السلام عليكم

اهلا طباخات

ياليت تساعدوني انا فاشله بالطبخ ياليت تساعدوني والله ودي اسوي زيكم بس ماعندي مطبخ لحالي مشترك مع اهل زوجي ماقدر اخذ راحتي لحد الحين حتى كيكه ماتظبط معي

ماعرف اسوي شئ واحد عندي بالمطبخ يزعجني اصدع بسرعه ولا اركز

ربي يعين
مهم ماكثر عليكم مين عندها طريقة دجاج تصلح مع سندوتشات عشاغير كودو ياليت تعلمني بالتفصيل ممل او مع خبز اي طبخه حلوه منكم بس غير كودو تكون دجاج حلو طعمها


والله مانسى جميلكم الله يسعدكم
30-01-1433 هـ, 04:02 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله. يسهل عليك الطبخ وتطلعين افضل طباخه

طيب عندي لك حل ليش ما تجربين في بيت اهلك
لان الاهل غير
يمكن في بيت اهل زوجك تتوترين وتخافين تخرب الطبخه

طيب يا حلوه
راح اعطيك كذا طريقه للدجاج
جيبي صدور دجاج. وشرحيها مرره رقيقه نص سانتي اوكي
بعدين تبليها بملح وخل وبابريكا وثوم وبصل بودره واورقانو
وخليك راهيه في البهارات
تبليها اقل شي ساعتين والافضل من الليل لين بكره
وبعدها سخني مقلى وحطي شوي زبده او زيت
وحطي القطع والمقلى حاااميه
طبعا راح تستوي في خلال اقل من ٥ دقايق
اولا لانها مررره رقيقه ثانيا الخل يساعد على انها تستوي اسرع لانها منقعه وقت طويل

الوجه الاول دقيتين او لما تشوفينها تحمرت بعدين اقلبيها
وتكون مجهزه خبر البرقر او توست وداهنته بمايوني وخس وممكن ممخل او بصل اخضر عاد تفنني في اللي تبين
طبعا انا احاول اخليها تكون مربعات كبيره بحجم الخبز البرقر او التوست


الطريقه الثانيه
بيضه ونص بياله حليب سايل او كريمه خفق او حليب بوني
وشوي خل وملح وبقدونس مجفف وثوم بورده وبابريكا وبرضوا الافضل تتنقع وقت طويل
بعدها طلعيها من الخليط وتكونين
مجهزه طحين مخلوط بشوي بابريكا وقلبيهم فيها بعدين اذا خلصتيهم كلهم تكونين مجهزه بقسماط مخلوط ببقدونس مجفف
ورجعي قذه الدجاج للخطله وغمسيها بعدين عالبقسماط
ودخليها الفريزر تجمد شوي يمكن نص ساعه وبعدها حطي في المقلى شوي زيت وحطي القطع فيها وغطيها كل كل جهه راح تحتاج ٥ دقايق يويمكن اقل
على حسب فرنك
واحيانا ادهن صينيه الفرن بزيت واحط القطع واقصدرهم وادخلها ثلث ساعه بعدين افتح القصدير واحمرها من فوق

بعدها تكونين مجهزه خبز مدهون بمايونيز وكتشب وخس وحطي قطع الدجاج وفوقها جبن شرايح
ودخليها الفرن بس مجرد تسيح الجبنه شووووي وممكن المايكرويف
ااسوي هذي الطريقه بخيز الصامولي اللي مثل عجينه البرقر مو اللي من المخابز العاديه لا اللي مثلا مثلا هرفي
والدجاج يكون مقطع بشكل طولي وسميك

ممكن تتبلين ب
صوص الباربكيو. مع كاتشب مع ملح وثوم بودره وبصل بورده
ونفس الشي تشوحينهم عالمقلي ودايم افضل اللي ما فيه بقسماط انه يكون رقيق مره
وتحطين معه في الخبز بصل اخصر وفلفل بارد افضل شي لطعم الشوي. افضل من الخس


عندي طرق كثيره بس تحتاجين ارسلي لي
وباذن الله اني احاول انزل موضوع بخصوص تتبيلاتي وحشواتي سواء اللي بدجاج او خضار او اجبان
افيد البنات مثل ما افادوني

البابريكا كثير يسالوني وشو بالضبط
تراه فلفل احمر مجفف ومطحون تلقينه في السوبر ماركت
الاورقانو ممكن بداله البهارات الايطاليه عادي اي شي يمشي
البقدونس المجفف تقدرين بداله تحطين ثوم معمر مجفف او بصل اخضر مجفف او كزبره مجففه

غالا في تتبيلاتي افضل الاشياء المجففه
حتى البصل والثرم افضلها مجففه اطيب في الطعم بمراااااحل
وتعطيك كانها طعم مطاعم وتغييييييييييييييير

جربيهم ويا رب يعجبونك كل اللي ذاقوها عندي مررره اعجبتهم

موفقه اختي 
30-01-1433 هـ, 06:11 مساءً
 
انا بعد متلك مااعرف اسوي شي غير اشياء محددة نفسي اسوي فطاير عمري ماسويتها ونفسي اسوي حلويات واسوي ابتكارات كل شي اخدو من النت من اي مكان مايزبط وزوجي ينفش ريشه فيني ههههه بس اعرف اعمل ايدام بس بس
30-01-1433 هـ, 10:42 مساءً
 
شوفي اناعندي طريقة فطاير ( فطاير تركية على الصاج)

اخدتها من اخت في المنتدى الله يجزها الف الف خير.. مو فاكرة اسمها المهم

مقاديرالعجينة :
2كاس دقيق +3ملاعق حليب بودرة+1ملعقة خميرة +ملعقة سكر +رشة ملح +الماء حسب حاجة العجينة )
يعجن المقادير مع بعض حتى تتماسك وتصبحطرية ثم تقسم إلى 7كور وتترك لتتخمر نص ساعة

ثم تفرد وتعمليها دائرة بعدين تحطي الحشوة و تقفليها تصير نص دائرة

الحشوة كالتالي :

تسلقي صدور دجاج ثم تفرميها في خلاط زد زد
وتشوحي على الناربصل شرائح ( حبة كبيرة )
ثم تضيفي حبة جزر مبشورة و حبة فلفل رومي شرائح
و تضيفي ماجي ثم تضعي الدجاج المفروم سابقا
بعد ما ترفعيه عن النار ضيفي عليه ملعقتين مايونيز و ملعقتين جبنه سائلة
وبكدا انتهت الحشوة و سارت جاهزة حتى ممكن تحشيها في صامولي او التوستتقدري تستخدميها في اطباق كتيرة
وبالعافية على قلبك



01-02-1433 هـ, 02:42 صباحاً
 
الله لايحرمني منكم وربي يسعدكم وقت اذا الحين ودعيتلكم الله يوفقكم ويسددكم ويفرج ماهمكم مشكوووووووووووووورات الله يجزاكم خير
04-02-1433 هـ, 05:31 صباحاً
 


الساعة الآن 06:59 .