شوفي حبيبتي لزم تحطي لنفسك نظام وتلتزمي فيه اقولك كيف الصبح تصحي قبل صلاة الفجر تجهزي الفطور لزوجك واولادك ولما ياذ ن تستعدي للصلاة وتصحي زوجك واولادك صلى وعلى طول على غرفة عيالك رتبيها ورتبي غرفتك ما تاخذ منك دقايق الفطور في صحن كبير اذا ماتحبو الاكل في بلاستك لبسي عيالك والبسي وجهزهم للمدرسة والصغار اما الحضانة اوعند اهلك بعد ماترجعي على طول الغداء اما تكوني من الليل سويتة او سوي غداء سريع بعد الغداء ترتيب سريع للبيت مايخذ منك نصف ساعة ذاكري لاولدك صلي العصر وسوي قهوتك بعد العصر لحد المغرب مع زوجك واطفالك بعد المغرب سوي عشاء للصغار عشيهم ونوميهم يكون اذان العشاء ادخلى المطبخ وسويغداء بكرة وعشاء لك ولزوجك وعلى بال الاكل مايستوي ترتيب سريع للبيت واذا عنك كوي ضروري اكويه صلي صلاتك وحطي عشاك لزوجك ورفعي الغداء في الثلاجة بخري البيت خذيلك دوش وبعدها الوقت لك ولزوجك من الساعة 9 حتي الساعة 11 او 12 وبعدهانامي وفي الخميس والجمعة رتبي البيت ترتيب عميق واكوي وغسلي ولايجي عصر الجمعة الى وانتي فاضية لنفسك هذا ولكى خالص تحياتي

انا زيك لكن الفرق انا تعودت عالشغاله وراحت فجاة فاحتست حوسة يحبها قلبك

اول شي سويته .. اخذت اكياس ..اكياس زبالة او اكياس التخزين

وفتحت دواليب عيالي.. وطلعت كل شي صغير ومايلبسونه شلت الصيفي لاننا في شتاء وخليت الشتوي.. وجبت صناديق لتنظيم القبعات والشراريب

بكذا اضمن ان حوسة الدواليب ماتمر علي الا مرة في الاسبوع ..

جبت كرتونه وطلعت الالعاب اللي ماعاد يلعبون فيها وطبعا ماكانوا موجودين عشان مايرفضون ووديتها للجمعية

دولاب ملابسي وملابس زوجي نفس الشي..والمطبخ كمان..

يعني باختصار تخلصت من الاشياء اللي ممكن تاخذ وقتي وما استخدمها ..وديها للجمعيه ..منها اجر ومنها بيتك يترتب

عشان اركز مجهودي عالمطبخ والغسيل والتنظيف.. الترتيب في الاشياء الغير مستخدمه ضياع وقت وجهد..

نجي للترتيب.. وقت ما انا اذاكر لبنتي احوس في الغرفة ارتب ملابسها وادراجها اجمع الغسيل واخلص شغلتين في واحد..

اما المطبخ فهذا المعضله وما احبه ..لكن اعطيك طريقة صديقتي: تطبخ المرق من الليل وتبرده وتدخله الثلاجه.. اليوم الثاني تكمل طبختها عالسريع

صديقتي الثانية.. توزع اللحمة والدجاج وتقصصهم اول ماتجيبهم بحيث وقت ماتجي تطبخ تختصر وقت التجهيز والتقطيع

الوقت اللي تكونين في المطبخ حطي الملابس في الغسالة والصحون في غسالة الصحون وعشي عيالك في المطبخ ههههه

ترا من جد تركزين على مكان واحد

وتخلصي شغلك كله بوقت واحد

يتبقى لك الكنس والكي.. وغالبا المجففف اللي مية % ماتحتاجين تكوين معاه ملابس العيال والبيت بس ملابس الخروج وملابس زوجك

انتي استخدمي طريقة الشغلتين بوقت واحد وراح يتوفر وقتك مرة..ونصيحه لاتراكمين الشغل.. الحمامات اشطفيها يوميا ويوم ورا يوم نظفيها تنظيف عميق..

علمي عيالك التعاون وخليهم يساعدونك في ترتيب كتبهم ووضع ملابسهم في مكانها.. الدقايق اللي يخدمونك فيها تفرق معاك كثير

ولاتنسين الادعية والاذكار لها مفعول مدهششششششششششششششششش

رفع

الله يسهلك ويغنينا عن الخدم

سنعة الواحد ذلحين يصلي بروقان