ياقلبي فعلا لااااتصيحي وقت الولاده والله ترا يننننهد حيلك وقت الجد ودفع النونو تخلص طاقتك ولاتقدري تخرجيه وممكن يتاذى او يستخدموا شفط النونو اننننتبهي حاووولي وانتي تطلقي تدعي باللي تتمنيه ترا الدعوه مستجابه ورددي يارب سهل سهل فكري فالاشياء الحلوه وان اهلك برا وزوجك وحبايبك ينتضرون ربي يفرجها لك...تصدقي دائما بنيه ربي يسهلها عليك ويسخر لك الناس واللي يولدون ويخيطون وادعي.والله يسهل هلينا جميعا الحمل والولاده والخياطه ويرزقنا نواني سليمين

محتاجه هالموضووووع

ربي يهونها ويسهل

السلام عليكم ورحمة الله وبركاته
انا مادخلت الموضوع وكتبت الا عشان وجه الله واتمنى اي احد يستفيد من كلامي
1- لازم ثم لازم تكونين ماكله زين قبل تروحين تولدين غشان يكون فيك حيل وماتكونين ضعيفه
2- اذا عطوك الحقنه الشرجيه قومي للحمام اكثر من مره تقريبا ثلاث مرات لين ينظف بطنك عشان ترتاحين وقت الولاده ولا تستحين قولي للممرضات يفكون عنك الاجهزه وروحي بس لازم تكون الممرضه معك
3- لازم تتفقين مع الدكتوره علا نوع المخدر اللي تبغيه واذا اللي بتولدك مو دكتورتك اول ماتدخلين المستشفى اطلبيها وذكريها اذا كنت تبغين كمام والا ابرة الظهر
4- كمان ذكري الدكتوره بنوع شق العجان اللي تفضليه وترتاحين عليه يااما على ورا او على الجنب وانا عن نفسي افضل اللي على ورا لانه اريح في الجلسه بعد الخياطه تقدرين تجلسن وانت مرتاحه وانت تاكلين او ترضعين اما اللي عالجنب متعبه لازم تجلسين علا جنبك وكمان تنامين وترضعين على جنب واحد
5- اتفقي مع الدكتوره على نوع الخياطه اللي تبغيها اما خياطه عاديه لشق العجان او خياطه تجميليه وهنا لازم تدفعين زياده على مبلغ الولاده حدود 1500
6- لازم يكون معك احد اول مايطلع الجنين ويروح للحضانه عشان يراقبه ويتاكد من شكله ومن وضع الورقه باسمه على يده خوفا من السرقه او التبدليل الله يكفينا الشر
7- اثناء الولاه لاتصرخين من الالم واذا جا ك الالم اكتمي الصرخه وادفعي للاسفل وادعي بين الطلقات واسالي الدكتوره اذا فيه طلقه جت في التخطيط عشان تدفعين واذا مافيه وقفي يعني لاتظلين تدفعين وتدفعين مع طلق او بدون لانك راح تتعبين ويطلع لك بواسير وشق شرجي زي حالتي

وسلامتكم

اي سوال انا حاضره بس عالخاص لاني ماارجع للمواضيع اللي رديت عليها

ما شالله عقد اللولو نصايحك زي الولو الله يجزيك الخير,,,نصيحتي لك حبيبتي هي التمر أو الرطب تاكليه إلين الطلق يعني وأنت بتحسي بالطلق كلي تمر عشان تتسهل ولادتك بإذن الله والله عن تجربة أقلك الكلام واحذري من الخرابيط زي القرفة ومدري إيش ممكن تحمي الطلق والرحم مسكر ,,الله يقومك بالسلامة يارب