Analysis Services
السلام عليكم ورحمة الله وبركاته


تلك هي المرة الاولى التي اكتب فيها في هذا القسم واتمنى ان الموضوع يلاقي القبول وليس فقط القبول لكن الاقتناع ايضا


وانتابني ذهول من كثرة التاجرات اللائي يستوردن من الخارج مثل الصين والهند وتركيا وامريكا وووووووووووووو


وسألت نفسي لماذا نستورد من الخارج؟؟؟؟؟


ووجدت اجابات عدة


اولها: "مش موجود في السوق"..................طيب مش موجود في كل البلاد العربية يعني بدل ما أنفع عدوي انفع ابن عمي


ثانيا : "مش بنفس الجودة.......................طيب دورتي حواليك كويس يمكن تلاقي جودة افضل أو ممكن تقدري تصنعي انت المنتج ده ويكون ليكي السبق


ثالثا: "الزبونة عايزة كده".....................الزبونة عايزة جودة بدون ما تدفع فلوس هل ممكن تديها المنتج من غير ما تحولك فلوسك الاول......لأ طبعا.............ليه؟؟؟؟...............لأن ده يتنافى مع المصلحة الشخصية.....................طيب اذا الزبونة عايزة


حاجة تتنافى مع المصلحة العامة....ما فيش مشكلة؟؟؟؟؟؟؟


رابعا: "مش الكونتينر اللي انا شاحناه هو اللي هيخرب البلد"..........لازم كل تاجرة تعرف انها جزء من الاقتصاد القومي لبلدها وانك ممكن تكوني "نوايه تسند الزير" او تكوني" قشه قصمت ظهر البعير"!!!!!!!!


انا لست ضد الانفتاح والاستيراد من الخارج لكن انا ضد اننا نكون امة مستهلكة فقط ولا تنتج شيء يعني مثلا قومي دلوقتي وروحي شوفي ابنك بيلعب بايه؟؟؟ انا عملت كدة دلوقتي حالا


ابني بيلعب بلعبه مكتوب عليها "صنع في الصين" طيب لابس ترنج مكتوب عليه" صنع في الصين" بس الحمد لله الهدوم الداخلية مكتوب عليها "صنع في مصر" أحمدك يا رب "وطبعا لو دخلتي المطبخ هتلاقي 1000 حاجة مكتوب عليها صنع في الصين يعني بيتي وبيتك فيهم احتلال صيني وغزو صليبي و مجوسي وبأيدي انا وانت بندخل الغزو ده


الحل" من وجهه نظري طبعا"


1_ "ان الله لا يغير ما بقوم حتى يغيروا ما بأنفسهم" يعني كل واحدة تبدأ بنفسها يعني انا كتاجرة لازم اوقف الاستيراد من الخارج للأشياء الغير مفيدة او اللي ليها بدائل تصنع في بلدي وكمان هاوفر على نفسي الشحن والجمارك والدوشة دي


اما كمستهلكة لازم قبل ما اشوف الخامة والجودة اشوف مين هياخد فلوسي يعني اشوف مصنوع فيييين؟؟؟


2_ كل انسان جواه طاقة بتستهلك في اشياء غير مفيدة كمان ليه اشياء مفضلة لو استغل طاقته في تصنيع شيء مفضل ليه اكيد هتكون النتيجة ابداع وساعتها هيكون مصدر وليس مستورد


3_تشجيع التاجرة اللي بتنتج سلعة وهم كتير ولازم بعرف ان انا لما اشتري منها اني بداعمها وبأحسن جوده منتجها وبادعم الصناعة الوطنية لبلدي وباساهم في زيادة الدخل القومي لبلدي


4_ عمل دورات تدريبية للحرف اليدوية مثل التريكو الكروشيه التطريز الخياطة وكل اللي عندها خبرة ولو بسيطة في أي مجال لازم تنفع بيها الاخريين


وختاما لن تنهض الامة الا بنا فيجب ان نعمل لذلك ان كنا نريد ان نقف امام الله يوم القيامة راضيين عن انفسنا


اللهم بلغت اللهم فاشهد
26-01-1433 هـ, 09:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جزاك الله خير
موضوع قيم اتمنى يتثبت
26-01-1433 هـ, 11:39 مساءً
 
يالغلاااا
مؤيده لكلاامك
وجزاك الله خيراااا
والله المووفق
27-01-1433 هـ, 12:16 صباحاً
 
كلام رائع اؤيدك عليه
27-01-1433 هـ, 12:47 صباحاً
 
جزاك الله خير
27-01-1433 هـ, 12:57 صباحاً
 


الساعة الآن 02:15 .