السلام عليكم ورحمة الله وبركاتة
كيف حالكم يأحلى بناااااااااات :27:
الحمد لله، هالسنة ربي يسّر لي الروحة لمكة وتأدية الركن الخامس بس ترى مافية صور :35:
ابتكلم اول شي عن السلبيات اللي شفتها وبعدين نختم بالايجابيات
بنات اولا في حاجة اااستغربتها بالحج اللبس ثم اللبس ثم اللبس :44:
ماتوقعت بالحج الناس كذا لبسهم شي عجيب بناطيل استرتش وجنزات شي من جد يضيق الصدر اللبس لاحقنا انا قلت اخيرا ابروح اماكن مافية اللبس المقرف اللي صاير الحين وصار لاحقني
حتى واحنا بالحج
رايحين نتعبد ونذكر ربنا والناس جايه تتكشخ اذا جاء الليل قاموا يلبسون البجامات وكل وحدة تقول الضيق عندي :(
والله بعضهم حتى الكلوت باين تلبس اللقنز ولونه بيج ياسلام :icon33: ولاصحو تعالوا شوفو الاستشوارات والميك آب ولبس على سنقة عشرا بعضهم لابسين بناطيل جنز وبديات وبلايز
حتى المحاضرة جزاها الله خير تكلمت وقالت ياناس احنا جاييين لاحب الاماكن الى الله جاين نعبد الله جايين نبي نرضيه وانتم كل وحدة همها اللبس وكل وحدة في وادي
حتى اتكلم انا وحدة قالت ياحليلك الناس الحين صاروا كذا وتغيروا
انا اطلع من الغرفة ابي اصلي ادعي تعرفون بالغرفة ازعاج فاطلع ماقدر اس
وي اي شي عيوني رايحة جايه مع العالم وفيه ناس يمرون والله استحي اطالعها من لبسها شي يحزززن :icon33:
الشي الثاني الأكل يملونه بالصحون ولاجت تاكل بس ربع اللي حطته والباقي تقوم وتخليه والله حرام ولا احد قالها شي قال انا دافعة فلوس وابحلل قيمة فلوسي
مره امي قالتلي جيبي لي كوب قهوة وتمر رحت اجيب طبعا جيت للمكان ولقيت تمر معبى بالصحن قلت للعامله هذا لاحد قالتلي لا واجي آخذا قالت استني اطلعلك واحد جديد هذا بعد ناس قلت عادي نظيف مو متسمم قالتي ليت كل الناس مثلك قلتلها من جد حرام ليش تفكين شي جديد وهو موجود.
والله بوفيه الأكل ولاخلص السخان على طول بعدة سخان ولا تاخر قامون الناس يتضايقو
المغرب يوزوعون شوكلاتات اشكال وانواع والناس تاخذ بالاربع والخمس ولا قالولهم فيه ناس ماخذوا كل وحدة تاخذ على قدها قالت انا دافعة فلوس ومن حقي اخذ اللي ابي
ياناااااااس انتي دفعتي هالمبلغ لربنا احنا جايين نبي مكان مريح عشان نقرى وندعي مو جايين ناكل احنا مو جايين من مجاعة ياربي لك الحمد
والله لو تشوفون الناس اللي برى ينامون تحت كراتين هم وزوجاتهم واولادهم واحنا بنعمة فضيله والله لو نجلس طول السنين نشكر مانوفيها
ماغير تشوفي هالحريم يتأففون من كل شي الاكل مو لذيذ الحمامات فيها مناديل طايحة ومدري ايش وايش
وربي شاهد الحمله من انظف الحملات وارقي الحملات النظافة شغاله فيها اربع وعشرين ساعة تطلعي من دورة المياة تدخل العامله وراكي على طول وتنظفة قمة قمة بس رضا الناس غاية لاتدرررك :35:
اكلهم روعة وخدمتهم اروع بس الناس مايعجبهم شي
والشي الاخير بالباصات واحنا طالعين من مشعر لمشعر والحريم سواليف يافلان قصر المكيف يافلان طف النور
وكل وحدة صوتها اطول من الثاني وماكانه فيه رجال مو من محارمك
يابنات في اشياء كثيره بس هذي ابرز الاشياء انتبهو انتبهوا تخربوا حجتكم عشان اي شي كلها خمس ايام وراجعين احتسبوا الاجر عند رب العالمين وربي ماراح يضيع الاجر اللي سويتيه
انا ماكتبت هالكلام الا ابغاكم تحرصوا لابد فيه اشياء بتزعجك وتضايقك لانه كل الناس جايين من بيئه بس تحملي واحتسبي وترجعي كما ولدتك امك من غير ذنوب ولا معاصي وحتى لو شي مزعجك لاتتكلمين مع فلانه وعلانه خليك بحالك :27:
والحين اببدا بالايجابيات
ياقمراتي اللي حجت الحمد الله واللي ربي ماكتب لها اللي يكتبها لك في السنة القادمة بأذن الله
والله اول ماقالي زوجي انه راح نحج هذا السنه جتني لاهبه مع خوف مع فرحة شي جدا جميل
يابنات ماتوقعت الحج كذا كانت من اجمل ايام عمرررررررررري تعرفت على ناس جدا عسل
يالله على قومة الفجر بعدين تفطري ويبدا يومك بالذكر وبعدين تبدا حلقة القران مع الداعية وتفسير القران من اروع مايكون
والله اتمنى كل سنة احج حتى اقول لاخواتي والله لة يصير عندي محرم لاروح مشرفة بالحملات اخدم حجاج بيت الله
شعور مايوصف وانتي تكبري وتمشين مع الناس يالله كل هالحجاج يبغون رضاك ياربي يبغون عفوك وغفرانك
واجمل شعور وانتي ترمين الجمرات وانا ارمي جاني رهبه من المكان بس بعدين تعودت وصرت ارمي وانا مبسوطة
ياحلو الشعور وانتي تشوفين الناس كلهم مبسوووووطين وفرحانين انه تمم ربي رزقهم بالحج
تشوفوني امشي وانا مبهورة من كل شي نظراتي تسبق عبراتي مناظر مهيبة وجميله بنفس الوقت
ياحلو يالشعور وانتي بعرررررفة كل الناس تلهج بالدعاء يريدون العفو منك ياربي
والعيد كان جدا رائع مسابقات وفرفشه ولعب وسوالف مع البنات العسولات واحتفلنا بالقاتوة والحركات
والحمد الله الداعيات ماقصروا جزاهم الله خير الجزاء محاضرات طول اليوم ومسابقات وتفسير القران
ايام من ارووع ماتكون طبعا لو ابكتب الى بكرى عن جمال الحج ماراح اوفيه حقة
ربي ارزقني وارزق جميع اخواتي المسلمات حج كل سنة يارب
الحمد الله ثم الحمد الله ثم الحمد الله حتى يبلغ الحمد منتهاه
الحمد الله حتى ترضى والحمد الله اذا رضيت والحمد الله بعد الرضى
الحمد الله اني تممت حجتي هذي السنة وعقبال كل وحدة ماحجت
واسفة على الأطالة :26:
عناقيد الغضب @aanakyd_alghdb
عضوة فعالة
يلزم عليك تسجيل الدخول أولًا لكتابة تعليق.
الله يتقبل مني ومنك حجنا وانا حجيت كمان
فعلا ايام رائعه من اجمل ايام حياتي
واسال الله انه يرزقني واعيدها ويرزق كل الي ماحجو
فعلا ايام رائعه من اجمل ايام حياتي
واسال الله انه يرزقني واعيدها ويرزق كل الي ماحجو
& شروق &
•
الله ذكرتيني بأحلى ايـــــــــــــــــــــام عمري انا بعد حجيت السنه هذي
من جد اتمنى كل سنه احج مشتــــــــاقه لذيك الايام والله دمعت عيني
مشتاقه لجوالعباده والرهبه
وعن السلبيات والله صادقه البس من جد انصدمت معقول حتى في الحج وإلا الاكل ينرمي بالهبل والله حرام
بس مايسمعون النصيحه
وتعرفت ع بنات اتواصل معهم لليوم الحمدلله
آآآآآآآآآآآه ليتني احج كل سنه
من جد اتمنى كل سنه احج مشتــــــــاقه لذيك الايام والله دمعت عيني
مشتاقه لجوالعباده والرهبه
وعن السلبيات والله صادقه البس من جد انصدمت معقول حتى في الحج وإلا الاكل ينرمي بالهبل والله حرام
بس مايسمعون النصيحه
وتعرفت ع بنات اتواصل معهم لليوم الحمدلله
آآآآآآآآآآآه ليتني احج كل سنه
الصفحة الأخيرة
حج مبرور وذنب مغفور بإذن الله
والله يكتب لنا الحج في كل سنه << اووم الطمع
تشكرين عالنصائح الطيبة والله يهدي الجميع
لا اله الا الله ..