كل البنات اللي طلباو مني خارج الكويت
صار موقف معاي صعب 00 حاولت ابعث عينات من الطلبيه لمندوبتي بالامارات الجوهره وامس رحت البريد الممتاز قالي اي شي سائل ممنوع سويت نفسي ماسمع وقلتله ماكو شي سائل والفشيله دخل الكرتون فسكنر وقالي شنو هالسائل اختي مايصير اي شي سائل حتى لو كريم جامد
توكلت على الله وطلعت الزيت بالبيت ورديت اليوم بالكرتون وداخله المبيض والاعشاب
قالي اختي شفيج فيه كريم قلتله لا هذي علب هدايا مواليد قالي اختي ممنوع ومشى
المهم طلبت مدير ارامكس بالكويت واحد اسمه جورج وواحد اسمه خالد وقلتلهم بشحن كذا وكذا وطرشولي المندوب اليوم العصر على بيتنا ولا نمت الظهر انطره المهم خذا الفلوس والكرتون
عالساعه 8 ولا يدق المدير اللي اسمه خالد ويعتذرلي يقولي اختي المدير الجديد جورج مايعرف القوانين والاعشاب والكريمات ممنوع تنشحن الا اذا تبين نشحنها وهناك اصحابها يتوهقون فيها واسمك شحنتيها او ان السلطات هناك تحتجز البضاعه وتعدمها على قولته وانتي مالج شغل
وقلتله لأ مابي ابهذل اصحابها رجع البضاعه
بنات سامحوني تسكرت بويهي والله العظيم
وكل بنت دفعت لي تدخلي رقم حسابها باجر ارجعلها فلوسها
وياليت الكويتيات اللي شحناو كريمات او اعشاب لخارج الكويت يقولون لي شلون شحنوها ؟؟
والله انا حزينه خسرت فلوسي والبضاعه اللي جمعتها عندي وبتوهق فيها والاهم خسرت ثقتكم فيني لكن الله يعلم كل من دفعت باجر من الصبح الايداع باسمها وبحسابها
سامحيني الجوهره وسامحوني كلكم يابنات
وسامحوني ماكان ودي اخسر محد وده بالخساره لنفسه لكن ما باليد حيله







يــابوي من عقب مانا اتفداك قمت انعيـك
عقب مادعـيلك بالتوفيق قمت ادعيلك بالمغفره
ياليـت الموت يتخــير يابوي وانا افديـــك
لك ان شاء الله ثواب عدد ماهل المزن وامطره
لا حول و لا قوة الا بالله

اختي ليش اليأس

اسألي عن شركات ثانية
اكيد في شركة تشحن الاغراض مثل الكريمات و الاعشاب

و انا متأكدة ان في اخوات من الكويت شحنوا كريمات للامارات

اتمنى من الخوات اللي يعرفون اي شركة ممكن تخبرنا

رجاءا ما نبغي نعلق البنات ويانا

اختي لا تحاتين و لا تحطين في بالج كل مشكلة و لها مليون حل
اختى الغاليه يفدنك الفلوس ولا هي بمشكله


لكن لو تسئلين عن الشحن البري او حتى البري

يمكن هناك وسيله غير الجوي مو شرط تري

المهم

ونحن ننتظر اسبوع او اسبوعين مو مشكله ترى


اهم شئ انه يوصل والسلام للى تريد

لكن قولى انه راح يتاخر

والى ما تريد تنتظر رجعي لها فلوسها

عن نفسي انا بنتظر ولا عليج

المهم نتعاون

وتحياتى اختى
أمثال
لا تفكرين واااااااايد
أرتاحي الحين ومب مشكله لو تأخرت البضاعه شوي
وبعدين فكري في طريقه ثانيه للشحن يمكن فيه شركات عندها تسهيلات اكثر من ارامكس

ونحن بنصبر لين تنحل المشكله,,,,, لان صراحة اغراضج حلوه واااااااايد ونترياها بشغف والله
المجموعة الثانية من أشغالي
لا إلاه إلا أنت سبحانك إني كنت من الظالمين
حسبنا الله الذي لا إلاه إلا هو عليه توكلت وهو رب العرش العظيم






من أشغالي.....شو رايكم
هذا حل ثاني

في وايد بنات ييون دبي هالايام من الكويت و وايد عوايل

ممكن ييبون الاغراض وياهم و نعطيهم عمولة على هالشي

اي وحدة تعرف حد ثقة و على قد الكلمة

او اي عايلة بتنزل دبي هالايام تخبرنا

عشان نتفاهم معاهم على الموضوع

ولهم عمولة بدل تكاليف الشحن


الرجاء المساعدة من جميع الخوات اللي في الكويت


الساعة الآن 04:06 .