اقتباس مشاركة  (ميلاف نجد)
أخي الكريم لدي عدة أسئلة أرجو منك التكرم بالرد عليها أريد أسماء شركتين للمضاربه وياليت أخي تحدد لي السعرعندما أريد الشراء وأيضاً البيع لأني أخاف تروح الفرصه علي وأنا قاعده أتفرج!!!وحبيت أسأل لو بغيت أشتري أسهم أنت سبق وقلت لاتشترون ماركت ,طيب ومن وين أحدد السعر اللي أبغاأشتري به ويمكن السهم مايوصل للسعر اللي وضعته بهذه الحاله كيف أشتري. آسفه على البلاهه بس أنت اللي جبته لنفسك......وعساه في ميزان حسناتك يارب

حياك الله ..
اسألي وانا اجيب في حدود ما اعرف ...

أختي الكريمة ...
هل فتحت محفظة ؟؟ وعندك تداول عن طريق النت ؟؟ او الصالة ؟؟ او الهاتف ؟؟

2/ السعر اختي الفاضلة يُحدد على اساسيات كثيرة .. من اهمها الدعم والمقاومة ، والقمم والقيعان ، .. فمن خلال متابعتك للسهم تعرفين كيف تحددين السعر ..

3/ وبالنسبة للفرصة اللي ممكن تروح عليك وانت قاعدة تتفرجين ... ما عليه اختي خليها تروح ... وراح يجي مليون غيرها .. السوق بخير وما طار ... أهم شي ما نخسر ولا نتعلق ..

4/ طيب لنفرض أن السعر لم يصل إلى السعر الذي وضعتيه ... ما فيه مشكلة .. خليه يروح ... نشوف غيره .. واللي ما يجي اليوم .. يجي بكرة ..

5/ نوسع صدورنا .. ولا نعصب .. ولا نرفز .. ونهدي انفسنا .. راح نرتاح ونشتغل صح ...

6 / ما دمتي تبين شركات تضاربين فيها ولا تبين استثمار فهذي الأفضل يكون قُرب وقت التداول أو في أثنائه .. حتى نستطيع قراءة السوق جيدا ....
واليوم انا بأحد المنتديات وصيت على زجاج وارتفعت 12 ريال تقريبا ، والقصيم ز وارتفعت 4 ريال ، ، ،

7/ وليش بلاهة ..؟؟ بلاش الكلمة هذي .. بالعكس سؤالك جيد وممتاز ورائع .. والأروع منه انك طرحتي السؤال .. أنك لو ما سألتي كان استمريتي جاهلة .. لكن الان .. انت علمت بهذا .. اذن السؤال رائع وفي محله ..

الله يوفقك ويربحك وييسر لك دربك ..
أرزاق مقسومة ،،، هو :

سيسبان
اقتباس مشاركة  (d5oon)
اختي امل عمري
افضل البنوك الفرنسي على الاطلاق
انا فاتحه في سامبا ولو وقتها سمعت عن الفرنسي كان اتجهت له ...
و اغلب المتداولين يمتدحوا البنك الفرنسي
واجمع اغلب من يتداول على الاسهم في البنوك المختلفه على ذلك
فتوكلي على الله وافتحي محفظتك بالبنك الفرنسي
والله يرزقنا ويرزقك الرزق الحلال
وفقك الله اختي .. وشكر لك هذه الإضافة الرائعة ...

ولكن لي تعليق بسيط جدا حول كلمة ( اغلب ) فهل هناك احصائية نستطيع من خلالها الحكم ...؟؟

اختي الفاضلة .. اعجبني لك موضوع او اثنان .. حول بعض الأسهم .. وقد ارفقت معه شارتات ومؤشرات السهم .. ويبدو ان لك خبرة جيدة في هذا المجال ...
فلا تحرمينا ..
ولا تحرمي اخواتك من هذه الفوائد ..
وليكن تواجدك معنا دائم .. فانت باذن الله خير عون لهن ... وهن في حاجة اليك ...

وفقك المولى ..
أرزاق مقسومة ،،، هو :

سيسبان
أخي الكريم إيش رايك بسهم مبرد أشتريتوا اليوم ب473 ونزل ب435 هل تعتقد حيرتفع ولا حيستمر بالهبوط؟ تنصحني بالبيع بخسارة؟
اخوي الله يعافيك عطينا وقت السوق برمضان 0000
وتبوك الزراعيه فيها خير ولا
جزاك الله خير ويعطيك العافيه يارب
احبكم واغليكم&&&
مع اخلص تحيه حب لكم&&&
اقتباس مشاركة  (لمعة الماسة99)
اخي في الله ارزاق مقسومة
حيرتنا ليش ما تبغا كلمة استاذ انا قلتها لانك تستحق كل الاحترام فجزاك الله عنا كل خير
وبعدين وشفيهم الاساتذة !!!!!!!!!! امزح
المهم شكرا على لقب سيدة اعمال الله يسمع منك يارب
آخر خبر بعت الغازعلى النصيحة؟
ماذا بعد؟
وبعد انت سألت ليش ابغى اخرج من السوق
لاننا في سوق يطبق القانون الطبيعي صح البقاء للاقوى ....لنا رب يرحمنا
وبعدين الاسهم وصلت خلال ثلاث سنوات بمعدل2000% سابك كانت ب 160 واحسب ثمن الاسهم الممنوحة
والمواشي كانت ب 17 ريال بيشة كانت ب13
هذا على سبيل المثال الشركات القوية والمتهالكة
ماذا بقي للتجزئة ؟؟؟؟؟؟؟؟!!!!!!
طريق العودة ...الله يستر
لذلك باذن الله اني اكون ربحانه وقتها واطلع من السوق (وجهة نظر اطبقها على نفسي ) اذاكنت مخطئة فكن ناصح أمين
وانا قاعدة اشوف اعلانات الشركات هاليومين تؤكد على سرعة ايداع الشهادات الاستثمارية
هذا تفسيري عاد مدري هل لهذا مدلول لا اعلمة دلنا الله يدلك على طريق الخير
أختي الفاضلة ...
يسر الله لك كل سبيل ...
أما بالنسبة للسوق فكلامك صحيح أنه ارتفع .. ولكنه لا يدعو إلى الخروج أبدا .. ووضع السوق ـ مهما نزل ـ مطمئن جدا .. فالاقتصاد قوي ، والدولة آمنة ، والشركات تتوالى أرباحها ، والدولة تمتلك في كثير من الأسهم ، والسوق تحت السيطرة ، والقرارات الجيدة تتوالى ، والبترول في ارتفاع ـ أو استقرار سعري ـ
فلنتبع السوق ، ولنبحث عن رزقنا .. أما التجزئة فهي الوتر الذي سيعزف عليه كبار المتداولين ليُفزعوا به الصغار ويُخوّفوهم فيأخذوا اسهمهم ,,,,
ولتعلن الشركات ..
ولتنادي بإيداع الشهادات ..
ثم لتحصل التجزئة ـ كما يدعون ـ ..........
سأبيع وأشتري ، وأمسك أسهمي ، فإن جاءت التجزئة قسموا أسهمي وجزؤوها وهي عندي .. واستثمرتها .. فتعاود الارتفاع ، ثم بعتها بمكسب ,, ثم دخلت في أسهم أخرى ..
وهكذا دواليك ...

وفقك الله ورعاك ....

( وهذا هو رأيي الشخصي ، وليس ملزما لأحد )
أرزاق مقسومة ،،، هو :

سيسبان


الساعة الآن 08:14 .