cute moon @cute_moon_1

محررة ذهبية

بنات الي قد جاهم جاثوم يدخلو ، ماحد يفهمنا إلا احنا ..

السلام عليكم ورحمة الله

انا من الي جاني جاثوم من سنتين ..
وافتكر كيف اني تعبت نفسيتي وخاصه انه جاني ورا بعض ..

اول مره جاني

كنت عادي منسدحه على ظهري بانام بس كنت أفكر في امر دنيوي ..
وكانت عيوني على السقف ..
المهم إلا اشوف شئ اسود كأنه قماشة سوداء مخرقة الجوانب بينزل علي ..

انا عيوني اتفرصعت وانصدمت واتجمدت مكاني ..

وهو كمل و ينزل علي حسيت انه فوقي وطبعا انا غمضت عيوني لانو ان ماغمضتها حيكون عيني على عينه وطبعا ماابغا ذآ الشئ ..

المهم

بالنسبة لشكله فهو كأنه قماش اسود زي ماقلتلكم بس في فتحتين فاضية جمب بعض يعني عيون وفتحه تحتهم بالوسط يعني انها فم :22:

طبعا مستغربين من الفيس الرايق ذآ ..
لكني اتعودت عليه من كثر مايجيني حتى تركني ..

اكتشفت انو خوفي المبالغ فيه هو الي يجيبهم وحتى كثرة سماع الاغاني والي ماتحافظ ع الصلاه هذي كلها اموور تجيبهم لانو انتي بكذآ بعيدة عن الله فبعيدة عن حمايته ...

بعد اول مره جاني في اليوم التاني والتالث نمت جمب اختي الكبيرة من الخوف ومع انو كنت تاركه ربع باب الغرفه مفتوح وداخل نور من الصاله إلا انه جاني و جمدني وكان بيني وبين اختي ذي شبر بس ..

فلما ظهر مالحقت أقومها لانو جمدني فبس يادوب درت وجهي عليها وأناديها بصوت متقطع لأانو معقد لساني وهي حضرتها نايمة مع اني اجاهد مجاهد لأنطق ..

بس المهم بعدين صرت من كثرة مابهذلني جاني تبلد احساس:o

وبعد مايتركني صرت أقول ياحمار يازفت حسبي الله عليك ...

وصار لما يتلبسني أقول آية الكرسي من قلبي وبصوت عالي بس جوة قلبي واحسه انه يتفكك واقاومه بجسمي كأني مسلسه واحاول بذراعي افك السلاسل الي محوطتني

وصرت مااخاف وصار يتلبسني وانا نايمة وحاسه فيه بس مطنشة واكمل نومه وبعدها بدقايق يفكني ,,

فلما قريت من النت انو حالات وتهيئات عقلية ومدري ايش قلت هذي اخرطي ، لاني انا بوعيي ومتأكده اني بوعيي إلا يجيني شئ يجمدني !!

وقرأت عنه بالنت بس من شيوخ مسلمين وايوا فسروه انهم من الشياطين الي يؤذو الي يخاف منهم ولازم الواحد يحصن نفسه ويتقرب إلى الله وكذآ

والحمدلله راح ..
فهذا تجربتي من انسانه زيي زيكم ..

لاتخافو منه وهو حيسيبكم ..
وثقو بالايات القرائنية لما تحصنو نفسهم ..

لاني افتكر كنت احصن نفسي بالمعوذتين واقولها بسرعه بسرعه ويجيني !!

لاني مااتيقنت بالأية ..
بس بعدين صرت احصن نفسي واركز بالي اقوله واستشعر الاية كويس : زي : ( قل أعوذ برب الفلق ، من شر ماخلق ) فكنت استشعر الأية انو نعم ياربي اكفيني من شر ماخلقتهم وكذآ ..

وفقكم الله
وأي تعليق او موقف بخاطركم عن الجاثوم ده قولوه ..
احبكم:26::26:

هذا الموضوع مغلق.

متجر ضي القمر • 12 سنة

بسم الله لو انا بيوقف قلبي ياساتر

جوتايم • 12 سنة

اهلين قلبوووو انا جيني بس انا مااسمع اغاني الحمدالله
اختلفو البنات اللي تقول مع الاغاني واللي تقول انا ملتزمه واللي تقول تاخير الصلاه
اختلفو بس الكل منهم جاه
الحمدالله ماعمري شفته وجها لوجه ولا رحت فيه الله يرحمني
خوووافه
انا صرت اخاف ع بناتي الصغار لايسوي فيهم شي
اللي بعرف مثلا اليوم جاني وجاء ذي وذيك وذاك هوه يعني جاثوم واحد او كثيرررر جاثومات
اذا واحد الله يعينه يلحق ع مين وواللي مين ذا مايمل ولايتعب
مابقول عليه ماشاءالله خليه تجيه عين تموته ويفكنا من شره خخخخخخ