السلام عليكم ورحمة الله و بركاته

خواتي العزيزات
وخاصة اللي تعاملت وياهم
اولا : اعتذر على كل غلطة طلعت مني
ثانيا: رجاءا لا تفهموني غلط

اللي اتهمتني اني مب واضحة في التعامل
و اللي اتهمتني بالقصور


وكله بسبة الشحن ((( الارامكس )))


يااااااااااااااااااااااااااا بنااااااااااااات انا قبل لا اتعامل وياكم كنت اراكض من مكان لي مكان عشان ادور لكم ارخص شحن

و تعاملت مع شركة فيرست فلايت الرخيصة عشان ما اكلف عليكم
مع اني تبهدلت وياهم و كل يوم اتصل عشان اتأكد اذا الطلبية وصلت و الا

و اخر شي مليت منهم لانهم مب دقيقين في مواعيدهم


بعدين سرت الارامكس و خليت ريلي يتريا المدير ساعتين يالس يترياه عشان يرمسه و يعطينا خصم كللللللللللللللللللللله عشاااااااااااانكم و عشان ما اكلف عليكم

و كتب في ورقة و لين الحين عندي هاي الورقة

دبي 15 سيرة و ردة ( السعر الاصلي 20 )
الشارجة 20 سيرة و ردة( السعر الاصلي 30 )
العين.بوظبي . راس الخيمة 35 سيرة و ردة ( السعر الاصلي 50 )

اول دفعة من الطلبات مشوا على اساس الخصم
و ثاني دفعة نفس الشي
لكن الدفعة الاخيرة مشوا على السعر الاصلي عندهم

و انا مخبرة البنات عن الخصم


و الحيييييييييييييييييين كل وحدة تتهمني باني مب واضحة و اني مقصرة
و كذا رسالة يتني و الكل مضايج مني ......... انزيين و الله ( وانا مابغي احلف على شي تافه ) ان ما عندي اي علم باللي سووه

و اللي يزاها الله خير تفهمت الموضوع

بس انا متضايجــــــــــــــة واااااااااااااااااايد

طول عمري امينة و ما احب اكلف على اي شخص
و اللي احصل من كل بيعة شي بسيييييط جدا ما يسوى كل هالركيض و التعب و تحمل الكلام الجارح

خواتي حطوا في بالكم ان تضايجتوا اتضايج وياكم لا تتحسبوني ما اهتم او مب مبالية بالشغلة

و العصر مطرشة ريلي يسألهم عن السالفة و ليش غيروا رايهم والين الحين ما وصل

و بعدين بيزات الشحن ان قلت و الا كثرت مب حقي
انا ما اخذ غير سعر البضاعة بس
و على فكرة كذا وحدة ما دفعت بيزات الشحن و اضطروا يخصمون من سعر البضاعة
و انا قلت ماعليه بعديها


عموما يا بنات
كتبت الموضوع هذا عشان اعتذر من كل البنات اللي تعاملت وياهم ( اقصد الدفعة الاخيرة لان الدفعات اللي قبل ما اشتكوا من شي و لله الحمد )

اعتذر من كل البنات جدام الكل
و اذا بايدي اطرش البيزات على رقم حساب كل وحدة زعلت مني على سالفة الشحن

و اذا عندكم حل ثاني غير الشحن انا حاضرة

مشكورين و يزاكم الله الف خير

بالتوفيج للجميع

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ليش ياختي الجوهره تضايقين نفسك

الشحن مو على كيفكم ولازم لهم احد وراهم وراهم عشان توصل البضاعه بس بعد بنات حواء طيبات ويقدرون الظروف وهذا اللي الاحظه

صدق اني ماتعاملت معاك بس ارتحت لمواضيعك واتضحلي انك قمه بتعامل الراقي

واهم شي وسعي صدرك ترى حنا اخوات ونراعي ضروف بعض
مثل ما قلتي ... بيزات الشحن ان قلت و الا كثرت مب حقي

مفروض الخوات يتفهمن الموضوع وما يزعلن كلها الا 10 و20
عزيزتي الجوهره ... جان على البيزات و شئ ما يستاهل يتعوضن إن شاء الله

أهم شئ من ناحيتي و بصراحه أكسب إخت عزيزه و غاليه أتعامل وياها بكل صدق و إخلاص
لا اله إلا أنت الحليم الكريم ، لا اله إلا أنت رب العرش العظيم ، الحمد لله رب العالمين ، اللهم إني أسألك بموجبات رحمتك و عزائم مغفرتك و الغنيمة من كل بر و السلامة من كل أثم و الفوز بالجنة و النجاة من النار ، لا تدع لي ذنبا إلا غفرته ولا هما إلا فرجته ولا حاجة من حوائج الدنيا و الآخرة لك فيها رضا و ليا فيها صلاح إلا قضيتها و يسرتها برحمتك يا أرحم الراحمين
الغاليه الجوهره

سوي اشتراك بزنس وومن في ارامكس

انا مسويه وتكلفة الشحن تطلع 15 درهم لاي مكان بالامارات




الساعة الآن 07:55 .