السلام عليكم بنات عالم حواء زمان عنكم
راح ادخل في الموضوع على طول
الحمد لله بنتي جات سليمة مافيها اي عيوب خلقية
وكنت ارضعها طبيعي مع صناعي الى 3 شهور صارت صناعي فقط
وكنت استخدم لها حليب سيميلاك وعادي عليه بعدين حولت لحليب ابتاميل رقم واحد
ومن بعدها بنتي صار عندها اسهال زي البيبي اول ما ينولد وانا ما احسبه اسهال
لانه سائل مع نقط كذا زي اول ما ينولدوا0المهم مشيت عليه شهرين ومتقبلته لكن عيبه انه
اسهال معها وانا احسبه طبيعي كذا واقرا في النت الامهات يحولوا على ابتاميل عشان عيالهم
عندهم امساك وانا مفهية ما ادري ايش في
المهم يوم السبت الماضي في الليل جاها مغص شديد مع تطليع
ويجيها نوبات من فترة وفترة واتنومت في المستشفى ونحسبها اخذت برد
وشبكوا لها المحلول وهي ما تحس من كثر ما هو مغمى عليها
المهم صار تطليعها لونة اصفر على اخضر وبرازها فيه دم جا دكتور جراح وف***ا وقال
لازو سونار وطلع معها تداخل في الامعاء او احتشاء الامعاء وهذا مرض خطييير جدا
يستدعي عمليه جراحية سريعة اقرؤا عنه
المهم نقلناها من مستشفى بخش حسبي الله عليهم كانو حيعملو لها عملية عندهم وما عندهم
جراح اطفال وعناية مركزة للرضع والله شلناها من غرفة العمليات بالمغذية في يدها وعلى
جدة مشتشفى سليمان فقيه ومن الطوارئ على العناية المركزة وعملت العملية الصباح
والحمد لله على كل حال وقعدت اسبوع منومة في المستشفى
المهم انه الى الان معها اسهال ايش الحليب الي استخدمه لها
ابغى حليب يجيب امساك وهل سيميلاك غين حلو؟
الان استخدم لها ابتاميل اتش ان للاسهال الشديد
والله الى الان تعاني من اسهال وغازات اعطيتها تفاح عصير طبيعي جبن الحليب في بطنها وطلعته
بعد 4 ساعات مجبن
جاوبوني الله ينول مرادكم انتظركم
كرمليتا @krmlyta
محررة
يلزم عليك تسجيل الدخول أولًا لكتابة تعليق.
بنت الرومي
•
رضعيها من صدرك ورفع لعل اخد يفيدك
الحمدلله على سلامته ولاروحي طبيب اطفال يعطيها حليب يناسبها ولاتاخذين اي حليب من راسك ولا من نصايح هذه صحت بنتك وهي امانة عندك
الصفحة الأخيرة