السلام عليكم
في المجتمع انتشر وللاسف الطلاق او التشتت الاسري
خلونا هالمره نتكلم بشكل ادق عن ام الزوج وام الزوجه
(العمات)
نبي نتكلم بشكل موسع او مصحح للاوضاع الحاليه
وشرايكم بالام اللي توصي بنتها
فلانه لاتطبين المطبخ <مطبخ اهل زوجها ؟
فلانه اسمعي هاااه اياني واياتس لامن طلعتي تعلمينهم وينتس طالعه
فلانه شوفي مهوب كل ما طلعتي سحبتي اهله معتس ترى الاهل مايعطون وجه !
اسمعي لاجوهم حريم الله الله بالذرابه بس لاتصيرين قهوجيه لهم
خلي بنتهم ذا البطقا تصب القهوه ولانشدوتس قولي
في بيت اهلي ماكنت اسوي شىء<يقالتس مدلعينها
اسمعيني زززززين علمن ياصلتس ويتعاداتس لاتعطينهم وجه
لاتعلمينهم وش يصير عندناوانا لاكلمتس قولي وش يصير
بقولتس شىء حطيه في راستس كل شهر لااازم يحط لتس
فلوس بالبنك انتس سامعه لازم تضمنين مستقبلتس
اسمعي عودي رجلتس على المسايير لاتطرحينه بجلستس في البيت هم ماعاد توطوطين عند الباب
اسمعي لاقالتس جيبي والاسوي شىء تدلعي عليه وقولي ما اعرف
ولو قالتس شيلي قولي ثقيل
<<هذا بعض من التوصيات من ارض الواقع للام لبنتها
تعالو نشوف بعض توصيات ام الزوج لولدها
اسمع يامك ترا الرجال هو اللي يشكم مرته من اولتها
مهوب تدربي راسك مثل الخروف ؟؟
هاااه اياني واياك لاقالت لك ودني لاهلي قلت
ابشري طال عمرتس ترا العوض وانا امك بالبيوت حط هالكلام في بالك
شف ترا النسوان يحبن الفسفسه الزايده وابي اقلد فلانه واقلد علانه
فلوسك احفظها والا هاتها انا اشيلها لك
اسمع الرجال الشقردي مايخلي مرته كل يوم لابسه عباتها مغير تهبهب بذا الحاره
الى اخره من الامور اللي تهلك الزواج تهده ..
الحل الفتاك لهذا المرض التطنيش
اسمع من اذن واطلعه من الثانيه واتعامل مع
الكل بطبيعه ماله داعي تدخل الاهل بالحياه الخاصه
ليه كل ماصار للبنت شىء كلمت امها او اختها وقالت صار وصار وصار ؟؟
مهما زعلتي من زوجك ونقلتي حكي لاهلك عن زوجك واهله لامك واهلك انتي بترضين وبترجعين له لكن بيظل فيه شرخ او كره ناحية زوجك واهله من قبل اهلك
والعكس
لو نقلتي سوالف اهلك او اغلاطهم راح يحز في نفوس اهل زوجك وينزلون اهلك من عيونهم مهما صار ..
انتظر ارائكم وتعليقاكم على الموضوع
واتمنى اجد تجارب من ارض الواقع
(المهاااا) @almhaaaa
محررة ماسية
يلزم عليك تسجيل الدخول أولًا لكتابة تعليق.
هههههههههههههههههه ولاتنسين هالاشكال هم الموذين انفسهم يعني تسوي نفسها شايفه غيرها ياذي وهو النجسه
الله يكفينا شرهم بس اسلوبك روووووووووووووووووعه وواقعي ولهجتك تجنن
الله يكفينا شرهم بس اسلوبك روووووووووووووووووعه وواقعي ولهجتك تجنن
مها3/10
•
نصايح امي لي كانت اولا انو لازم مو كل غلطاتة اناقشه فيها ولاااااااااابد من التطنيش
ثانيا اول ما اكسب والدينه واخوانه بالمعامله الزينه لانه ع قولتها الرجال ماينسون لك المعروف ولو بيصير لك شي ولا لزوجك بيوقفون معك حتى لو ضد ولدهم اذا
ثانيا اول ما اكسب والدينه واخوانه بالمعامله الزينه لانه ع قولتها الرجال ماينسون لك المعروف ولو بيصير لك شي ولا لزوجك بيوقفون معك حتى لو ضد ولدهم اذا
الصفحة الأخيرة
لي عوده