السلام عليكن ..
ساعدوني جزاكن الله كل خير لأنو أنا وبنات عمي إتفقنا نعمل دورية بيوم عاشورا وقبله وبعده فطور بس ..
و صار علينا الفطاير
أشين شي بالحياة أجر إن ششالله 
لأن بنات عمي عليهم حلويات بنفس يومنا يعني بس نبدع بهالفطاير المشكلة وش إني ماأتقن الفطاير تكون قاسية مااادري من وش إستخدمت أكثر من عجينة نفس الحكاية،
و برضو أبي حشوات حلووه مو شرط جديدة أهم شي حلوه لاتقولي القسم مليان لأن الكل يمدح شغله هناك ماودّي أغامررر
و بعد البيتزا ماعمري سويت غير بعد الصلصة أحط زيتون وفلفل و الجبن!
النااس يسوون أشياء جديدة روعه ماأدري وش بالضبط،
و آخر ششي هل ممكن أسويها قبل بالحشوات وكل شي و بنفس اليوم بس أحطها الفرن؟
يعني كم ممكن تقعد مجمدة بالحشوات؟
و الفرن درجة الحرارة عالية مره و تدخلونها والفرن حار ولا؟
الله يخليكم سسساعدوني بدعي لكل وحدة ردت لو شي بسيط يمكن يفيدني لا تستكثرين اللي تعرفينه علي يمكن ماأعرفه
و شكرآ ي حلوات .. جزاكن الله كل خير

كل وحدة أرسلت لي عالخاص تعذرني،ماأقدر أرد لأنو ماوصلت مشاركاتي ل50
أول مايُسمح لي ماراح أنساكن .. برّد إن شالله
اسوي فطاير بعجينه اخذتها من كتاب النخبه انا بصراحه عاجبتني كاس حليب دافئ مايل للحراره 1 املعقه خميره فوريه وملعقه صغيره باكينج بودر وربع كوب زيت وسكر وملح واخلطيهم بمضرب البيض وخليه ربع ساعه يخمر وبعدين اضيفي الدقيق الكويتي تدريجي واعجني حتى تصير لك عجينه متماسكه لاتضيفين الدقيق مره وحده تدريجي انتبهي تكون العجينه متماسكه ورطبه خليها نص ساعه وقفلي عليها زين بكيس بلاستيك شغلي الفرن وابدئي اشتغلي بالفطاير احشي جبن ابيض ونعناع اوجبن كرافت وجزر مبشور مع رشه كمون وزيتون شرايح اوجبن ابيض ونعناع وزيتون شرايح لبنه وزعتر احيانا افرد العجينه واقطعها بالقطاعه اللي على شكل ورده واحطها بالكوب كيك الصينيه واحط بيتزا اولبنه اولبنه وزعتر اللبنه احط عليها شيره اوعسل هذي الفطاير
كمان وحده بالمنتدى مسويه بيتزا بالسبرينق رول تجنن والله انا حمست بصل شرايح وشوي صلصله وحطيت زيتون شرايح وجبن كرافت مبشور ومزريلا واذا تبغي نقانق اضيفي وفلفل رومي شرايح ولفيها زي السبرينق رول واقليهابزيت حار تجنن والله ان شاء افدتك يالغاليه كمان التورتيلا حلوه سويها والفطاير اللي بالتوست روعه وسهله شكلي كل الانواع ورتبيها بالصينيه اذا تبغي طريقه البيتزا الرولات اللي بالتوست قولي وبرسلها لك من عيوني الله يوفقك يارب امين
اللــــــــــــ ـي فاقد له غالــــــــــــ ـــــي ....
وين يلاقيــــــــــ ـــــــــــه ؟؟؟؟؟
مو شرط فطاير دجاج وجبن سوي كودو التوست وهي تجيبي حبنين توست
وتحطيها فوق بعض وتفرديها وتقصيها دائرة كبيرة وكذا لما تخلصي ثم غمسي
كل دائرة في بيض ثم بقسماط واقليها بالزيت وبعد كذا جهزي اي حشوة وشقيها
من النص وابدي احشي وزيني وسوي صينية توست وقطعيه مثلثات وزينيه بالصحن
وسوي ميني بيتزا واضيقي عليها قطع نقانق وسوي بف بستري واحشيها تونة مكشنة
اتمنى استفدتي وانا حاضرة باي شي تبينها وعسى الله يبيض وجهك
ممكن تبدعين غير الفطاير

يعني جيبي صامولي وقطعية شرايح واحمسي ع المقلاة نقانق مكعبات مع زيت وفليفلة خظراء مكعبات وارفعيها من النار ثم اخلطي معه نص علبة قشطة ونص علبة جبن كاس وثوم وملعقتين كبار مايونيز

خوذي شريحة صامولي وخوذي من الخلطة وحطي فوق شريحة الصامولي وبعدين صفيهم بصينيه ورشي بالوجه شوي سماق وحمريها بالفرن من فوق وتحت


جيبي كوروسان صغار مرة من بندة وحشيها بمرتدلا مع جبن مخلوط مع مايونيز بثوم وقطعة خس

جيبي توست وقطعي اطرافه البنية وادهنيها بمايونيز ثم شريحة جبن برجر ثم قطعة خس ثم توست وقطعيها اربع مثلثات تطلع صغار حلوات

بعد ممكن تجيبي تست وتحشيها دجاج مع جزر مبشور مع خس وتحمصيها بالحماصة وتقطعيها مثلثات


وتجيبي تورتلا وتحشيها فلافل او كودو وتحطصيها بالحماصة


ياكثر الاشياء مو لازم عجن وخبز
ماقصرو الاخوات الي قبلي
ووممكن تسوين صينية فطيرة الخضار ثم قطعيها ورتيبها في بطريقه حلوه
وشوفي الطريقه هنا روووعه سويتها اكثر من مره وكل من ذاقها سال عن الطريقه الله يجزا صاحبتها خير الجزاء
http://forum.hawaaworld.com/showthread.php?t=3363363

ولو عندك قوالب كب كيك تسوينها فالقوالب اكيد بتطلع احلا


الساعة الآن 06:50 .