من عيووووني عندي كذا طريقه
الطريقه الاولى
كشني بصل وثوم وشطه لو تبين في صينيه حطي طحينه وخل وليمون وحركي اذا ثقلت زيدي مويه شويوحطيها على البصل وتبلي بملح وفلفل وكمون وكزبره ناشفه وخليها تغلي خمس دقايق بعدين حطي السمك في صينية الفرن وحطي عليها الصوص ورشيها ببقدونس وغطيها بقصدير وحطيها بنار عاليه وخليها فقط عشر دقايق تقريبا اوربع ساعه لان السمك ماياخذ سوى كثير
الطريقه الثانيه
كشني بصل وثوم وشطه وكزبره كثيرررررر لان هذي اسمها كزبريه وحطي مويه وبهريها وحطي ملعقه خل وحطي السمكه بصينية الفرن وحطي الصوص عليها وعطيه بقصدير واذا طلع رشيه بكزبره خضرا
الطريقه الثالثه
حطي السمكه في صينية الفرن وحطي عليها ليمون شرايح وفلفل رومي وبطاطس شرايح وبصل شرايح وجزر وبعدين جيبي طاوه وحطي فيها زيت وخليه يحمى وحطي ثوم مفروم وشطه مفرومه وطماطم مفرومه وخليه يتسبك بعدين حطي معجون طماطم وخليه يغلي خمس دقايق وحطيه على السمك وغطيه بالقصدير وعلى الفرن
الطريقه الرابعه نفس طريقة الطحينه بس بدال الطحينه حطي حمرررر نقعيه في مويه
او حطي الحمر على الخضار موية الحمر حطيها على الكشنه
الطريقه الخامسه
قطعي السمك مكعبات متوسطه وقطعي الفلفل الرومي مكعبات والطماطم والبصل والليمون تبلي السمك بخل التفاح ملعقه صغيره لا تكثري وثوم وبهارات السمك أو ملح وكمون ودقه وفلفل وكمون وكزبره ناشفه وزيت زيتون وشكيها بالاسياخ وعلشان الاسياخ ماتنحرق نقعيها بمويه بارده قبل لاتبدين عمل اي شي
وحطيها في الفرن وماتاخذ وقت حوالي تقريبا ربع ساعه انتي طلعي وحده جربيها اذا تمام خلاص طلعيها

اتمنى اكون افدتك
واذا عجبتك طريقتي ادعي لي
23-01-1433 هـ, 12:54 صباحاً
 
وبعد اذا تبغينه مقلي تبليه بنفس التتبليه حقت الشوي بعدين حطيه بدقيق بعدين بيض بعدين بقسماط وبعدين اقليه في زيت غزير
وزينيه بالبطاطس والليمون والطماطم
خخخخخخ ما انعطى وجه صح؟؟
23-01-1433 هـ, 12:56 صباحاً
 
سبحان الله وبحمده سبحان الله العظيم
23-01-1433 هـ, 01:16 صباحاً
 
23-01-1433 هـ, 02:13 صباحاً
 
***** الله البنات مايقصروا
23-01-1433 هـ, 03:01 صباحاً
 


الساعة الآن 11:33 .