ابي حل لمشكلتي

كيفكم صبايا


هذي اول مشاركه لي بهالقسم


والله مدري من وين ابتدي بس طفح الكيل وحدي مخنوقه وقلت مالي غير بنات جنسي افضفض لهم بلكي الاقي حل


مشكلتي مع ابو العيال:arb:

الله يهديه بس

انا تزوجت بسن صغيرة جدا تقريبا توني بدخل13كنت طفله من جد

ماكنت اعرف شي بالحياة الزوجيه وتحملت مسؤليت بيت وزوج وكنت بغربه بعيده عن اهلي

المهم كنت اشوف العلم كله من خلال زوجي

يعني اي شي يقوله اعتبرة هو الصح

انا بطبعي مااحب المشاكل ولا الاعتراض على شي حتى لو ماكنت ابيه

استمريت على هالحال سنييييييييييييييييين طويله وكنت افكر انه صح

بس قبل10سنوات دخل النت بيتنا وصرت اقرى واشوف العلم وين وصل وانا باقي مثل ماانا

قريت روايات قريت في منتديات كل وحده تكتب عنها وعن زوجها وشفت اشياء انا ماعمري حسيتها او شفبتها

من جد حسيت اني كنت مدفونه

الفرق بالعمر بيننا 10سنوات لما تزوجته كان عمره22سنه يعني شباب بس تفكيرة تفكير شايب عمره60سنه وانا عند ربي صادقه

ياعلم ياناس تصدقون كان يهاوشني اذا حطيت روج !!قلت ليش قال مااحب هالخرابيط

وكان كل مااشتري ميك اب يرميه :44:يقول خبيه عني انا حالف لو اشوفه قدامي ارميه

وحتى لما احط يقولي وش هالخرابيط الي بوجهك


افففف تحملت وصرت مااحط غير كحله قلت يمكن الازواج كيذا

حتى اللبس كان لي بالمرصاد كم قصير مافي مو لبس قصير؟لالا كم قصير

سمعت الكلام وصرت محتشمه

جبت عيال كبرت شوي

بعدها حسيت فيه اشياء كثيره ناقصتني

اهمها الحنان والرومنسيه والحوار

زوجي مشكلتي الكبيرة معه هي الرومنسيه والحواااار

هالثنتين معدوووووومه

الرومنسيه مااخبي عليكم لاني ماكنت افهم شي بالحياة زي ماقلت لكم كنت افكر ان الي اشوفه من زوجي هو الي مفروض يصير بين الازواج وبس

بس بعد ماتفتحت شوي وصرت اسمع الحريم وش يقولون ووش يصير بينهم هم وازاجهم حسيت اني ولا شي

ولا شي من الي سمعته صاير معي حسيت بالقهر واستحيت اقوله ابي هيك وهيك قلت صعبه اخاف يقول هذي ماتستحي..بس الحياة صارت ممله وصرت احس اني ناقصه عن غيري رغم اني مومقصرة بواجباتي

هو عنده الحياة الزوجيه مصروف وترتيب بيت وعشرة زوجيه خاليه من اي مشاعر يعني تأديه واجب لااكثر


اففف والله تعبت نفسيا اظن فاهمين علي

فلت مافي حل الا اني اكتبها له برساله فعلا ارسلت له وقلت كل الي بقلبي والاشياء الي تحتاجها كل مرأة من زوجها بس الرد كان صدمه:icon33:

قالي انه مايحب هالشغلات وعشان افهم زياده قالي انه يقرف :icon33:آآآه وربي كنت بموووت وانا اسمع هالكلام بجد جرحني جرح ماراح انساه

المشكله انه يعرف كل شي ويبي لنفسه كل شي بس لي انا نوووو مايحب

يمكن بتقولون انها شي عادي بقولكم بس لما تكونون بمكاني بتحسون انها مو عادي لان الي طلبته مو مستحيل وبعدين من ابسط حقوقي

لاتقوزلن لي يمكن ماتتزينين او تهتمين بنظافتك الشخصيه هالشي حتى هو يشهد لي اني ممتازة فيه بس هو مايحس

حتى لما اكون متزينه ومتشيكه عالاخر مايقول اي جمله تدل انه شافني اصلا حتى عيالي ملاحظين الامابالاه الي هو فيها يعني مايعطي اهتمام

هذي اول مشكله


المشكله الثانيه

الحوار

زوجي مايحب احد يخالف كلامه نهائي انا زمان كنت ساكته اي شيي يقوله اقول حاضر وسم حتى لو ماني مقتنعه بس مابيه يزعل بس مع مرور الوقت طفشت وتعبت

وبديت اتغير شوي شوي

وهو ماحب تخيلو الحين لو قلت لا ع اي شي حتى لو تافهه يعصب ويقولي والله صار لك لسان وصرتي تعانديني؟

اخرها قبل يومين كنا بالمستشفى وكنت بدورة المياة لما نادو باسمي اول ماطلعت عصب وقالي سنه عشان تطلعين؟قلت توني دخلت وشفيك طاير


يووووووووة عالهوشه والمحاضرة الي انقالت لي على هالجمله ((وشفيك طاير))

ابي نصيحتكم وش الحل مع هالرجال؟؟

وربي ماعدت اتحمل

حتى عيالي مقهورين من اسلوبه معي ومعهم المشكله انه مقتنع انه صح


ادري طولت بس كان لازم افضفض والا بختنق اسفه