ماعرف
06-01-1433 هـ, 10:39 صباحاً
 

شوفي هاذا قرصان بقولك الطريقه القديمه زي مايسونها الحريم الكبار طعم وريحه تجنن

جيبي بصل وطماط وصلصه وماجي وبهارات مويه لحم هبر مقطع صغار الخضار كوسه جزر فاصوليا بزاليا قرع اصفر باذنجان وملح
زيت وزبده اذا حبيتي فلفل اسود هيل حب عودين دارسين حبتين قرنفل حبتين فلفل اخضر حار
اللحم بعد ماتغسلينه زين خليه على جنب جيبي القدر كشني البصل وخليه مره ناعم واطحني الطماط مع شوي مويه بعد مايتكشن البصل زين حطي الطماط وبعدين حطي اللحم وحبة فلفل والبهارات العدله وخليهم يتسبكون شوي حطي الصلصه والماجي والبهارات والفلفل الاسود وكوب مويه وغطيه وخليه يتسبك بعدين زيدي المويه ثلاث ارباع القدر وحطي ملح وخليه الين يستوي اللحم بعد مايستوي اللحم ضيفي الخضار بس الجزر والفاصوليا وخليه يستوي نصف سواء بعدين شيلي الفلفل الحار وحطي باقي الخضار وخليها لما تستوي مو تنهري لا تصير شاده شوي والقرع حطيه اخر شي الحين شيلي البهارات العدله وسكري عنها النار وجيبي حله القدر الي واسع من الوسط وجوانبه مو رفيعه كسري في قاعته القرصان خليه بس يغطي القاعه بعدين جيبي بالمغرفه من موية القرصان وحطي الين تحسين انها تبللت بس مو كثير يكفي مغرفتين بعدين حطي مره ثانيه قرصان بعدين موية الايدام وشوي من الخضار والحم وبعدين مره ثانيه الين تمتلي الحله الا شوي يعني خلي شوي منها فاضي وخلي شوي خضار ولحم على جنب وحركيها الين تداخل وحطي فوقها الخضار واللحم الي يبقى ورشي بهارات مطحونه وفلفل اسود وممكن تحطين قطع زبده قطعتين صغيره اذا حبيتي المقدار ماله مقدار معين والخضار زي مقدار الايدام الي تسوينه دايم وولعي النار وقصريها مره وحطيها عليها لمدة ساعه واذا تبينها تطلع مره حلوه سوي بصل مقطع صغار وزيت على النار ويكون الزيت كثير وممكن تحطين قطعة زبده على نار هاديه واول مايصير البصل اشقر حطي عليه ملح وبهارات مطحونه مقدار ملعقه كبيره وفلفل اسود رشه وطفيه وصبيه فوق القرصان وحركيها تحطينها بعد الخضار وهاذي اختياريه تبين تسوينها ولا بس تحطين زبده او سمنه خليها ساعه تتشرب اهم شي مايصير معصود معروف انه يصير شوي مفلفل القرصان وكلوه بالعايه لذيذ ومفيد ويدفي في هاالبرد وحلو مره مع الرز وانا بانجد نحط قرصان وجريش ورز وفوقهو لحم او دجاج محمر وكشنه نسميها مثلوثه
07-01-1433 هـ, 04:03 صباحاً
 
يم يم اقول ابي اجي اقلط عندك اكل شكله بيطلع شي تسلمين ع الطريقه
08-01-1433 هـ, 10:33 صباحاً
 
زي ماقالو البنات احتمال يكون
قرصان بس غريبه ليه مافكرتي
تاخذين الطريقه منه صدقيني
راح تنبسط
08-01-1433 هـ, 11:54 صباحاً
 
من وصفك انها قرصان
والبنات ما قصروا
08-01-1433 هـ, 12:16 مساءً
 


الساعة الآن 12:09 .