إنتبهوا يا بنات ..
كل شي قضاء وقدر .. وموقنين بشدة إن الله كاتب شي بصير يعني بصير .. بس ناخذ بالأسباب ..
أخت زميل زوجي .. مسوية عملية لوز وربي الشاهد ماعليها إلا ثنتين بنات .. وحصل لها خطأ بسيط في كمية البنج .. وراحت في غيبوبة .. الحين لها 12 سنة في غيبوبة .. ما صحت منها .. سوت العملية في احلى أيام شبابها .. تخيلوا بناتها كبروا يمكن عمرهم الحين بالإبتدائي ..وهم يشوفوها نايمة ما تحس فيهم ..
وامها الي قايمة على خدمتها ..وهي كبيرة في السن .. الله يصبرها ولا يحرمها من هالاجر .. الله يفرحها بصحوة بنتها ..
فالوحدة إذا ربي معطيها قوة وصحة وجمال فلا ترمي نفسها للتهلكة .. علشان شي بسيط مو ذيك الأهمية ..

سبحان الله كان عندي بنت عم الله يرحمها ويغفر لها سوت عملية لحميه واتعديل اعوجاج بالانف الدكتور قالها تدخلين 7 الصباح العمليه و12 الظهر وانتي تتغدين ببيتك طبعا هي مثلك حلمت حلم سيئ بس ماعلمت احد ودخلت العمليات مع انه دكتور التخدير اتاخر عليهم بس هي مصره تبي تسويها وعندها اربعه اطفال اصغر واحد عمره 7شهور وهي عمرها 32 سنه ومعلمه انجليزي
دخلت العمليات وماحد من اهلها يدري الا زوجها واختها ماعلموا امهم على موعد العمليه تدرين وش صار لها مع الدكتور الله لايوفقه
قطع عليها عرق بانفها وبدل مايطلع الدم برا جسمها بانبوب خلها يدخل داخل رئتها وعباها ودخلت بغيبوبه من وقتها لانه توقف القلب نص ساعه تخيلي وطبعا مارجعت الظهر لبيتها لكن
بعد خمس ايام من الغيبوبه خرجت لقبرها في ظهر يوم السبت الله يرحمك ياغلى بنت عم ويوسع في قبرك وينور لكي وترا موضوعها معروف وانتشر بالمنتديات التعليميه رالله يرحمها ويغفر لها ويجبر قلوبنا على فرقاها لها الان سنتين من توفت

احمدي ربك انو جاك تنبيه لهذا الشي قبل لاتندمي

الله يكتب لك اللي فيه الخير

بسم الله عليك. الله يخليك لعيالك و يرزقك برهم