السلام عليكم و رحمة الله و بركاته
بصراحه في البدايه ترددت كثير اني اكتب معاناتي لكن بالاخير قلت مالي بعد الله الا انتو :27:
انا متزوجه من سنه ونص و عندي بنت والحمدلله سالفتي مع زوجي هي بعد زواجي بست او سبع شهور اكتشفت محادثات المسن حقته مع اولاد (طبعا محادثات جنسيه ) في الكمبيوتر ولقيت بعد في سلة المحذوفات اشياااااء مقاطع فيديو و صور مخللللله المهم انا انصدمت فيه خصوصا اني ما كنت اشك فيه ابد ابد مو من النوع اللي يطلع بالعكس لاصق لي في البيت ولا حتى جواله مو راعي مكالمات فاتورته ما تتعدى 250 المهم سكت وقلت براقب الوضع من بعيد واشوف وش نهايته وبعدها بفتره ولدت و طلعت من المستشفى على بيتي بناء على طلبه كانت رغبته مررره بعد اربع ايام تقريبا في الليل قال انا بروح انام وراح الغرفه واخذ اللاب معه وقفل عليه انا انقهرت وبعدها بساعه تقريبا رحت ادق عليه فتحلي بعدها بشوي وكان مرره مرتبك و يتعذر انه كان نايم وشوي مع الارتباك قال انه كان يكلم اخوي في امريكا و يحكي لي عنه انا احتقرته بنظرات وطلعت جا اليوم الثاني اخذت اللاب وقت دوامه وقعدت اشوف بعده الا القى المحادثات بغيت امووت من القهر وسكت وقلت له بروح لاهلي انا مررره طفشت في البيت وكان عندي موعد في نفس اليوم جا و وداني واحنا راجعين قلتله انزل تعشى معي اهلي وقتها ما كانوا موجودين وبعدين رح البيت قال لا انا عندي بيت اتعشى فيه وهو زعلان عشاني رحت لاهلي بعدها ارسلت له رساله وكتبت فيها اللي بخاطري وانك تبي تروح للبيت مستعجل على اللي عندك في اللاب و و و و كلاااام كثير .
هو انجن يوم قرا الرساله ويدق واطنشه الين خامس اتصال وارد قال انا جاي في الطريق نتفاهم وجا قام يهدي الموضوع ويقول اهم شي محد عرف عن الموضوع خاصه اهلك ويحلف انه ما يعرف شي عن اللي انا قلته ويقول ان جهازي مخترق من اول و بروح اسوي له فورمات يبي يسكتني بس والله انه ما فرمته ولا شي و عدت الايام والحين قبل يومين اكتشفت نفس الشي من جديد يعني ( عادت حليمه لعادتها القديمه ) واجهته و مثلي انه مصدوم من ذا الشي ونفس العذر الاول كرره قلت له انا ماني بزره انا المره الاولى سكت بمزاجي ابي اشوف اخرتها معك قام يهديني ويقول من حقك تزعلين بس انا والله مالي دخل في هذا كله تعرفين ان جهازي مخترق و و و و اعذار سخيفه ما اعطيته وجه و باقي زعلانه الين الحين انا ابي احط حد لذا الموضوع عشان يتوب بس مو عارفه كيف وش رايكم اهدده اني اروح لأهلي واقول انا ما اقدر اعيش مع واحد يمشي بهالطريق خاصه انه اهم شي عنده اهلي و سمعته ومن ذا الكلام .
اسفه اني طولت عليكم بس والله من حيرتي ابي حل باسرع وقت ممكن تكفووووووووون يالحكيمات اتحفوني :44:
لولو الاميرة @lolo_alamyr
عضوة جديدة
يلزم عليك تسجيل الدخول أولًا لكتابة تعليق.
اسيره الاشواق
•
الله يكون بعونك احس زوجك يحب التفاهم ليه ماتتفاهمي معاه وجها لوجه بدل كتابه الرسايل والاهم دائما ذكريه بالله خلي حياته مليئه بالايمان صدقني بتغير
مقدر اقول الا الله يعييينك حاولي تذكرينه بحرمة الي يسوويها
وانتبهي خلي بينك وبينه هشي اهلك ماراح يحلون مشكلته
وانتبهي خلي بينك وبينه هشي اهلك ماراح يحلون مشكلته
حبيبتي الله يسعدك خذيه بالتفاهم وشوفي وقولي له يترك الاب واخواياه الوسخين وحلفيه والا يختار انك تعلمين اهلك وتفضحينه عندهم الله يفرج همك
زوجك واضح انه يحب التفاهم وشاريك لا تخسرينه
اتفاهمي معاه بهدواء بينك وبينه واساليه ليش تتفرج انا بايش قصرت عليك
صدقني يتجاوب معاك لكن خليك هاديه بالله
ولا تخربين بيتك بنفسسسك
اتفاهمي معاه بهدواء بينك وبينه واساليه ليش تتفرج انا بايش قصرت عليك
صدقني يتجاوب معاك لكن خليك هاديه بالله
ولا تخربين بيتك بنفسسسك
الصفحة الأخيرة