اقتباس مشاركة  (أدمية)
استقدام السايق ب4000 وتصليح الأقامة 600ريال سنويا. والسيارة فان 7 ركاب موديل 2000 ب20000ريال
والتأمين والفحص ب1000 ريال والدخل اليومي في مدينة صغيرة 100ريال يوميا بدون مناسبات في المناسبات يزيد.
غير أنك تتفقين مع مجموعة من الطالبات أو المعلمات.. راتب السايق 700 شهريا والبنزين 10ريال يوميا أقل شي
وأعطال السيارة كل يوم عطل ..

ولازم لمدة شهرين تكونين أنتِ مع السايق حتى يفهم ويعرف الطريق زين وتكونين زباين. بعد كذا أخذي من 3000شهرياً والسيارة له بعد ثلاث سنوات ..

عشان تضمنين انه ما يتعمد يعطل السياارة لأنهم إذا كانوا يشتغلون براتب يعطلون السيارة وما يرحون للزباين ويطفشونهم.. ويسرقون الغلة ويقلون ما جانا اليوم أحد.. لذلك حددي مبلغ وعطيه السيارة وارتاحي من هم تصليحها ودفع الراتب.

بس خلي واحد من اخوانك يكتب معه عقد بذلك وأخذي جوازه وقعيه على إنه استلم رواتب سنتين يمكن يجيك ويقول ما عطيتيني شي.. وتراهم يخافون من الرجال أكثر من الحريم..

وقبل كل شي استخيري. والله يوفقنا وياك
معقول الاستقدام 4000 الالاف عذرا صاحبة الموضوع
26-01-1433 هـ, 03:49 صباحاً
 
الاهم من هذا كله هو انك تجيبين واحد خبرة في السواقة

موب يجي واحد يعل قلبك تجلسين تدربين فيه

بعد هالخطوة عندك حلين

اما انك تطلبين منه يشتغل لصالح نفسه ويعطيك اجرة يومية ا وشهرية

او انك تاجرين عليه السيارة

أو انك النص بالنص

أو تخلينه سواق خاص لك يصل طالبات بأمرك يعني مايتحرك الا بإشارتك

وبكذا يكن طلعت راتبه + مشاويرك مجانية

لكن من رأيي اذا صارت له شغلتين يعني توصيل بنات وتوصيلك

لابد انك تعطينه نسبة على توصيله للبنات لان هذي موب شغلته الاساسية

فبعتبر ظلم له زطبعا راتبه معروف 1200 شامل سكن اكل وانت اعطيه نسبة بعد

اما السيارة جيبي سيارة موب غالية كتجربة موب تمسكينه غالية ويحوسها

وبعد ماتشوفين الشغل ماشي تمام جيبي فان للتوصيل الجاد مثل النايفات

هذي كل الاختيارات قدامك وممكن تجربينها كلها تستقرين عاللي تبين
26-01-1433 هـ, 08:56 مساءً
 
أنا ما آيد الفكرة بتاتاً
لأنك تساعدين الأجنبي يسرح ويمرح في بلدك
وإنتي أولى منه
جيبي سواق ومن يوم يجي شغليه يودي معلمات في مدرسة وحده والعصر يوصل مشاوير
ولو يكونو نفس المعلمات أفضل تتفقي معاهم لو بغوا مشاوير مسائية منها عارف بيتهم
وشوفي المعاهد والجمعيات والمراكز المسائية حطي رقمك عندهم ويشتغل العصر
وراح تكسبين صدقيني ولا تخليهم يعطونه الفلوس فيده المشاوير المسائية يحطونها مع اجرة الشهر للمدرسة
عشان مايطمع وزيديه 200 على راتبه
وصدقيني لو تعود السواق من أو مايجي على التوصيل يصير عادي مايتذمر ولا شي يحسب هذا شغله إلي جاي عشانه
اتمنى افدتك يالغالية ولا تنسين الإستخارة
26-01-1433 هـ, 10:05 مساءً
 
ررفع لعيوونك غاااليتي
والله المووفق
27-01-1433 هـ, 01:06 صباحاً
 


الساعة الآن 04:55 .