هذي وحدة كانت تستفسر مثلك عن البهارات وهذا رد

الإخت ...أمة*الرحمن

اقتباس مشاركة
هلاااااااااا وغلااااااااا حبيبتي وماطلبتي شي
هذي الكميه اسويها وتكفيني سنه تقريباً .. احطها بالفريزر واخذ الكميه اللي احتاجها وماشاء الله ماتتغير
ومو مدح لنفسي ولاكن بفضل من الله الكل يعجبها بهاري ويقولون له نكهه مميزه...اليكم الكميه
2كيلو فلفل اسود
1 كيلو كزبره +1كيلو كمون +1\4كيلو مسمار+1\4 كيلو دارسين+1\2 كيلو كركم+1\4 فلفل احمر وممكن تقللين لو ماتبينه حار ..1\4 زنجبيل+((( هيل + ورق الغار+ جوزة الطيب+حبة حلوه..مدري شسمها الثاني ))) وهذي الاشياء تحطين اقل من ربع الكيلو
2 كيس صغير بصل مجفف
الطريقه.... اغسلي كل شي لحاله ماعدا الهيل لااااااااتغسلينه
بعد ماتنشف حمصي او شفشفي الكمون والكزبره لين تطلع ريحتها .....احلطي المقادير مع بعض وطحنها
وهذا ايضا رد الإخت

ام الطاف

اقتباس مشاركة
رد على طلب الحبيبه ماجده تبي بهارات خليجيه طبعا كل بيت له خلطته بهارات خاصه وانا هذي بهاراتي اللي اسويها
في البيت علشان انا ما احب البهارات الجاهزه

اولا : خلطت الكبسه الكويتيه .
حق سلق اللحم او الدجاج نحط بهارات عدله اللي اهيه جم قطعه دارسي ( قرفه ) ورق غار 2 ،6 حبه مسمار قرنفل ، 6 حبات هيل ، شوية كركم ، راس بصل متوسط ، فصين ثوم .

ثانيا : والبهارات المطحونه :
4 معالق كزبره مطحونه
3 معالق دارسين
2 ملعقه كمون
2 ملعقه فلفل اسود
1/2 ملعقه مسمار قرنفل
1/2 ملعقه زنجبيل
1 ملعقه ليمون اسود
1 ملعقة هيل

ثالثا : بهارات حق استعمالات حق حمسة الطماط و المرق :

4 معالق كزبره مطحونه
3 معالق دارسين
2 ملعقه كمون
2 ملعقه فلفل اسود
1/2 ملعقه مسمار قرنفل
1/2 ملعقه زنجبيل
1 ملعقه ليمون اسود
1 ملعقه عرج الهيل
كركم ( الكميه حسب الرغبه )

رابعا : بهارات البرياني :
4 معالق كزبره مطحونه
3 معالق دارسين
2 ملعقه كمون
2 ملعقه فلفل اسود
1/2 ملعقه مسمار قرنفل
1/2 ملعقه زنجبيل
1 ملعقه ليمون اسود
1 ملعقه عرج الهيل
3 معالق كركم
1 ملعقه هيل اسود
1 ملعقة حلبه
1/2 ملعه حبة حلوه
1/4 ملعقه ورق غار
1/2 ملعقه حبه سوده
1/2 ملعقه زعتر

طبعا لا تنسين انحط حق الكبسه الزعفران و صبغة الزعفران وماء الورد وكله الكميه حسب الرغبه .

وان شاء الله تعجبج بهاراتي وانا انظف كل نوع لوحده واغسله وانشره لمن ينشف و احمسه على النار علشان يعطي طعم احسن و لمن يبرد احطه في علب في الثلاجه وآخذ من كل شي اشوي شوي و اطحنه و احطه في علبه صغيره.

وان شاء الله قدرت اوصلج المعلومه ولاني انا ما اعرف اسماء البهارات عندكم في المغرب حاولت ادور صور احطهم
بس ما حصلت صور واضحه احطها لكم وان شاء الله تعجبكم خلطاتي بالحبايب وسامحوني اذا كان في شي ما يعجبكم اخذو اللي يعجبكم وخلو اللي ما يعجبكم

منقولللل

17-01-1433 هـ, 12:16 مساءً
 
وهذا ايضا من الإخت

أم الذرابة


اقتباس مشاركة


اخواتي اللي يبون طريقة البهارات ( البزار ) انا عندي طريقته
وايد ريحته حلوة ويخلي اكلكم لذيذ ومميز وأنا اسويه عن خبرة ومن زمان وأبيعه
على طول السنه وبالأخص يكثر الطلب عليه في رمضان ولي زبايني في قطر والبحرين والسعوديه
ترى مودعايه يعني ماعندي توصيل بس اللي يعرفني من
الأهل والأصدقاء يفضلون يشترون من عندي بس عشان عيونكم
راح اعطيكم الطريقه والسر اللي مافي أحد يعرفها اخليكم مع000

المقادير

كيلو فلفل أسود حب
نص كيلو كمون (سنوت )
نص كيلو كزبرة ناشفه ( جلجلان )
نص كيلو كركم
ربع كيلو حلبه
ربع كيلو زنجبيل
ربع كيلو عرق الهيل
ربع كيلو جوز بوة
ربع كيلو هيل حبش
ربع كيلو قرفه ( دارسين )
ربع كيلو فلفل احمر
ربع كيلو هيل
ربع كيلو قرص القمر
500 غرام ورق الغار
ربع كيلو قرنفل ( مسمار )

أدري بتقولون فيه أشياء وايد وبعضها ماتعرفون شنو اهيه بس ارد واقول بتلقونهاعند العطار


الطريقه

بعد ماتنظفين وتغسلين كل المقادير ونحطهم بالشمس لغايه ماينشفون
ناخذ الكمون والكزبرة الناشفه والفلفل الأحمر ونحمصهم على النار كل نوع بروحه
نكسر الجوز بوة وقرص القمر وناخذ البذرة بس نكسر القرفه
ونخلط الكل مع بعض
وبعدين نوديهم للسوق ونطحنهم بمكينه راعي البهارات اللي بالسوق

اتمنى اني فدتكم واذا تحبون اعلمكم على طريقه بزار الدقوس الناعم
تراني مستعدة حق اي استفسار


تقدرين تسألينها هذي من عندها مو منقول
17-01-1433 هـ, 12:18 مساءً
 
جزاك الله خير
وياليت اللي عندها طريقه تنزلها
18-01-1433 هـ, 03:05 صباحاً
 
ررررررررررررررفع
18-01-1433 هـ, 06:27 مساءً
 
لااله الا الله
البهارات المطحونه انا ماحطها على الرز لانها تخلي لونه غامق بس احط كمون حب واعواد قرفه كم حبه قرنفل وهيل واحط ليمون اسود بس وترى كثره البهارات المطحونه تعجن لك الرز
هذا اللي عندي واتمنا انك استفدتي وان شاء الله البنات مايقصروا معاك دمتي سالمه
18-01-1433 هـ, 06:48 مساءً
 


الساعة الآن 09:15 .