Analysis Services
يزاج الله خير اختي بدوية
وسمحيلي عندي سؤال ثاني
ممكن تشرحيلي كيف ممكن اسوي دراسه كافيه عن الشركة إلي بشتري فيها
ومستوى أرباحها وأدائها؟
وهل في مواقع تفيدني فهالشي؟
تراني ماعرف شي فالاسهم
بس من فترة قمت اقرا عنها
واتابع حركة السوق

والسموحة
05-06-1426 هـ, 02:32 صباحاً
 
اقتباس مشاركة  (محبة_العلم)
لا تزعلين منا اختي البدويه لكن نحن تونا جديدين بسوق الاسهم

لكن ما شاء الله معلوماتج ونصايحج تفيدنا واايد يالغاليه

واستمري وواصلي إلى الامام
الله لا ييب الزعل بينا يا خواتي
أنا ودي تحطون إيدكم بإيدي وتثرون الموضوع معايه بمعلوماتكم
أنتو .
خواتي حاولو تدورون على معلومات من خلال النت و الكتب
أقعدو مع أخوانكم أزواجكم وأقاربكم تعلمو مب عيب هالشي
وممكن تروحن المعهد تقوليلهم أبا درس في الرياضيات
وأطلبي من الإستاذ يعطيج درس عن الأسهم
البيع والشراء
والعمولة
وتعديل الخسائر
بيكون أحسن وأحسن لو سويتو هالشي
ترا أنا مثلكم ماكنت أعرف شي
بس حطيت الشي في بالي وقاعدة أثقف عمري فيه

وخذت عهد بيني وبين نفسي ما أذخر معلومه عن هالشي عن بنات بلادي

متبع قول الرسول صلى الله عليه وسلم حب لأخيك ماتحب لنفسك .

وعشان رب العالمين يوفقني في كل شي أسويه في حياتي
ويسرلي أموري .
05-06-1426 هـ, 03:59 مساءً
 
اقتباس مشاركة  (الطيرالمهاجر)
يزاج الله خير اختي بدوية
وسمحيلي عندي سؤال ثاني
ممكن تشرحيلي كيف ممكن اسوي دراسه كافيه عن الشركة إلي بشتري فيها
ومستوى أرباحها وأدائها؟
وهل في مواقع تفيدني فهالشي؟
تراني ماعرف شي فالاسهم
بس من فترة قمت اقرا عنها
واتابع حركة السوق

والسموحة
يا أختي قبل لا تخطين أي خطوة
لازم تكون عندج الدراية الكافيه
عن الأسهم
يعني ثقفي نفسج عدل عن الأسهم
عن طريق المطالع الإنترنت القراءة الأهل والأقارب والأصدقاء
وأنصح الكل أنه يا خذ كتاب أسمه
دليل التعامل في سوق الأسهم
مترجم لكاتب أسمه مايكل سينسير
والله أن هالكتاب وايد مفيد وشرحه ميسر بطريقة وايد حلو
بفهمج موضوع الإسهم من الألف للياء
وأنا شخصيا فادني وايد وايد وايد
بس هذا إذا لقيتيه لأن المكاتب تييب كميات كبيرة منه
ويخلص في أقل من يومين من كثر الناس إلي تحب تتعلم عن الأسهم
وهذا الكتاب فيه أجابه عن أسئلتك
وإذا مافهمتي شي تراني حاضرة
وعلى فكرة أختي ترا فيه برامج ممكن تحللج السهم
ممكن يطلع أو ينزل
ونظيات رياضية بعد ممكن تطبق على السهم في حركته
بس لا تصدعين راسج بهالشي لين ما تقرين هالكتاب عدل
وردي عليه خبر شو سويتي
05-06-1426 هـ, 04:18 مساءً
 
تسلمين الغالية
والله تعبتج
وان شاء الله اذا لقيت معلومات عن الاسهم بحطها اهني
ومشكوورة حبيبتي
وان شاء الله بدور عالكتاب
وتسلمين
06-06-1426 هـ, 01:31 صباحاً
 
مشكوره الغاليه البدويه

ونحن نحاول نتعلم ونفيد ،، بس للأسف خبرتناااا مب كافيه

وبحاول حط لكم ملف مرفق لحساب الأسهم وان شاء الله يفيدكم
06-06-1426 هـ, 08:20 صباحاً
 


الساعة الآن 10:20 .