ايش احسن شركة: فريدريك ام ولا اورفيليم ولا افون ولا..واذا كان في غيرها افيدوني فيها..

بصراحه اللي أعرفه شركة أوريفليم وهي جدا وبكل امانه رائعه وباقي الشركات ماعرفهم
واذا انتي من السعوديه راسليني على الخاص اسجلك فيها وهذي معلومات عنهاأنا مندوبة في شركة تجميل اوريفليم فاذا تحبي تصيري مندوبة وتربحي الالاف انااساعدك واسجلك وهذه معلومات الشركة
معلومات اوريفليم
1- قيمة الاشتراك 100 ريال 50 ريال قيمة الشنطة اللي فيها العينات و50 ريال قيمة الاشتراك
2- منتجاتها طبيعية 100% وهي شركة سويدية ليست امريكية اويهودية
3- لها فروع في جدة والرياض ومكتب في الدمام
5- لديهم خدمة توصيل والاشتراك او الطلبيات يوصلها لك السواق لين البيت وتعطينه 10 ريال بدل التوصيل وتاخذين الطلبية او الشتراك
6- الطلبيات اوالتعامل راح يكون مع المكتب اللي في الدمام
7- مدة وصول الطلبيات اقل شيء 3 ايام واكثر شيء اسبوع وعند وصول الطلبيا تكلمك المديرة حقت فرع الدمام او اي فرع قريب من منطقتك
يعطونك اول الاشتراك حوالي 3 كتالوجات من خلالها تسوقين المبيعات التي تكون لها عينات في الشنطة وهذه العينات تحتوي عينات للعطور الموجودة في الكتالوجات وعينات للاروج ايضا
8- كلما زدتي مبيعاتك كلما زادت نسبتك
9- كلما جبتي مندوبات للشركة كلما زادت نقاطك التي على اثرها يكون لك مرتب شهري
10 كل ثلاثة شهور ينزلون كتالوجات جديدة وعروض جديدة
المميزات
تحصل المندوبة على عمولة فورية*
ربـــح فــــــوري بنسبة 30% على كل منتج دخل إضافي ممتاز نهاية الشهر يبدأ بنسبة 3% ويصل حتى 21% من حجم العمل
دورات تدريب مجّانيّة للعناية بالبشرة
حرّيًة في اختيار وقت العمل
مكافآت مالية ورحلات تشجيعية وجوائز قيّمة
فرصة نــــــادرة لبناء شخصيّتك وذاتك وذلك بمقابلة أعداد هائلة من السيّدات ذوات الخبرة في جميع المجالات للحصول على اكبر مبلغ من المكافأة يأ النقاط من 200 نقطة وتنتهي بـ10.000 نقطة
وعند الوصول للعشرة الف نقطة وما فوق تحصل على مكافاة من 3000 الى 7000 ريال سعودي حسب النقاط ما بعد العشرة الف نقطة والمحافظة على هذا المستوى 3 اشهر متتالية تحصل المندوبة على مكافأة اخرى قدرها 1000 دولار امريكي زائد المكافاة الاصلية (يعني قد تصل الى 10.000 ريال سعودي )وتحصل على نقاط عند كل طلبية حيث ان لكل منتج نقاط تجمع آخر كل شهر ميلادي وتحصل مقابلها مكافاة مالية وعلى المندوبة النشيطة كسب اكبر عدد من النقاط
ترى منتجاتهم رائعة جداً وطبيعية ماتسبب الحساسية وهذي الشركه عالميه وماراح تندمي أختي وأتمنى لك التوفيق

اختي العزيزة السلام عليكم ورحمة الله وبركاته:
هي شركة سعودية مية بالمية وصاحباتها سعوديات من الرياض عانوا كثيرا من ( الماكياج السايح والغير ثابت ) وبعدين عملوا هذه الشركة الراااائعة ذات خط الإنتاج الفرنسي والإيطالي إكسسوارات - ماكياج -كريمات العناية بالبشرة
والشركة هي
كــــــــــولايــــــــــــــــــــــــــــا
نتكلم دحين عن منتجاتها
1- من ناحية الإكسسوارراات فهــــــــــي جدا فخمة وجميلة ورائعة وخط إنتاجها ماركة سوارفسكي وأكيد سمعتوا عن سوارفسكي ومنتجاته بنات الرياض والشرقية يعرفوه عز المعرفة ولا إيش رأيكم!! المهم طبعا ما تعمل حساسية - وما تسبب السواد للبشرة ولونها ما يتغير لأنها مطلية بذهب عيار18 وعيار 21 يعني لون ثابت طول العمر وبدون مبالغة وأسعارها متوسطة وتناسب الجميع بالنسبة لجمالها
2- الماكياج وما أدراك ما الماكياج !! كل ألوان الظلال بلمعة ويجنن والفونديشن تبعه خطييير مرررة ثابت ما يسيح وما يتقشر على الوجه وما راح تعرفي معنى كلامي حتى تجربيييه وألوانه نادرا ما تلقيها وإذا لقييتيها فالعلبة الواحدة تكون بالشئ الفلاني أما في كولايا فأسعار الماكياج راااائعة ويكفي انك ما تحتاجي تروحي المشاغل عشان تعملي ماكياج لأن الألوان تساعدك بلمعتها وبريقها
3- نجي على كريمات العناية بالبشرة فهذي الشركة جابت دكتور مخصوص اسمه سامبار وعمل كريمات تناسب بشرة أهل السعودية على الخصوص والخليج بوجه عام نظرا لظروف البيئة السعودية ( الحرارة والرطوبة والجفاف) وكانت منتجات سامبار هي العلاج الفعال لجميع مشاكل البشرة من حب الشباب للأكزيما للكلف والنمش وكثير من مشاكل البشرة
وبدون مبالغة استفادت منه نساء كثير في المملكة وأكيد اللي تقرا موضوعي وجربت منتجات سامبار راح تتكلم عنه بكل الصدق وترى المنتجات علاجية وفعالة جدا وتناسب جميع الأعمار من سنة إلي ستين سنه وما فوق وتناسب الفئتين نساء ورجال شباب وشياب وطبعا نجي للناحية المهمة واللي هي نظـــــــــــام الشركة :
1- كتالوجات بالطلب تطلب الزبونة الكتالوج وكل منتج سعره تحته.
2-الزبونة ممكن تصير عضوه أو قائدة أو مديرة وفي كلا الحالات هي الرابحة .
3- إذا حبت تصير عضوه فهي تستحق خصم وقدره 25% من الطلبية بالإضافة إلى تأهيلها للدخول في نادي درة كولايا وفرصة الحصول على جواااائز رائعة( أفران - تلفزيونات - بوتاجازات.... وغيره كثييير) مع ملاحظة أن تكون أول طلبيه لا تقل عن 275 ريال هذا فقط في أول طلب أما الطلبات الثانية فأدنى حد للطلبية يكون 200 ريال عشان تاخذ الخصم 25%
وقبل هذا كله يجييها المندوب الى البيت ويعطيها ثلاث كتالوجات ( إكسسوار - ماكياج - كريمات العناية بالبشرة) وتدفع العضوة قيمة الاشتراك وهو مبلغ رمزي وقدره100 ريال ( مبلغ مفتوح وثابت مدى الحياة) ومع أول طلبيه تحصل العضوة على عينات ( أرواج - عطور - كريمات) والطلبيية إن شاء الله راح توصلها للبيت وبدون مقابل ولا أنسى إن
كل عضوه أيضا مؤهلة للحصول على دورات في الماكياج والعناية بالبشرة مجانا من قبل الشركة .
4- إذا حبت العضوة تصير قائدة فهي راح تكسب أكثر!! فبالإضافة الى مميزات العضوة راح تاخذ على كل عضوه تجييبها 50 ريال + 7% من قيمة طلبياتهم في نهاية كل شهر + فرصة الحصول على بطاقة تسويق كولايا المميز بالإضافة الى حصولها على مكافآت عينية ومادية من الشركة وكل ما كان نشاطك أكثر راح تكسبي أكثر وهذا كله مقابل 10 عضوات تقدمهم القائدة في خلال شهر باشتراكهم طلبياتهم.
5- وإذا حبت العضوة تصييير مديــرة فهـــــــــــي أول شئ تسجل عضوية وأأأأأنا أعطييييها التفاصيييييل الباقية بإذن الله وان شاء الله في كل الحالات هي الرابحة لأنه ما في خساااارة مع كولايـــــــــــا وإذا حبيتي تشتركي معانا الله يحيكي وراسليني على الخاص

الصمت الأسير
يااااي..
شجعتيني اصير مندوبه فيها...

ومشكوره اختي
catycat
على هالمعلومات وانا قد سمعت عن هالشركه في عالم حواء من قبل ...

بس انا انتظر ردود البنات...

بس ما ادري فينهم فيه معقول ما يحبوا يستفسرون عن هالشركات..؟؟؟

اختي العزيزة السلام عليكم ورحمة الله وبركاته: كأني بعد ما رجعت وقرات موضوعك حسيت إنك تبغي تعملي استفتاء عن الشركات وأحسن المنتجات فيها وإذا تبغي راي فهذا راي بصراحة مع الإعتذار لجميع الشركات وجميع المندوبات
نبدأ باسم الله :
1- فريدريك إم
شركة تبهرك في كتلوجها وعلبها الفخمة وتجذبك من خلالها من ناحية المنتجات فالإكسسوارات انصح الجميع نصيحة اخوية لله بانهم يبتعدوا عن المطلية منها لأنها تفسخ بسرعة وهذي نصيحة مجرب وهي تبان في الصور كبيرة ومغرية وفي الحقيقة تجييكي صغيرة وتفشل اما عطورها ومكياجها فهو جيد بالنسبة لباقي الشركات.
ومن ناحية التعامل معاهم فعلى وقتي كانت المعاملة بعيد عنك زي ....... وإنتي بكرامة.
لكن الآن الصراحة ما عندي اي فكرة عنهم دحين في مديرتهم عندنا في الطائف وهي الصراحة اخلاقها حلوة ومعاملتها كويسة هذا عشاني اعرفها وعموما اصابع يدك مو سوا. ( مع الإعتذار الكامل والإحترام التام لجميع مندوبات وقائدات ومديرات فريدريك إم ).
2-اورفليم الصراحة سجلت فيها وما كملت لأن بضاعتهم كانت دايما ناقصة وماهي متوفرة وكنت اعاني من استلام الطلبيات وتاخرها على الزباين وفي النهاية بطلت ولكني الآن ما اعرف كيف هي معاملتهم وكيف طريقتهم لأني تركت الشركة من زمان .
3-افون كتلوجه صوره جدا رائعة ودايم عنده تخفيضات لكن تخفيضات على كيفك مثلا سعر المنتج يكون في الحملة هذه ب29 ريال يجوا في الحملة الثانية يقولوا لك وفري 10 ريال سعر المنتج الأساسي ( ويكون نفس المنتج اللى في الحملة السابقة) قبل الخصم 39 ريال وبعد الخصم ب 29 ريال وزي كده كانك يا بو زيد ما غزيت من ناحية معاملتهم في الشركة عندهم ( بلبلة كثير بينهم وبين بعض تحسيهم مفككين من الداخل الكل يساوم عليكي عشان يفوز بيكي وكل واحد همه مصلحته وكيف يعمل مندوبات باي ثمن واي اسلوب كان وباي طريقة ( فيها حكاية يهودية) الغاية تبرر الوسيلة وما يهمهم مصلحة الشركة والعمل فيها الا من رحم الله من بعض المديرات اللى فعلا قلبهم على مصلحة العمل (مع الإعتذار لجميع المندوبات والقائدات والمديرات الشريفات اللى همهم فعلا مصلحة العمل والتعامل بالرقي والتحضر)
3- بيزون شركة جديدة سمعت عنها قريبا لكني ما تعاملت معها ولن اتعامل مع شركة ثانية غير
كــــولايـــــــا ليش لأني لقيت فعلا جودة في المنتجات لا يعلى عليها وبدون اي مبالغة سواء في الماكياج او الإكسسوارات او العناية بالبشرة والتعامل معهم تعامل راقي جدا وفيه فن وذوق وادب وكل اللى يعجبك عندهم يحترموك احترام كامل وما يضيع تعبك معاهم يعلموكي ويخلوا منك سيدة اعمال ناجحة بمعاملتهم الرائعة وتدريباتهم المستمرة وطبعا شهادتي فيهم يمكن تكون مجروحة لأني منهم لكن صدقيني ما قلت لك الا الصدق لأني في النهاية لن اكتب بكفي الا الشئ اللى يسرني ان اراه يوم القيامة
وعموما هذا كل اللى اعرفه عن هذه الشركات بعد تجارب سنين عشتها معاهم كلهم واعتذر للأخوات جميعا لأني ابدا ما اقصد اني اجرح فيهم لكن انا باتكلم عن الشركات هذه على حسب ما اتعاملت معاهم وإن شاء الله تكونوا فهمتوني والله يوفق الجميع

catycat
ربي يعطيك الف عافيه ..اي والله اني هذا اللي كنت ابغاه...

وانتظر المزيد... فينكم يابنات يا مندوبات...