منةالله

منةالله @mnallh

عضوة جديدة

الله يخليكم ابي معلومات عن تركيا

ساعدوني

السلام عليكم والله انا زعلاااااانه وااااايد منكم ليش مطنشيني
والله بعد يومين ابي اسافر لتركيا وابي معلومات عنها
مثلا الاسواق والاماكن السياحية
وارجوووكم سرعة الرد ارجووووووووووووووكم :angry:
10
2K

يلزم عليك تسجيل الدخول أولًا لكتابة تعليق.

تسجيل دخول

!! مشمشه !!
!! مشمشه !!
هلا اختي

بالنسبه لتركيا انا زرت اسطنبول فيه عندهم مجمعين كبار واحد اسمه "ايكمركيز" كبير وفخم وفيه محلات ماركات عالمية والثاني اسمه "غاليريا" حلووو بعد وفيه داخله بالوسط صالة تزلج

فيه سوق البازار سوق شعبي وعندهم اشياء حلوه وشعبيه وقديمه بس اسعارهم غالية شوي وفيه تلاعب بينهم يعني تلقين غرض بسعر تروحين اللي جنبة تلقينه بسعر ثاني :30:

فيه عندهم الأثار اهم شي المساجد القديمه وكنيسة أيا صوفيا اللي تحولت متحف وكانت مسجد قبل تكون كنيسه..

فيه عندهم جبل العروس يكون فيه دايما زواجات على وقت العصر :39: وفيه بحر مرمرة تقدرون تستاجرون مركب صغير تسهرون فيه سهرة كامله وتتعشون فيه..فيه المراكب الكبيره بعد تكون ارخص بس فيها رقص وطقطقة :icon28: ومافيها خصوصية ابد..

فيه جزر الأميرات الثلاث لاتفوتك رووعه جزيره هاديه ومافيها سيارات ابد كل تنقلهم على الخيول يعني جو صافي وحلو والبحر فيها يجنن وفيه مطعم على البحر ياخذ العقل وتروحين لها عن طريق الباخره تاخذ ساعه تقريبا بس يروح الوقت ماتنتبهين من زين الجو بس ليه ماتروحين بشهر اوغست عشان يكون الجو ممطر شوي الحين يمكن يكون حر شوي


فيه مدينة بورصة بعد بس بعيده شوي من اسطنبول احلى مافيها الحمامات والشلالات بس والباقي عادي جدا ندمت بصراحه لما رحت لها :D

فيه منطقة او مدينه بعد اسمها "ابنط" او "ابند" بس بعيده شوي عن تركيا تقريبا 300 كيلو لكنها جنة الله في ارضه رووووووووووووووووعه جداً :27: فيها بحيره كبيره وخضراااااااااااء خضار تام

طبعا مشهورين بحلاوة الحلقوم وحنا رحنا ناخذها طازجه من المصنع اخذناها حاااره ولذيذه :) وفيه عندهم الجلود رخيصه لاتجين من دون ماتاخذين جاكيت جلد للشتاء :27:

والله فيها اماكن كثيره بس هذا اللي اذكره الحين

ان شاء الله اكون كفيت ووفيت :27:

واذا تبين اي سؤال انا حاضرة
*** مها ***
*** مها ***
مشكوره منة الله على الموضوع0000جاء في وقته

بغيت اسال عن افضل الفنادق وتكون مواقعها كويسه يعني قريب منها مجمعات وتمشيه

واذا فيه مدينه ترفيهيه حلوه تصلح للصغار او مدينه العاب مائيه وحديقة حيوانات

وافضل المدن اللي تستحق الزياره وكم يوم اجلس في كل مدينه0000

وافضل وانظف اماكن للاكل غير الفنادق 000وايش المناطق البارده

يعني اخذ لبس دافي للاطفال او مايحتاج000

هااا بنات انتظر اجاباتكم0000واذا تذكرت اسئله كمان حرجعلكم 000على فكره كم

تاخد الرحله من الرياض لاسطنبول0000
ماندين
ماندين
عزيزتي اذا رايحه لتركيا نصيحه لاتضيعين وقت في الاسواق ترى الاشياء الي عندنا احلى من بضايعهم وارخص ولا تضيعين وقت في اسطمبول لان فنادقها غاليه ومب ذاك الزود العام رحنا مناطق جنه الله في ارضه مثل بحيره ابانت في مدينه بولو روووعه والفندق حلو مره وسعره معقول بس بارده اخذي ملابس شتويه لا تنسين وبعد رحنا منطقه الظاهر في اسطمبول اسمها كلاسزز روعه عباره عن فندق ضخم جدا اومنتجع على البحرجلسات مطله على البحر والفندق كبييييييييروله جلسات كثيره مطله على البحر وبنت عمي بعد العام راحوا مناطق احنا مارحناها ورتني الصور فعلا خيااالمااقدر اوصف الجمال الي شفته في الصور المنطقه اسمها ( اوزنجول) والمنطقه الثانيه( طرابزون) بس بعيده شوي عن اسطمبول يعني لازم طياره على العموم سالي المكاتب السياحيه عنهم0 عذرا على الاطاله اتمنى انك استفدتي واي استفسار انا في الخدمه
!! مشمشه !!
!! مشمشه !!
شوفي هالرابط بعد ان شاء الله يساعدك

http://www.arab-traveler.com/vb/showthread.php?t=12789
حناين81
حناين81
السلام عليكم و رحمة الله و بركاته:

أختي اذا تبين طبيعة و مناطق حلوة منظر مش سووق او العاب روحي ((مرمريز)) ((أنطاليا)) ((باموكاله)) هاي كلها مناطق خضرا و جميييييييييلة جدا و فنادقها معقولة بس نحنا لما رحنا أجرنا باص عن طريق ناس ابوي يعرفهم و هو ودانا يعني طلع علينا ارخص من اذا كنا رايحين عن طريق شركة سياحية...و بالنسبة لاسطنبول من وجهة نظري انها ما تستاهل الواحد يقعد فيها أكثر من 3 ايام لان الاسواق اللي عندنا بالخليج احلى من اللي عندهم مليووون مرة فأحسن تقضون اوقاتكم في المناطق الطبيعية ........ان شاء الله أكون أفدتكم و ما طولت عليكم و السموحة