هلا فيك اسمعي فيه في تميمي خلطات جاهزه مثل الشورما وشيش طاووق وغيره انتي بس حددي وش تبين تسوين مثلا اذا بتسوين مكرونه في خلطه خاصه فيها بس انتي زيدي عليها مثلا الاورقيانو لانه عنصر مهم في مكرونه وممكن تضيفي فلفل اسود واعشاب ايطاليه واكليل الجبل وكذا اتمنى اكون ساعدتك
وكمان استبدلي زيت الطبخ بزيت زيتون والقهوة اذاطلعت معك سوداء اضيفي لها ملعقة حليب سايل اوحليب مجفف مذاب في الماء واذاكان عندك زعفران تطلع خطيرة والزعفران حطيه في الترمس

الى جنة الخلد ياخالي
مرحبا اختي
علشان يطلع الطبخ معك تمام ومظبوط ولذيذ لازم يكون لك نفس
يعني راغبه في الطبخ
وحابه هالشغله
اما اذا جيتي تطبخي من غير نفس أكيد ماراح يكون له طعم

بعطيك بعض النصائح مع ان البنات ماقصروا

بالنسبه للقهوه
اشتري كيس قهوه اللي عشره كيلو وحمصيه عند العطار كله
قولي ابي درجه ٣
وحطي الكيس كله في الفريزر
واطحني حق اربع او خمس ايام
حتى ماتفقد القهوه نكهتها
طريقة القهوه
حطي فنجان مليان في لقامة القهوه اللي فيها مويه مغليه من حنفية الشرب
وخليها تغلي نص ساعه
حطي بالترمس هيل يكون لسى مجروش وزعفران اصلي واذا حبيتي بهار القهوه متواجد منه كثير في السوق
وصبي القهوه بعد ماتتركينها تصفى شوي
وراح تتمتعين بأحلى قهوه

بالنسبه للاكل
أضيفي منكهات مثل البهارات الاصليه الحب من العطاروانتي اطحنيها
واضيفي الصلصات
انتبهي لإستوء الاكل
ممكن اضافة مكعب ماجي بس يقلل الملح في حال اضافة الماجي
حطي مع الرز دارسين هيل قرفه مسمار فلفل حب كزبرة ناشفه
على حسب رغبتك واختاري الأجود
البصل حمريه زين مع البهارات العدله يعطي نكهه
وأخيرا راح تحصلين بالمنتدى طبخات جربيها بشرط تكون بهاراتك اصليه مو قديمه علشان تحصلين النكهه المطلوبه
وبشرط تدخلين المطبخ وانتي راغبه واحبه تطبخين
واهم شي توكلي على الله وسمي بسم الله واحتسبي الأجر في تقديم هذا الاكل لأهل بيتك
دعواتي لك بالتوفيق
اللهم اني اسالك وانا صايمه تفرج هم من ساعدتني وتستجيب دعوتها وتحقق امنيتها ياحي ياقيوم
رفع لعيونك


الساعة الآن 11:48 .