مرحبا كيفكم؟

ابي فزعتكم انا موظفة وماعندي شغاله ووقتي مزحوم ابي افكاركم في اشياء اقدر اجمدها وطبخات سريعه لان زوجي ما يحب اكل المطعم ونطلع من الدوام بنفس الوقت
سوي من الليل طيب

الدجاجة قطعيها واطبخيها وخليها الين تبرد ودخليها الثلاجة طبعا بدون المرق
والمرق اشحليه في علبه وكمان دخلية الثلاجة علشان تكبسين عليه الرز اذا طلعتي من الدوام
والمرق من الليل عادي مايخرب بس خليه الين يبرد وحطيه بحافظة وع الثلاجة ولما تجي الظهر دخلي الدجاجة الفرن وحطي عليها الخلطة اللي تحبي او اقليها وطلعي الايدام دفيه والرز اكبسية وع بال ماتصلي وتلبسي الا هو خالص
اوو قطعي خضار مشكل واقليه وحطيه ع جنب الين يبرد وع الثلاجة
واسلقي دجاجة وسويلها حمسة بطريقتك وحطيها بعد بالثلاجة
ولما تجي من المدرسة قلبيها ع النار مع بعض وحطيها بصينية وحطي عليها بشاميل مايبيله طبعا ودخليها الفرن ع بالي ماتصلي وتلبسي الا هو خالص وهكذاا
سوي طبخك من الليل واذا ماتبين
سوي الكبسه وولاتحطين الرز وخلي المرق يبرد وحطي القدر بالثلاجه واذا جيتي اليوم الثاني من الدوام سخنيه وحطي الرز وعشر دقايق يكون خالص
الايدام سويه من الليل
الصواني سويها وحطيها بالثلاجه واليوم الثاني حطيها بالفرن وماتاخذ وقت
المكرونه بالبشاميل سوي طبقاتها من الليل
واليوم الثاني حطيها في الفرن
وبس ياعمري ترى موضوع الطبخ سهل جدا
لاتصعبين على عمرك
ادعوا لي يابنات ان الله يرزقني بالزوج عاااااااااجلا غير آجل مليييييييييت وانا انتظر هالمعرس الي مايبي يجي

اللهم عجل بنقلي واجمعني بـ أمي وأبي واخوتي فقد جفت الدموع وتعب القلب من الفراق
حبيباتي يعطيكم العافيه
بس انا مشكلتي زوجي مايحب الكبسه وانا اجي العصر واكون مره تعبانه ابي اشياء غير الكبسه وسريعه
طيب سوي صواني
مثلا صينيه باشاميل جهزيها كاامل وحطيها بالثلاجه واذا جيتي بس دخليها الفرن
او شندويشات شاورما اسلقي الدجاجه ونتفيها ووزعيها على قدكم باكياس
وحطيها بالفريزر وسوي شورما سريعه
امممم اي بعد السلطه جهزيها قبل ماتنامين وحطيها بعلبه من دون الملح والصوص
وعندك بعد البروستد تبلي الدجاجه من الليل وقطعي البطاطس بعد
وجهزي الدقيق والبق صماط في كيس واذا جيتي من الدوام
على طول اغلي الزيت واقلي البطاطس والدجاج سريع سريع
ممكن تسوين ملوخيه من الليل وتحطيها بعد بالثلاجه وتسوين رز ابيض وسلطه
ماتاخذ وقت
وبنفس الوقت انتي شوفي وش الاكلات اللي تحبونها وتاكلونها كثير وابدي جهزيها من الليل قبل الدوام

اتمنى افدتك شوي
الله يوفقك


الساعة الآن 04:05 .