ابى اعيش الى بقى من عمرى

فى البدايه حبيت اسلم على الموجودات الى بالمنتدى وحابه وابتدى معاكم قصتى
قصتى انى انسانه عادية كنت اعانى من زيادة فى الوزن بل الغريب فى الموضوع انه الناس تنظر حق الانسان البدين نظره بايخة كانه انسان مختلف ماعنة ما يختلف عن الشخص العادى كله مشاعر واحاسيس وبالعكس يمكن يكون عنه مشاعر وطيبة لو وزعها على العالم كله راح يكفيهم ويزيد وبعد ما شفت انه الناس تنظر حق الشكل وتنسى لالالالالالا وتتناسى الباطن قررت اسوى تدبيس المعدة رحت وسالت عن العمليه وقررت انى اسويها وطلبت الموافقه من اهلى ورفضوا ماكان منى الى انى اخذ القرار اب نفسى واروح واسويها ومحد يدرى انى بدش العمليه غير اختى العودة ودخلت كانت مجازفه منى بس كان غصبن على الناس ارغمونى على على هل شى ولانى ما كانت عندى ارادة دخلت 3 العصر وطلعت 3 الفجر بعد نزيف بالعمليه اطرو يفتحون بطنى من بعدها
فى اخر مرحله من العمليه الجهاز علق شق المعدة وصار النزيف وهلى اكتشفوا ولانه كنت تعبانه ماكان فى مجال للعتاب المهم طلعت من المستشفى ويت رحلت العذاب الثانيه عوار صوب ظهرى يخلينى ما اقدر انام الليل واروح المستشفى وما يعطونى حتى الباندول يقولن ولا شى المهم رديت حق الدكتور الى سوى العمليه وواريتة تخطيط القلب والاشعه وطلب منى انى اروح حق اقرب مستشفى تابعين حقه لانه حالتى تعبانه والخاص ما عندهم عنايه مركزه ودخلت الجناح وبعد نص ساعه دخلت ccu فى البدايه كان عندى عادى وبعدين طلبو منى اروح واسوى اشعه ورحت من الساعه 9 الصبح لين 5 العصر وهم يسون لى الاشعه وانا مستغربه من الى يسونه المهم رديت المستشفى ومن ccu الى icu وبدت رحلت العذاب فتحة بالرقبه لانه اوردى صارت ضعيفه 4 جياس دم وغير انى خذيت بالخاص جيسين المهم ضليت بالعنايه 3 اشهر بعد ما يت لى الجلطه ومكانها بالرئه بسبت البنج الزايد من العمليه 12 ساعه المهم وتسمم بالدم وضغط المهم طلعت من العنايه وصعدت الجناح ورديت بعد نص ساعه عنايه القلب قلبى تعبان وبعدين كملتها باجناح شهر كامل يبون يضبطون جرعت الهبرين حق الجلطه وطلعت من المستشفى اعالج امراض الدم اصغر مريضه عندها جلطه كنت لما اروح العيادة ابجى لما اشوف انى اصغر مريضه 28 سنه المهم انا الحين صار لى سنه الا شهرين وابى انزل كان وزنى 134 والحين 104 بين صاعد ونازل مو راضى ينزل اكثر وانا كتبت هل المقدمه صج طويله بس كان لابد منها علشان نبدى صح وببدء برجيم دشتى لانى جربت كذا رجيم ولانى ما اعرف استمر على رجيم معين اليوم قررت انى ابدى وانا جادة انى انزل هل المره لانى ناويه اشيل الترهل الىصار اب بطنى وناويه انزل على الاقل 35 كيلو وانا متاكدة انكم معاى اقدر لانى صج محتاجه الى يوقف وياى بعد التعب الى تعبته ولانى احس انى انهديت من الى صار فينى كثر ما دشيت المستشفى واطلع كل شهرين طبعا من اثار العمليه يخافون الدكاتره على لانه متوقعين فى احتمال كبير انه اتيلى جلطه ثانيه ومن صجى ابى وقفتكم معاى وراح ابدى وانا حاسه انى راح اوصل هل المره وابى احد يمد ايده معاى لانه الواحد اذا لقه احد معاه يتشجع ويصير فى حافز المثابرة