السلام عليكم ورحمة الله وبركاته

كيفكم ياحوائيات عساكم طيبين


تكفووون بنات جيزان والجنوب طالبتكم الفزعه
واهل المناطق الباقية لاهنتووو زودوني بخبرتكم



ياحلووووين ياطيبييييين ياطعميييين


قبل كم يوم وانا راجعه من دوامي اقول لابوي عن دقيق الذرة واني مشتهيته بكم طبخه
انا اكلمه على الذرة الذرة الصفرا





قاااااااااااالي ابشري

وجاني العشاء الله يعافيه ويطول بعمره ويخللليييه

بكيس وش كبره انا صار وجهي كذا


ويوم فكيته وانصدم ذيك الصدمه الي يحبها قلبكم
حسيت الكيس يقولي صادوووه

لقيت دقيق لونه كانه بر فاتح

لونه كذا







قلتله وش ذا دقيق الذره اصفر شبه السميد
يقولي هذا دقيق ذرة
اقوله الذرة الذرة ذيك يوووبااااااا

يقولي انتي تقصدين الحبش
يقولي هذا زين ازين من هذاك
وفيه من نوعين احمر وابيض هذا الابيض
هذا معروف بيجزان والجنوب يسوون منه اكلات رهيبه
وفيه منه خبز يكون 3 انواع دقيق من دقيق بر و دخن والدرة الي هو جايبها لي
مادري انا وش نوع الحب هذا يقول هو حب معروف هناك له لونين احمر وابيض الي هو جابه



تكفوووووووووون اسعفوني باي طبخه اطبخها فيها
مادري وين اودي الي بالكيس شلون اصرفه
قلت اسوي منه خبزه ويوم خبزتها طلع هش بتفتت كانه دخن واخف يمكن
وش الحل وش السوات

انقذووووووووووووني ياحوائياااااااااااااااات
هههههههههههه أظن الله يسلمك هذه الذره البيضاء حبها دائري صغير أبيض يختلف كليا عندقيق الذره ( الحبش)
وممكن تسوي منه مشغوثه وطريقتها سهله تحطي لبن في قدر وتضيفي مقدار من الطحين وتخلطيه على البارد وبعدين تحطينه على النار وتحركيه حتى يبدا في الغليان ويكون ثقيل وبعدين تقصري النار عليه مدة من ثلث ساعة إلى نصف ساعة وبعدها تحطيه في حافظة وتضعي عليه السمن والعسل وبالعافيه
هو صادق الوالد دقيق الذرة فيه نوعيه مثل اللي بالصورة

وتقدري تخلطيه مع اي دقيق بر تسوي منه اكلات شعبيه
....
وعليكم السلام ورحمه الله وبركاته

بما انو من جازان انا راح اقولك على كم طريقه ان شاء الله تفيدك
هذا في جازان يقولو عنه حب ذره
الطريقه الاولى (المفالت)
حطي ثلاثه اكواب من حب الذره و1كوب بر
وملعقه صغيره ملح وماء للعجن
اعجني خليها متوسطه لاقاسيه ولا لينه
حتى تصير عجينه متماسكه
وحطي في قدر حليب اي حليب سائل سعودي اوغيره واضيفي سكر حسب ماتحبي يكون حلو اومتوسط
وحطيه على النار حتي يغلي (تقريبا 2لتر حليب والسكر يكون 1ونص كأس شاي)
وحركي بيد وباليد الاخرى اضيفي قطع من العجين بين الحليب المغلى تقريبا نص كميه العجين نزليها في الحليب مع التحريك
حتى ماتصير كتله واحده تكون قطع صغيره وباقي العجين خففيه بالماء واضيفه عليه وحركي حتى يستوي
تقريبا عشر دقائق
وبعده اضيفي له السمن اوالزبده ولاسكر ولاساده ولا تمر زي ماتحبي وبالعافيه.

الطريقه الثانيه (المفتوت)
نفس العجين الاول اخبزيه بالصاج اوالطاوه اوالفرن
وبعد ماتخبزيه افرميه وحطيه بالحليب المغلى وحركيه حتي يثقل واضيفي له السمن والعسل وبالعافيه

الطريقه الثالثه لازم يتخمر (الخمير)
حطي 3اكواب من الطحين و1كوب دقيق و1كوب دخن
وملعقه كبيره ملح و نص ملعقه صغيره خميره فوريه
وماء للعجن هذي العجينه خليها قاسيه شوي
اعجني حتى تتماسك وخليها ليوم اويومين تختمر
تصير حامضه شوي واخبزيها بالفرن اوالطاوه بس عند الخبز غطيها بالقصدير اوغطاء
تؤكل مع المرق اوالروب بالثوم وزيت السمسم او الباميه والحلبه او زي ماتحبي

الطريقه الرابعه (اللحوح)
نفس عجينه الطريقه الثالثه بعد ماتتخمر خففيها بالماء وحطي في الخلاط بصل وثوم وفلفل حار وبهار واضيفيه عليها وخليها حتى تصير متخمره
وفي الطاوه ادهنيها بالزيت وحطي مقدار من الخليط ( زي الكريب)
وحركي اوميلي الخليط على الطاوه واتركيه حتي يستوي وكملي حتى ينتهي الخليط
وقدميه مع المرق اوالباميه او الحلبه او اي ادام انتي تفضلي وبالعافيه.

هذي بعض الطرق ان شاء الله تكون سهله عليك وهذي مشهوره في جازان واذا توفرت لى الصور راح ازودك بها
ان شاء الله .

أستغفر الله وأتوب اليه
شعلة ضياء ما قصرت ماشاء الله عليها ماني من جيزان لكن عندي فضول زايد هههههههه
اموووت على اكلات اهل جيزان واليمن بالذات اللحوح
الى جنة الخلد جدتي



الساعة الآن 10:23 .