lamara--84

lamara--84 @lamara_84

محررة برونزية

المخشي عالطريقة السورية الاصلية

اطباق عالم حواء

:cook:هاد غدانا اليوم المخشي بالخاء ومش بالحاء
كوسا محفورة وقليها شوي بالزيت محشية باللحم المفرومة المطبوخ مع بصل وبهارت ودبس رمان وسقطتها باللبن المطبوخ يعني تقريبا كيلو لبن مع معلقتين نشاء وبيضة ضلي حركيه بون ماتتركيه ابدا لحتى يغلى عالنار وملحي شوي وحطي فيه سن ثوم وسقطي في الشوربة الكوسا وخليه يغلى شوية لحتى تستوي الكوسايات منيح يعني تقريبا ربع ساعة وبتقدميه مع رز مفلفل بالشعيرية

انا فلسطينية بالمناسبة وصديقتي الشاميه طباخة ماهرة واخدت منها الوصفة الصحيحة انا بحب الطرق الاصلية للاكل الشعبي بحبه على اصوله
وقريبا رح اكتب موضوع طويل عريض عن مقلوبتنا (المقلوبة الفلسطينية) حبيبتي اللي تبهدلت بهدلة غير شكل عبر الزمان
وصحتين
17
2K

يلزم عليك تسجيل الدخول أولًا لكتابة تعليق.

تسجيل دخول

روعة كلام
روعة كلام
مشكوووووووووورة بالعافية
أخت حكيمه
أخت حكيمه
يعطيكي الف عافيه روووووووووووعه
هذي الأكله تهبل
بس ماتزبط معي اذا حطيت البن على النار يتكتل وينفصل عن مويته
ايش اللبن الي تستخدمي وكيف طريقته عشان ماينفصل؟
وتسلم يدك
lamara--84
lamara--84
وايديكي يا اخت حكيمة
اللبن فضيه بالقدر وحطي عليه معلقة نشاء وبيضة
وعلشان ما ينفصل لاااااااااااااااااازم اضلي تحركيه بالخفاقة اليدوية المشبكة اللي بنحرك فيها الكريمة
بشكل دائري بدون ما تتركيه ابدا ابدا ابدا الى ان يغلي وبمجرد انه غلي وما زل او انفصل خلص بتكون الشوربة نجحت
وبصراحة بيني وبينك احينا لما ما تزبط وتخرب معي على طول لما يغلى اللبن حطيه بالخلاط وهو سخن ورح يصير متل الكريمة وحطي بصحن التقديم على طول ما ترجعيه عالنار لانه رح يفرط كمان مرة يعني هاي احد الطرق اللي بغش فيها لما الشوربة ما تزبط وتفرط واتبعي هاي الريقة ورح تنجح الوصفة باذن الله
lamara--84
lamara--84
بالنسبة للبن انا بستعمل لبن ندى الزبادي قليل الدسم وممكن كامل الدسم
دنونة حلوة
دنونة حلوة
ماشاء الله روعه تسلم ايديك