اقتباس مشاركة  (أم العنوووووود)
خواتي
وحدة وياي في الدوام سألتني عن شراء الوافدين للأسهم الي عندها فكرة ياليت تفيدنا وتسلمن يالغاليات
أختي بالنسبة للأكتتاب في الأسهم
حسب قانون الشركه إلي طارحة الإكتتاب يسمح بإكتتاب الوافدين أو لا
والأكتتاب يكون لشركة توها يديده أو تريد تزيد راس مالها
من الطاقة . وعادة في شركات الأكتتاب يكون السهم بدرهم
والحل تصبر لين تنزل الشركة في البورصة
وعقب تقدر تشتري بس هب بدرهم بسعر السهم في البورصه
10 أو 5 أو 100 حسب لي يوصله
أما إذا كانت شركات ثانية موجوده حاليا في أسواق البورصه في الدولة تبا تشتري فيهن تقدر
والسموحة
10-06-1426 هـ, 03:52 مساءً
 
كيف تستثمرون أموالكم وقلت الخبرة هي الحاجز
من خلال مشاركات الأخوات
لاحظت قلة الخبرة لديهن في إستثمار الأسهم
فهنالك نوع من الأستثمار وبطريقة مختلفة
وهي المحافظ الإستثمارية
غالبية المضاربين في الأسهم يخسرون من اجل أن يحقق كبار المستثمرين إرباحا كبيرة
وفوق هذه الخسارة فإنهم يشغلون أوقات كثيرة في متابعة الأسهم والبيع والشراء والسهر في التفكير في توقعات مستقبلية واسهم خاسرة، وهذا جهد ووقت مكلف ويجب تقديره وخصمه من الاستثمار، ويجاهد المضارب من اجل الحصول على سراب وأحلام نادرا ما يتحقق جزء يسير

بينما يضع البعض رأس ماله في محافظ استثمارية في البنوك، لتستثمر في نفس سوق الأسهم، وعلى أيدي خبراء متخصصين يعرفون تماماً أرباح الشركة وميزانيتها ويعملون على أساس مدروس في توقع أسعار الشركة وتحليل أرباحها وأخبارها، ليحققوا إرباحا ممتازة للمساهمين.

وبينما يسهر المضارب المسكين مفكراً في بيع أو شراء سهم ليغطي جزءً من خسائره، فإن المساهم في المحافظ الاستثمارية يكتفي بمجرد الاستمتاع بمعرفة الربح المحقق في محفظته، موفراً وقته وجهده وأعصابه
10-06-1426 هـ, 04:00 مساءً
 
اختي بدوية يزاج الله الف خير يالغالية
جهودج واضحة و تشكرين عليها


يالغالية لو مثلا بغيت اخذ 5000 سهم من اسهم الطاقة

كم لازم ادفع لهم المبلغ الاجمالي لكل العمليات و الاجراءات اللي لازم اسويها ؟...
10-06-1426 هـ, 05:14 مساءً
 
اقتباس مشاركة  (*الجوهرة*)
اختي بدوية يزاج الله الف خير يالغالية
جهودج واضحة و تشكرين عليها


يالغالية لو مثلا بغيت اخذ 5000 سهم من اسهم الطاقة

كم لازم ادفع لهم المبلغ الاجمالي لكل العمليات و الاجراءات اللي لازم اسويها ؟...
يا أختي الطاقة مازالت تحت التأسيس يعني مب على كيفنا نحدد كم سهم نبا
وهم طارحين بس خمسين ألف سهم للأفراد كفأه أولى
وخمسيه وخمسين ألف للأفراد والشركات وكفأة ثانية

فرضا أنج تريدين تدخلين الفأه الأولى
تروحين بنك من بنوك الإكتتاب وتاخذين خلاصة القيد و جواز السفر وصورة منه
والخمس آلاف (( عن طرق حسابج إذا كان في نفس البنك أو شيك مصدق إذا كان من بنك ثاني ))
وهنيه تروحين تكتتبين .
فشو راح يصير بيوزعون الخمسين ألف سهم على كل المكتتبين في نفس الفأة
بالتساوي .
فجيه بيعرفون كل واحد كم سهم بيطلعله فبيخصمون فلوس الأسهم وبيردولج الباقي .

ويوم تبين تشترين بعدين عدد أسهم معينه
أول ماتنزل الطاقة في البورصه تقدرين تاخذين إلي تبينه بس هب بنفس السعر الإكتتاب إلي هوه درهم واحد لا بسعر السهم ي البورصه 10 أو 20 أو 100
المهم نفرض أن سعر السهم وصل 10
وأنتي تبين 5000 سهم شو تسوين
تظربين 5000 سهم ب السعر 10 ويساوي 50000 درهم
يعني لازم تدفعين 50000 ألأف درهم عشان تشترين 5000 سهم
والبيع بنفس الطريقة
نقول أنه عندج
5000 سهم وكان سعر السهم 20 درهم كم بيكون الناتج
100000 درهم
وإن شاء الله تكونين أستفدتي
10-06-1426 هـ, 06:27 مساءً
 
السلام عليكم ورحمة الله وبركاتة

عالم يديد ما كنت اعرف عنه اي شيء بس كنت اسمع واشوف الاخبار
والحين الحمد لله بديت افهم وادخل ها العالم اشوي اشوى

يزاج الله خير اختى صاحبة الموضوع ع المعلومات
والله يسهل امورنا يارب
11-06-1426 هـ, 02:48 مساءً
 


الساعة الآن 02:20 .