من كم يوم دخلت المنتدى وتفاجأت بموضوع من احدى الأخوات ( البـــــــــدر )
[

بدااااااااااااا ااية الأرزااااق بيد الله مب بيد الناس 0000


اولا : اتأخرت في الرد على الموضوع بسبب اني قلت بوضح للاخت البدر على الخاص وأكتب لها مبررات اللي صار بيني وبين ربيعتها وسوءالفهم اللي صار بيني وبينهاولكن يوم شفت ردها المليء بالدعاء علي والكلام اللي مليان حشو بصراحه قلت ماشي فايده بالتفاهم ويا الاخت وقلت لازم اترك عضوات ومشرفات حواء للنظر بالقضيه والحكم عليها - لان البدر مصره انها اتسويها قضيه -00!!!



ثانيا : الموضوع كله مايستاهل لاني صار بيني وبين ربيعتها صلح ومسامحه حتى لو ما تمت البيعه وشو البيعه عاد ( 85 درهم !!!! ) لا تفقرها ولا تغنيني 0000

صار سوء الفهم بسبب عدم تقبل الارامكس اخذ الاغراض لانها مثل ما عرفتوا واكيد معظمكن فهم وعرف اني انا المقصودة يوم الاخت البدر في النهاية بدت اتلمح -على قولتها - ((((ما يسوى علينا والله مدحووووب في الجمعيات ويسونه الهنديات ويجنن )))) زجاجات اجار وبهارات 000
وانا ما اجبرت ربيعتها انها تاخذ الاغراض 00000


المهم خواتي 00000

بعد ما قريت موضوعها كتبت لها هذي الرساله 0000

============================== =================
يوم الجمعه

مشكوره وما قصرتي
أولا: وقبل كل شي أنا أعتذر عن أي غلط بدر مني ... وكل إنسان يغلط ...

ثانياً: وانتي بروحج قلتيها بلسانج وعندج حق .. إن الوحده مب زين تحكم بعد ما تسمع من طرف واحد من دون ما تسمع للطرف الثاني..

ثالثاً: أشكرج على الكلام اللي قلتيه عني وأني إنسانه دينه .. (الله يتقبل من الجميع) وصدقيني ما في نيتي إني أضر أو أكره أو أقصد الشر .. لكن يمكن اللي استوى غلط .. ويمكن ما اكون الوحيده المتسببه فيه... ونحن بشر وكلنا نغلط .. ونتسامح ونغفر..

ثالثاً: أنا حاولت بكل اللي اقدر عليه وكنت اعتقد أن الأراميكس يوصل لكن حاولت في أكثر من شركة توصيل وكلهم يرفضون لأنهم ما يوصلون المأكولات لسبب ما أعرفه.. ولما خبرتها ان الشحن ما يوصلون دورنا حل ثاني .. وهو ان حد من أهلي يوصل الطلبيه ... واتفقنا على هالشي .. بس في نفس اليوم الأخت (أم محمد) كانت في دبي ولما اتصلت فيها وشفت انها في دبي اقترحت عليها وهي راده تاخذ الآجار من الريال (طبعا عن طريق الدريول) وافقت .. وبعدها غيرت رايها .. واقترحت إن الريال يوقف عند جمعية في بوظبي .. وعقب ردت اتصلت بي وقالت ان الدريول ما يندل ..(مع انها هيه اللي محدده المكان)... المهم اتفقنا على انها تمر على ربيعتي في ابوظبي وانا بخل الريال يوصل الأغراض لها وعطيتها العنوان ... وبعدها انشغلت وااايد وكنت اتريا تتصل بي لأنها قالت إن العنوان ما بعرفه بالهطريقه وانها وقت ما بتسير بتتصل علشان ادلها على المكان.

واتفقنا ان السبت بتروح للحرمه .. ويوم السبت بصراحه كنت في دورة تدريبية وانسيت الموضوع .. وأم محمد بعد ما اتصلت السبت .. اتصلت الأحد .. وكانت معصبه .. فقلت لها انتي الحين سكري لأنج معصبه .. واستغفري .. وطلبت منها اتسامحني... واتفقنا انها تمر على ربيعتي .. ولما اطلبت مني رقم اربيعتي ما قدرت اعطيها الرقم .. لأن الحرمه ما سمحت لي .. ريلها ما يرضى .. بس اقترحت لها ان انخلي الأغراض عند البقاله .. وعطيتها رقم راعي البقاله ... وقالت انه في نفس اليوم (الأحد) ريلها بيمر وبياخذ الأغراض .. واتسامحنا .. وكنت حريصه انها ما تزعل ولا تشل في خاطرها شي علي.. وسألتها: سامحتيني.؟؟ وردت علي خلاص الموضوع انتهى .. ومسموحه..
انا طبعا لما كانت معصبه قلت لها نفس الكلام اللي كتبتيه في المنتدى .. انها تاخذ الأجار من غير فلوس .. ويمكن ما عندها .. (ويمكن انا غلطت) وكان قصدي كله أن المسأله كلها ما تستاهل... إلا هيه 85 درهم .. ومن باب اني اعتذر لها فما بغيت احاسبها على الطلبيه...
وبعدها كنت اتصل أتأكد أنها مرت وخذت الأغراض لكنها قالت ريلها مشغول ولما بيخلص شغله بيمر وبياخذ الأغراض .. وما كان قصدي اسأل عن بضاعتي والفلوس .. الله يعلم إني بغيت بس أطمن أن الأغراض وصلت .. وأن أم محمد وصلتها الأغراض بعد كل اللي استوى...

آخر شي أبغي أقوله ...

انا وصلت طلبيات لوايد من بنات المنتدى .. والحمدلله ما استوت عندي أي مشكله .. وصلت لبنات في عجمان ودبي والعين وأبوظبي .. لكن يمكن ظروف أم محمد كانت شوي أصعب عشان جيه أتأخرت الطلبيه ..

ثاني شي أختي البدر .. أنا احترم كل الناس الفقير والغني .. وأحب اتعامل مع الكل باحترام .. لأنا كلنا عباد الله .. وما في فرق امبينا .. أما مسألة أني أحاسب على أني يمكن أتعامل مع ناس كباريه وغيره ... فهالكلام مب حلو .. والحمدلله انا بنت ناس وعرب .. لكن هذا مب مقياس للتعامل .. المقياس هو الطيبه والأخلاق مب الفقر أو الغنى ... واللي حببني في الشغل مب الفلوس .. لكن الوحده تحب تتميز واتقدم اللي عندها للناس .. وانا الله رزقني هالموهبه .. وحبيت اطعم الناس منها مثل ما الله طعم أهلي منها...

اللي اعرفه أني اتسامحت من أم محمد ... وهيه قالت لي انها مسامحتني .. فغريب أن عقب هذا ينكتب مثل هالموضوع .. وفي العام .. يعني لو في خاطرها شي تتصل أوتكتب لي في الخاص .. وأنا حاضره في اي شي يرضيها ... ما أقدر أزعلها .. ولا أزعلج يالغاليه ....

المهم من هذا كله ....

إن الموضوع كله ما يستاهل ... وعلى قولتج كلها 85 درهم لا تودي ولا اتييب ... وانا لو ادور افلوس ما بتعب اهلي وربعي وبخسرهم يمكن أكثر من قيمة الأغراض .. لكن حبيت أم محمد تتذوق الآجار ولا يتم في خاطرها شي ... وإذا بعدها أم محمد زعلانه أو في خاطرها شي .. تتصل بي او تكتب لي وانا حاضره بطيب خاطرها.

انا بإمكاني احط هالرد في العام ... لكني فضلت أني اطرش لج مثل ما طلبتي على الخاص ..

هذا اللي عندي بغيت اوضح الموضوع ... وما في نيتي إلا الخير

أحسن إلى الناس تملك قلوبهمُ... فلطالما استعبد الإنسان إحسانُ

============================== =================

ولكن بعدين اختي البدر ردت علي بهذي الرساله 00000

السلام عليكم ورحمة الله وبركاته
مرحبا اختي ام اسعيد
اول شي اشكرح انج رديتي راسلتيني عشان اعرف الموضوع
ثاني شي ليش انا قلتلج كباريه مش كبر لا والله بس يمكن انتي تتعاملين في يوم من
الايام مع شويخ او ما شابه وتعرفين كيف ضروفهم بتروح وباتخ السامان عند الدريول ولا بتخليهم ايون البيت بالعقل يا اختي لابد انج تكونين مره ولما هيه قالتلج من البدايه خلاص يوم تصعب الموضع المفروووض لا تحرجينها ..

المشكله اني انا سبب كل هذا لان من كثر المدح خاطري اذوقه واهلي يرفضون اني اشتري عشان جيه تميت اطريه لين قالت خليها عليه ...


المفروض اول شي تتاكدين قبل ما تبيعين من الارمكس اذا يوصل او لا لان اذا لا ما كانت بتشتري وانتي تقولين وايد وصلتي لبوظبي اشمعنا هيه الي الارمكس رفضها !!!


والحين اني على كلامج واسفه يا ام اسعيد اجذبج ولكن للاسف انتي جذبتي لان انا شفت الاتصالات الوارده وشفت المسجات وللاسف بعد كنت شاهد عيان على الموضوع واسمع واشوووف كل شي بس حبيت اسمع اكثر منج بتقوليلي على شوه جذبت تعالي نقطه نقطه ...




((((وهو ان حد من أهلي يوصل الطلبيه ... واتفقنا على هالشي ))))
بس انتي ما وضحتيلها ان الريال هوه الي بي للبيت هيه تحرته عند محل او ما شابه
مش عند حريم او ريايل ....

((((بس في نفس اليوم الأخت (أم محمد) كانت في دبي ولما اتصلت فيها وشفت انها في دبي))))))

صح هيه في دبي بس كم رقبتج قبلها وانتي تماطلين مش ذنب الحرمه انها راحت ادبي صح ولا لا وانتي ما عطيتيها خبر ان هذاك اليوم بالذات بطرشين الريال
وانا كنت في السياره وسمعت كل شي ......

اقترحت عليها وهي راده تاخذ الآجار من الريال (طبعا عن طريق الدريول) وافقت ..
وبعدها غيرت رايها .. واقترحت إن الريال يوقف عند جمعية في بوظبي ..

هيه قالت اسواق الامارات عند شاطء القرم ما قالت جمعية بوظبي كيف الدريول ما يد جمعية بوظبي ومش الدريول الي ما يدل انتي قلتلي الريال ما يدل اسواق الامارات وهذي جذبه لان البنت انا عنده وهيه تشرح وتقول اسواق الامارات ...

وعقب ردت اتصلت بي وقالت ان الدريول ما يندل ..(مع انها هيه اللي محدده المكان)...<<<<<<<<< اعوذ بالله هيه قالت الدرويل ما يدل اسواق الامارات ام اسعيد عندج اعيال وهذا ظلم حرام عليج


المهم اتفقنا على انها تمر على ربيعتي في ابوظبي وانا بخل الريال يوصل الأغراض لها وعطيتها العنوان ...<<<< مره الحرمه مش موجوده مره الحرمه ما طاعة تاخذ الرقم ومره الحرمه ما اعرف شوووه لين كرهتيها حياتها خليتيها تركض وراج وهيه لين هالوقت مادبه معاج ...


وبعدها انشغلت وااايد وكنت اتريا تتصل بي لأنها قالت إن العنوان ما بعرفه بالهطريقه وانها وقت ما بتسير بتتصل علشان ادلها على المكان.
8
8
8
8
اتقي الله ياام اسعيد منوه الي يقولها بطرشلج رقم الحرمه وبتصلبج وما اعرف شوه الحرمه تتريا الحين هيه تماطل وتنقعج وما تتصلج اذا يوم اقولها اتصلي واحن على راسها تقولي لا حرام خلينا نترياها الانسانه دينه ويمكن مشغوله عمرها ما تكلمت بالباطل عليج !!!!!!

وانها وقت ما بتسير بتتصل علشان ادلها على المكان.
ةقت ما بتسير بدللينها بالمكان ليش تعلمين بالغيب متى بتروح وبتتصليلها من الادب انج اطرشيلها مسج علىالاقل الحرمه رفضت تعطينا رقها ليش يعني خايفه من شووه نحن دينات ونخاف الله والمفروض قبل لا تكلمينها تتفقين مع الحرمه وتشوفين ضروفها ما تعطينا كلمه لين تعرفين شو السالفه

وبعدين هيه مش مسؤله اذا انتي انشغلتي ولا لا لان انتي المفروض تكونين قد البيع وتكونين مخلصه العملج ومعطيتنه 100% من وقتج هب تلطعين خلق الله شهر !!!!



واتفقنا ان السبت بتروح للحرمه .. ويوم السبت بصراحه كنت في دورة تدريبية وانسيت الموضوع .. وأم محمد بعد ما اتصلت السبت .. اتصلت الأحد ..
اتفقتن ان يوم السبت انتي بطرشيلها مسج او بتتصليييييييلها صح ولا لا عشان تروح
وانتي لبستيها وتقوليلي احظر توره علىالاقل قوووولي ان عندج دوره او ما شااابه
وقلتلي ان ام امحمد اتصلت الاحد تعرفين انا كنت ابا اوقف في النص بس دامنج طلعتي جذابه والله اني كرهت التعامل مع الي في النت الحين هيه الي اتصلت بالاحد
خافي الله ياام اسعيد الكذب من اسباب عذاب القبر وعندنا المسجات وانا موجوده
والوارد والصادر بعد هيه اتريج السبت والاحد والاثنييييييييي يييين صح ولا لا
كم يوم اتريج وعقب طرشتلج مسج انها بتسير وكلمج بادب وعقب انتي طرشتيلها هذاك المسج عقب هالجذب كله ما يحتاي اصلن اكلمج ولا تكلميني لاني ما احب اتعامل مع انسانه ما تجذب ولا تقولين ظلمتج انتي تعرفين وهيه تعرف وما نبا ويع الراس !!! الحين منوه الي ظلم الثاني ما تخافين من دعوظ المظلووم قسمن بالله ان الحرمه دينه يوم قرت رسالج الحين قالت حسبي الله ونعم الوكيل ربي انصرني على من ظلمني لان قهرتها جملتين
الجمعيه وهيه قالت اسواق الامارات
وهيه 3 ايام اتريج وقلتي انها بالاحد اتصلتلج
خافي الله هيه قبل تقول برايه بس هيه تقول بروح العمره واحس انها ظلمتني واخاف ادعي عليها شوفي لين وين ما تبا تدعي عليج بس انقهرت من هالجملتين

وكانت معصبه ..<<< شوفي اي يوم اتصلتلج ولا مرديتي عليها وشوفي المسجات
وشوفي انتي متى اتصلتي اون الاحد كلمتني وكانت معصبه اعوذ بالله ربي انصرنا على من ظلمنا وبين الحق بيانا كاملن وانصفنا في يوما لا ظل الا ظلك ...

فقلت لها انتي الحين سكري لأنج معصبه .. واستغفري .. وطلبت منها اتسامحني... واتفقنا انها تمر على ربيعتي .. ولما اطلبت مني رقم اربيعتي ما قدرت اعطيها الرقم ..

ليش اربعتج هذاك اليوم رفضت ولا قبل لا قبل على قولج رفضت اما هذاك اليوم هيه قالتلج باسير وقالتلج ان حد من هلها بيمر ياخذه وكانت صادقه بس كل الي في البيت درا بالسالفه وقالوا ولا باخذه ولا شي تعطيه ربيعتها هديه جانه من الاول قالت ما نبا فلوسه !!!


عند البقاله .. وعطيتها رقم راعي البقاله ...

وقالت انه في نفس اليوم (الأحد)<<< رديتي تقولين الاحد يا ام اسعيييييييييييي د
يالله ياربي تاخذلنا الحق منها ربي اني لا اسامحها وان ظلمتني خذ الحق منها وان ام محمد مش مسامحتنها وهيه ظلمتها وخذ الحق منها يا سميع يا مجييييييييب
كيف انا اراسلج وانتي تجذبين عليه انا ما اقول غير صبرا جميلا بالله المستعان ..



انا طبعا لما كانت معصبه قلت لها نفس الكلام اللي كتبتيه في المنتدى .. انها تاخذ الأجار من غير فلوس .. انتي ما قلتيلها انتي طرشتي مسج ويوم كلمج قالتلج يا تاخذينه بفلوس يا ما اريده شو تتصدقين علينا يا ام اسعيد !!!

ويمكن ما عندها .. (ويمكن انا غلطت) وكان قصدي كله أن المسأله كلها ما تستاهل... إلا هيه 85 درهم .. انتي الحين تقوليييييييين ما تستاهل انتي ما قلتيلها هالكلمه اصلن انا كنت اسمع !!!!!!

وبعدها كنت اتصل أتأكد أنها مرت وخذت الأغراض لكنها قالت ريلها مشغول ولما بيخلص شغله بيمر وبياخذ الأغراض .. وما كان قصدي اسأل عن بضاعتي والفلوس .. الله يعلم إني بغيت بس أطمن أن الأغراض وصلت .. وأن أم محمد وصلتها الأغراض بعد كل اللي استوى... <<<<< هالكلام بصدقه لو ما قلتي الاحد وما اعرف شوه وتحطين الاحد بين قوسين شوفي تواريخ المسجات يا ام اسعيد ترى المسجات لليوم موجوده عندنا وكل شي ما حذفناه ولا بنحذفه حتى

آخر شي أبغي أقوله ...

انا وصلت طلبيات لوايد من بنات المنتدى .. والحمدلله ما استوت عندي أي مشكله .. وصلت لبنات في عجمان ودبي والعين وأبوظبي .. كيف وصلتي بنات بوظبي


لكن يمكن ظروف أم محمد كانت شوي أصعب عشان جيه أتأخرت الطلبيه ..

ظروفها الي صعبه والا انتي الي ما تتصليلها وذليتيها

يا ام محمد انا ما اريد اقول غير اتقي الله على سالفت جمعية بوظبي وعن يوم الاحد
اتقي الله والله ما نسامحج ان تميتي تمشين على هذا المنوووال اتقي الله لان الدنيا ما فيها خير انا حبيت اسمعلج وبشوف معدن جيف تردين تجذبين بس مش مشكله زين بعد بحتفظ للرساله هذي تحفظا اذا صار شي تكون دليل على تناقض كلامج
وشكرا واتمنى ما تراسليني !!!!!!!!!


============================== ==================

سامحوني ما عرفت اقتبس الرساله الا بهذي الطريقة نسخ ولصق والله الشاهد علي اني مادخلت ولا حورت اي حرف ولا اي نقطة 00000

خواتي اقراوا اللي دار بينا وانتظر حكمكم 00000واتمنى الانصاف في الحكم سواء لي او علي 0000



الساعة الآن 02:01 .