الله يحقق لها اللي تتمنى ويبشرها بشاره خير اليوم قبل بكره

بالنسبه للاكل حبيبتي استخدمي بهارات مثل البرياني والكاري والمسالا بأنواعها في عندك خاصه باللحم ونوع خاص بالدجاج ونوع خاص بالسمك والثوم البودره ترى هي اللي تعطي الاكل لذه وريحه حلوة ماشالله


بالنسبه للقهوة والله ماعندي علم ان شالله البنات يفيدونك

غاليتي قبل كل شيئ وحتى يكون لآكلك وقهوتك طعم ونكهه
آبدأي بأسم الله حتى تعمك البركة
وبالنسبة للآكل عليكي بالبهارات افضل انواعها البهارات المشكلة اللي لسى حبوب
وانتي غسليها بالبيت من الأتربة وجففيها في مشخل حتى ينزل منها كل الموية بعدين حطيها بصحن كبير لحد ماتجف ودخليها الفرن مدة 10 دقائق او ربع ساعه منها تجف اكثر ومنها تتحمص شوي ويطلع طعها روعه
برضو حطي ثوم وليمون اسود مع الطبخ
بالنسبة للقهوه اطبخي 2 ملعقة قهوه مع موية مغليه في براد وسط وحطي القهوة على حسب حجم البراد
وخليها تطبخ لمدة ثلث ساعه على الاقل او نص ساعه
بعدها حطي في الترمس نص ملعقةهيل مطحون وشوي وقرنفل مطحون وشوي قرفه مطحونة وشوي نخوه مطحونة وشوي زنجبيل مطحون
ونص ملعقه من بهارات القصيم تلقينها عند محلات بيع الهيل والقهوه من جد روعة على القهوه وتعطيها لون اصفر
بعدين صبي القهوه في الترمس وتمتعي بأحلى قهوه
آتمنى اكون افدتك اختي
دعواتك لي بتفريج همي.......

شوفي حبيبتي انا استعمل بهارات

البهارات المشكله مطحونه جاهزه من شركة اسناد رووووعه واستعمل كمان كركم بودره وكمون مطحون وكزبره ناشفه مطحونه وكاري مطحون وماجي وفلفل اسود مطحون ويطلع اكلك جنان وحطي فلفل حار اخضر بس خليه كامل لاتقطعيه عشان لايصير الاكل حار بس يعطي ريحة للاكل تجنننننننن

والقهوه حطي ملعقتين صغار ونص بن وملعقه صغيره هيل مطحون وخليها تطبخ نص ساعه وحطي بدلة القهوه ملعقه صغيره هيل مطحون وملهقه صغيره بهارات القصيم

وسلامتك

لازم تجربي اكثر من مره و يمكن انك ماتهتمي بالطريقه مظبوط و تهملي فيها

هلا فيك اسمعي فيه في تميمي خلطات جاهزه مثل الشورما وشيش طاووق وغيره انتي بس حددي وش تبين تسوين مثلا اذا بتسوين مكرونه في خلطه خاصه فيها بس انتي زيدي عليها مثلا الاورقيانو لانه عنصر مهم في مكرونه وممكن تضيفي فلفل اسود واعشاب ايطاليه واكليل الجبل وكذا اتمنى اكون ساعدتك