ياسلام فناني

الغاليه بكم سعره
وبغيت اتخبرج عن الشبج تور الرفيع ولاقطن

واذا بغيته من دون الشبج يستوي؟؟
اترياج الغاليه
هلا ومرحبا بالغاليات ..


ختيه مريم الحب .. ربي يوفقج وتسلميييين على الدعوة الطيبة يالغالية ..


ختيه دموع الحيرة .. السعر 80 درهم إذا تبينه بالشبج .. وتراني أحب أخبركن أنها الشباصة من داخل فرنسية مب نوع ثاني .. يعني لا تخترب ولا تصدي ..


خواتي بنوتة وسمايلي ليدي .. تسلمن على الرد .. أول شي الحلو في هالشبابيص الأشكال الغريبة .. يعني بتكونين مميزة ماحد شراتج .. وحتى لو في وحدة بتلبس شراتج ممكن في المرة الياية تطلبين طلبية انتي تحددين فيها شو تبين بالضبط .. يعني الحلو أنج انتي اللي تطلبين كيف تبينه وشو الألوان وجيه ..

أما بالنسبة للفضي والأسود فهو خرز .. يختلف حسب اللون اللي انتن تبنه .. يعني لو طلبتي شباصة بنية بيكون الخرز عبارة عن ذهبي وبني وجيه .. والسعر 80 درهم ..

بالنسبة لسؤالكن من وين أنا .. هيه خواتي أنا من العين

ختيه الغالية توتة الحلوة .. الشبج يالغالية تشوفينه وااااايد مميز والله .. يعني هو شغل سنارة لكن طالع منه شرات الشعر وجيه .. وااايد حلو ويبرز الشعر .. وماشي منه في أي مكان .. ووالله ختيه تشتريه من الحرمة اللي هي بالأساس بادية الشغل .. يعني هي بروحها ما لقت منه في السوق ..

وطبعاً لو تبين الشبابيص بدون شبج أكييييد يستوي وهنيه السعر بينزل 20 درهم وبتكون الشباصة بـ 60 درهم وأقل إذا الشغل أقل شوي .. انتي بس آمري

وتبن مفاجأة؟؟؟ صاحبة الشغل وحدة عندكن في المنتدى
الأخت Romanove
ترومن خواتي تطرشن عليها لو عندكن طلبيات وهي ما بتقصر وياكن إن شاء الله
وترومن تتفاهمن وياها على السعر بعد مافي أي مشكلة
أوه نسيت أخبر خواتي بنوتة وسمايلي ليدي عن سؤالهن كيف ينلبس ..

خواتي .. هو شرات الشباصة العادية اللي فيها شبج .. يعني فيه شباصة من وراه ..

عقب ما تسوين شعرج تلمينه بالشباصة وعقب تدخلينه في الشبج ..

أنا عن عمريه ألم شعريه كله وأربطه .. عقب أسوي كيكة كبيرة وحلوة .. وبعدين أثبت الشباصة هاي بالشباصة اللي تخليها تثبت وأحط الشبج على الكيكة ..

وعاده تعالي لبسي الشيلة وسيري أي مكان .. والله كل وحدة بتقول لج .. ممكن تفجين الشيلة وأشوف شباصتج؟؟؟ أنا جيه كنت قبل لا يصير عندي مثله .. أما ألحين فسويت طلبية لعرسي ..
الغاليه
ابغي منها بنفس اللون

كيف التوصيل لدبي
طرشي لي رقمج
اختي انا بعد ابا منها نفس اللون
و انا في دبي ممكن تطرشين لي عنوانج


الساعة الآن 07:54 .