السلام عليكم......بنات انا مره كنت معزومه على العشا.......ولما ضيفونا على البوفيه اخذت عدة انواع من السلطه وبقى نوع ما كفى صحني احطه (فشله الحين بتقولون هذي بطينيه تارسه صحنها)
المهم لما قعدت على الطاوله اشوف الي قاعده جنبي ولا حاطه من هالسلطه الي انا ما حطيت منها
ولما تفحصت مكوناتها ولا عباره عن جبن حلوم محمش وجرجير مقصص صغار
عاد انا انقهررررررررررررت اني طوفت هالسلطه وصار بخاطررررررررررري اذوقها بس بصراحه افتشلت ارد البوفيه مره ثانيه........والمشكله ان السلطه بخاطري الحين وابي اسويها
الله يعافيكم الي سمعت عن هالسلطه لا تبخل على اخيتها وتعطيني الطريقه وعسى الله ياجرها انشالله
21-05-1426 هـ, 03:29 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حتى أنا جنى ذقتها إلى فيها جرجير وباذنجان وجبن بس مو حلوم لا جبن بارميزان بس هم منا أعرف الطريقه إذا عرفتى إنتى الطريقه لا تنسينىىىىىىى
21-05-1426 هـ, 09:25 مساءً
 
ينقل من المقبلات لاطباق حواء
23-05-1426 هـ, 02:38 صباحاً
 
السلام عليكم هلا بنات
عندي هالطريقة ما أدري إذا إهيا إلي إتدورونها ، انا ماجربتها
سلطة الحلوم
المقادير : 2 شدة سبانخ - 1خس أمريكي - 1 حبة كبيرة فلفل أحمر بارد - 2/1 شدة صغيرة نعناع - شرائح خيار مخلل كبيرة - 10 شرائح جبن حلوم - 3 م ط زيتون أسود بدون نواه - 15 شريحة باذنجان مقلي - زيت نباتي لشي الفلفل والحلوم
الصلصة : 2 م ط زعتر بالسمسم - 2/1 1 م ط صلصة إيطالية - 4/1 ك زيت زيتون - 4/1 ك عصير ليمون - 2/1 1 م ط خل - 1 م ش ثوم مدقوق - 2 م ش ملح.

الطريقة :
- يقطع السبانخ والخس قطعاً كبيرة ثم يضاف لهما النعناع والزيتزن والخيار والباذنجان المقلي .
- في مقلاة خاصة للشي نضع القليل من الزيت ثم نضيف قطع الفلفل الأحمر حتى يأخذ لوناً فقط ثم نتركه جانباً نضيف قطع الحلوم على نفس المقلاة لمدة ثوان فقط لتتحمر .
- نترك الفلفل والحلوم ليبردا قليلاً ثم يضاف لباقي مقدار السلطة .
- نخلط مقادير الصلصة بملعقة ثم نضيفها للسلطة وتقدم مباشرة.
وبالعافيه
جربوها وقولوا رايكم
23-05-1426 هـ, 08:20 مساءً
 
بعد عمري والله بنت الديره الحبيبه..........بصراحه انتي راعيتها والله
واخيرا حصلت الطريقه
بس انا بشيل السبانخ وبحط بداله جرجير......وانشالله بسويها وبدعيلج بكل خير انشالله يالحبيبه.......ماقصرتي والله
24-05-1426 هـ, 01:52 صباحاً
 


الساعة الآن 11:00 .