حبوب منع الحمل لعبت فيني ساعدوني بسرعه وجاوبوني

السلام عليكم

خواتي انا اكل حبوب منع حمل بعدطلوعي من الربعين باول مولود لي والحين لي5 شهور ونص وانا اكل حبوب منع الحمل -في الاول كنت استخدم حبوب ياسمين بعدين نقلت لدولة اخرى لا يوجد بها ياسمين لكن استعملت حبوب قريبه لها جدا ومثل قوتها ودرجتها لاني عرضتها على صيدلي وقال هذي مثلها اللهم الاسم يختلف- المهم والحبوب هذي استخدمت منها حق شهرين -يعني قرصين وكل قرص فيه 21 حبه-لكن مشكلتي هـــــــــــــــــــــــــــــي:
ان شعري صاير يتساقط بشكل فضيع وملى البيت كله شعر ولا ادري وش السالفه هل هو طبيعي السقوط بعد ما كنت حامل وشعري كثيف وزين من الفيتامينات وبعد تركها بدا الشعر الزايد من فروة راسي يتساقط ؟او سبب السقوط حبوب والمنه وهذا طبيعي؟ او انه معناه ان حبوب منع الحمل ما ناسبتني وسقوط الشعر دليل عدم مناسبتها لي؟
اسعفوني بسرعه يا بنات قولوا وش معنى السقوط هل هو طبيعي من حبوب المنع كلها تسبب كذا
والا ان الحبوب ما ناسبتني ؟
وهل اعرض نفسي على دكتورة تغيرهن؟

للمعلوميه اول ما بديت اكل الحبوب صرت مره عصبيه جدا وغاضبه بعدين الحين رجعت رايقه وصرت هادية ومعاد جتني العصبيه , ومدري ليه كنت عصبيه وبعدين هديت هل هو ان جسمي ما تاقلم في البداية عليهن ثم لما تعودت عليهن روقت؟
انتظر ردودكم بفارغ الصبر