل اسود ونحمسهم مع بعض..

الطريقه :
- نخلط مقادير العجينة ونضيف المويه شوي شوي لين ماتصير معانا عجينه متماسكه لينه ,
نعجنها شوي ونغلفها بكيس نايلون ونتركها شوي ع جنب
- بعد ماترتاح العجينة لمدة بسيطة نقسمها الى كور صغيرة ( بحيث كل كورة نسوي منها سمبوستين )
ونفرد كل كورة بسمك رفيييع ثم نقص الدائرة نصفين ..النصف الواحد على شكل حرف D
نلف كل نصف بشكل قمع وتغلق من فوق وتقلى ..
دجاج بالكاري



المقادير:
صدور مقطعه مكعبات , زيت زيتون ,حبتين بصل مقطعه مكعبات,ملعقه كبيره ثوم وزنجبيل مهروس
حبة فلفل اخضر حار ملح ,ملعقه صغيره من الكركم والكمون والكزبره ,ملعقه كبيره كاري , ملعقتين صلصه
كوب كريمه ، ربع كوب مويه ,كزبره خضرا للزينه

الطريقه:
- نحمس البصل والصدور مع الزيت زيتون واذا تغير لون الدجاج نضيف الثوم والزنجبيل والفلفل الحار ونخلط
- نضيف البهار والصلصه والمويه والكريمه ونخليه على نار هاديه لمدة ساعه ويزين بالكزبره ..




المقادير:
نص كوب دقيق , نص ملعقه صغيره خميره ,ملعقه كبيره مويه دافيه ,ملعقه صغيره دقيق الحمص
نص ملعقه صغيره سكر ,نص ملعقه صغيره زيت ,نص كوب مويه دافيه ,زيت قلي

الطريقه:
في وعاء نذوب الخميره مع ملعقة مويه دافيه ونخلطهم شوي ,نضيف عليهم الدقيق ودقيق الحمص والسكر والزيت ونخلطهم
ونضيف نص كوب المويه بالتدريج لماتحصلين على عجينه مطاطيه لينه ,نصبها في علبة مثل (علبة الكاتشب الضغط)
نحمي الزيت على حراره وسط وتسوون العجينه بالشكل اللي تحبون.. وتُقلى
25-01-1433 هـ, 01:48 مساءً
 
رفع
25-01-1433 هـ, 04:12 مساءً
 


الساعة الآن 07:31 .