كوبونات الراقية تسجيل الدخول

أم رانـيــه

لكن لوكنتي في ماذا تفعلين/موقف في المستشفى .معدل

الأسرة والمجتمع •

السلام عليكم ورحمة الله وبركاته وبعد
رجعت لكم بعد طول إنتظار وكلي شوق
ولم أرجع خالية ففي جعبتي الكثير الكثير
ماراح اسوي فيها مقطعة السمكة وذيلها وبدخل في الموضوع على طول
البارح كنت في مستشفى من المستشفيات الموجودة على الارض وليس الموجود في ارض احلامي
وشفت رجل كبير في السن وولد تقريبا 18سنة وحرمتين ومعاهم حرمة حامل بتولد بكرية سمعت السستر تقول باقيلها نصف ساعة بالكثير ويخرج البيبي لم يستقبلها المستشفى بعد مادخلوها وكشفو عليها خرجوها بحجة إنه ماعندهم دم وخايفين تنزف بعد الولادة مع العلم إن الرجل الكبير قال انا اتحمل كل المسؤلية لو صار لها شي نسيت اقولكم إن المستشفى خاص وليس حكومي والحرمه اللي بتولد واللي معاها من الجنسية التشادية وباين عليهم إنهم على قد حالهم المهم حاولو موضفين المستشفى يقنعونهم مع إن الحرمة خلاص بتولد يمكن ماتوصل حتى لباب المستشفى الثاني بالخروج بسرعة من المستشفى وجا واحد من مكتب من مكاتب المستشفى وهددهم بطلب الشرطة لهم لو ماخرجو بسرعة
في هذا الوقت بانو الناس على حقيقتهم فيه ناس وقفو مبلمين زيي مذهولين من قسوة هذة القلوب ,وفيه ناس طيب الله ثراهم وكثر الله من امثالهم اللي عرض دمه لو لزم الامر دم واللي طلب منهم يتوجهون لاقرب مستشفى حكومي وهو يقوم بمساعدتهم في دخوله واللي قدملهم مبلغ محترم وقلهم سيبو هذولا الغنم وهذي الفلوس إلحقوا وأنقذوا بنتكم

وقفت مذهوله من قسوة قلوب الناس اللي إحنا نروحلهم نلتمس عندهم الرحمة والرافة
اتاريهم مايرحمونا من طيب اصلهم لكن يرحمونا من طيب جيوبنا ,وفي نفس الوقت فرحانة فرحانة مرة اني من شعب كله نخوة وكرم ومرؤة وقلوب تنسى جروحها والامها وتهب هب لمساعدة الضعيف اللي ماله والي بيض الله وجوههم يوم تسود الوجوه

هذا الموقف اثر فيه اثر مأظن إنه بيروح بسهوله من كثر مأثر فيني رفضة ارجع البيت بالسيارة ورجعت للبيت مشي وطول الطريق وانا ابكي وادعي لاني خفت يشوفوني اولادي في هذي الحالة فحبيت افضي هذة الشحنة في الطريق واللي في القلب فالقلب

لو كنتن مكاني إيه كان موقفكن يمكن تقولن والله إنك تافهه وماعندك سالفة بس انا مازال الموقف مأثر فيه ومازلت لاأستطيع ان اصيطر على دموعي شعور عجيب مزيج من مشاعر الإحتقار والكره لذلك المستشفى ومشاعر الاعجاب برجال والله مأحسبهم خاليين الجعبه من الهموم لكن معدنهم الثمين الهاهم واشغلهم عن همومهم ومشاعر كرهي لضعف حيلتي في تقديم يد المساعدة لهم والإكتفى بالدعاء لهم بان يكون القوي اللي لافرق عنده بين غني وفقير ولا اسود وابيض الابالتقوى ان يلطف بحال بنتهم ويجبر ظعفهم ويوفقهم لعيال الحلال ويرجعهم لبيتهم فرحانين منصورين ومجبورين الخاطر اللهم امين ياعلام الغيوب
28
3K

يلزم عليك تسجيل الدخول أولًا لكتابة تعليق.

تسجيل دخول

أم رانـيــه
أم رانـيــه •
مابغى كلمة رفع
ابغى اعرف موقفك إيه عشان اعرف انا حرمة طبيعية ولا اروح لدكتورة تشوف الخلل اللي عندي
babylove
babylove •
موقفي؟؟؟؟

بكيت بمجرد ما قريت الموقف

شي يقطع القلب :(

لا حول ولا قوة الا بالله وش هالقسوووووه؟؟؟؟

ما اعرف اتوقع اعرض عليهم مساعده ماليه زي ما سووا بعض الناس بارك الله فيهم وبكذا يكون الكل ساعدها

مرررره اثر فيني موضوعك

الله لا يحوجنا لغيره ما دمنا احياء
صغيرونه حنونه
صغيرونه حنونه •
الله المستعان

ذكرتيني بالاجانب في غسيل الكلى الله يرحم حالهم

اللي مريض ويغسل كلى لازم 3 مرات اسبوعيآ

وكل مره تكلف 750

من وين بيجيب هالمبلغ ؟؟!!

واذا ماجاب المبلغ يدوخ عندهم ويتعب وهو ماغسل

لازم ورقة مساعده من امير او واسطة مسؤول او يموت ..


يااااااااااااااااااارب يسرلهم كل عسير واشفيهم وعافهم واعفوا عنهم وصل اللهم على نبينا محمد
**روعة**
**روعة** •
لو انا مكانج جان وقفت معاهم وقلت حق الدكتور وين الانسانية وين القسم الطبي وين الرأفة وين المرواه وجان فشلتهم
وجان قلت لهم نادولي الطبيب المناوب المسأول او حتى مدير المستشفى
حبيبتي الساكت عن الحق و الخطأ شيطان أخرس
مجدالإسلام
مجدالإسلام •
لا طبعا ماإنتي مريضة وقولي الحمدلله الي أوجد الرحمة بقلبك
والله ماني عارفة وش أقول ليش الرحمة أنتزعت من القلوب لو كل واحد حط إن أحد أحبائه كان بهالموقف والله لأتغير الكلام