مقادير الكيكة عندي ثابته بس اغير في النكهات
ممكن بدل الكاكاو احط جلي فراوله او موز او عصير برتقال
بالخلاط

( كاس ماء دافيء + كوب وربع سكر + بيضتين + ربع كوب زيت + فانيليا + ذرة ملح ) تخلط جيداً لحد مايذوب السكر وتطلع رغوه ثم نضيف عليها وهي تخلط ( ملعقه كبيره باكنج باودر + <<اذا كنتي حابه يكون الخليط كامل بني اضيفي 3 ملاعق كبيره كاكاو باودره او بعد ماتضيفي الدقيق ... اقسمي الخليط ابيض والاخر اضيفي عليه ملعقه ونصف كاكاو باودره >> ) ثم يضاف اليها وهي بالخلاط كوبين دقيق ابيض وحركي بالملعقه عشان تساعدي الخليط يتحرك بسرعه

قسمي الخليط الى ثلاثة اقسام متساويه
صبي القسم الأول بصينيه وادخليها الفرن واشعلي النار علىيها النار من اعلى لحد ماتنشف وتتماسك ورصي عليها بسكوت شاي وصبي القسم الثاني ودخليها الفرن من اعلى واشعلي النار من اسفل لحد ماتتماسك من فوق
ورصي طبقه ثانيه من البسكوت وصبي القسم الثالث والأخير من خليط الكيك ودخليها الفرن من اسفل فقط وخليها لحد ماتستوي على نار هادئه ممكن تأخذ ربع ساعه او ثلث ساعه بالكثير وبعدين حمريها من فوق
بعد ماتطلعيها خليها تبرد شوي
وثقبيها بأعواد الشواء واسقيها علبه وسط حليب نستلى المحلى
ورشيها بقرفه مطحونه وكاكاو بودره



مقادير المقلقل
كميه من اللحم والكبده والرئه والكلى
نقطعها شرائح رفيعه او على حسب الرغبه ونغسلها ونتركها على جنب
نقطع بصل جوانح ونشوحه بشوي زيت على النار ونضييف اليه جوانح فلفل رومي ونخليها لحد ماتذبل ونضييف فصين ثوم مهروس
اول ماتفوح ريحة الثوم نضييف خليط اللحم عليها ونحركها لحد مايتغير لونها نملحها ونبهرها ونضييف جوانح طماطم ونوزن كمية الماء
انا عملتها بقدر الضغط لاننا جيعانين ومستعجله عليها
مااخذت نص ساعه الا وهي جاهزه ولله الحمد على نعمه علينا

ـــــــــــــــ ـــــــــــــــ ـــــ

طريقة كبسة رز اللحم والدغابيس
قد ذكرتها بمواضييعي الثانيه



طريقة اسباغتي الفاصولياء الحمراء
نقعت الأسباغتي بمويه حاره عشان بسرعه يستوي وقت الطبخ
وبهذا الوقت طلعت همبرغر الدجاج ومسحته بزيت زيتون ودخلته الفرن يشوى
صفيت الأسباغتي من ماء النقع وطبختها مع كوبين ماء وملح على نار هادئه
(كمية الماء على حسب الكميه انا حطيت كيس كامل إسباغتي )
ومايأخذ 5 دقايق او اقل الا وهو جاهز لانه منقوع ولين مسبقاً
عندي علبه فاصولياء بالصلصه الحمراء من معلبات شركة لونا جنااااااان
مره نحنا مدمنين عليها
بعد مااستوت الإسباغتي صفيها واضفت عليها علبة كامله فاصولياء بالصله الحمراء وقلبتها على النار دقايق بس عشان تأخذ النكهه
طلعت شرائح الهمبرغر وقطعتها مكعبات وعطيتها على وش المعكرونه
وبصحه وهناء



حلووووووووووه
ماشاء الله عليك مرتبه ومنظمه وقتك انا عندي بنوتين وما قدرت اذبح الذبيحه معه لان بناتي الكبيره خايفه والصغيره كان الجو برد
وام زوجي الله يخليها قالت بس روحي وانا اسوي عنك كل شي بس امسكي بناتك لايذبحهم البرد والكبيره خافت عليها لان كانت كل الاستراحه دم من الضحايا>> عاد انا فرحت وطرت على طول ودخلت خخخخ

الله يخليلك زوجك وولادك
ماشاءالله عليك ..

بس كيف قدرتي تغسلي الكرش والامعاء؟؟

انا اهرب من المطبخ لمن اشوفها .. ااحس ريحتها تتعلق بالملابس )=


بس ماشاءالله عليكم حسيتو بالعيد ..

مو حنا عند مسلخ وطبخها في طباخ وتجينا جاهزة مجهزة وماندري ايش كان وايش صار

الله يرحم ايام الطفولة


الساعة الآن 05:41 .