%ورد تشرين%
%ورد تشرين%
الله يصلحك انتي عقدتي الامور وزدتي الطين بله
وبتصرفك خليته يعند اكثر ويصر على رأيه اكثر
اجل فيه وحده تفتح الشباك وتولع صواريخ على زوجها؟؟؟؟
تبينه يصفق لك مثلا ويقولك خلاص بوديك ؟
زين ماصعد لك وذبحك وقالك ضفي ملابسك وانقلعي لبيت اهلك !

انتبهي مره ثانيه تثورين وتنفعلين وبعدها تندمين على تصرفاتك
والرسول عليه الصلاة والسلام وصانا وقال لاتغضب وكررها ثلاث مرات
لأنك اذا تكلمتي وقت غضبك فراح تقولين كلام تندمين فيه طول عمرك ..

ولازم تعرفين ان الرجال مايبون حرمه تعطيهم اوامر وتعاندهم بالقوه
يعين تقدرين تاخذين اللي تبينه بالهدوؤ واللين والكلمه الحلوه
مثلا يابو فلان الله يرضى عليك بالإجازه بيتملك اخوي
وودي اني اروح وش رايك ؟
اعطيه جزء من قوامته وانه هو اللي له القوامه
واذا رفض ابتسمي وقولي له انا ادري انك ماراح تكسر بخاطري
وبتفرحني وتخليني اروح
واعطيه ذيك الابتسامه : )
وبس ولاتكثرين عليه الكلام
اليوم الثاني او اللي بعده افتحي الموضوع مره ثانيه
قولي له هاه وش رايك فكرت بالموضوع ؟
بيقولك اي موضوع قولي له روحتي لملكة اخوي
هو ماراح يعطيك الموافقه على طول
فيه رجال كذا طبعهم صعب تغيرينه لازم يحس بقوته وانه هو الامر والناهي
انتي اعطيه جوه وامسكي اعصابك لاتنفلت

وبما انك بوزتي الموضوع على قوى اخوانا المصرييين
روحي اعتذري منه واستسمحي منه وبوسي راسه وقولي العذر والسموحه انفعلت شويلأن نفسيتي تعبانه
وخليه وقومي بواجباتك لين يطيح اللي براسه
وتحملي هالكم يوم لسه باقي على الاجازه اسبوعين
اصبري لين تحققين مرادك
واذا رجعت المياه لمجاريه ارجعي افتحي الموضوع بالطريقه اللي قلتها لك

ولاتنسين سهام الليل والاستغفار بنية ان الله يسخر لك زوجك ويهديه
والله معك

وحده من الناس1
الله يهديك
Al-Farasha
Al-Farasha
خلي ابوج يتصل عليه يعزمكم على ملكه
أم صبا..~
أم صبا..~
بصراحه تصرفك طفولي مو تصرف عاقله أبد

تعاملي معه بالسياسة وبدلع يعني مثال صالحيه اليوم وأعتذري منه وبكره اذا جاء من الدوام حضري الغداء والقهوة والشاي وسوي نفسك حزينة ومكسورة وضعيفة بدون ما تبكين طبعاً بيسألك وش فيك قولي كلمت اهلي وشفتهم فرحانين ومشغولين بملكة أخوي ونفسي أكون معهم وأنا ما ودي أزعلك وودي تسمح لي أحضر الملكة إذا وافق هذا اللي نتمناه وإذا رفض لا تعصبي ولا تصارخي زيدي الجرعه حبتين وانتبهي تعاندين أو تتركين واجباتك بحجة الزعل ... سوي كل واجباتك لكن بدون روح هو بيستحي على دمه وبيحس أن هالأمر بيسعدك ويسويه خصوصاً أنه يحبك بس عنادك هو المشكلة لأن الرجال ما يحب العناد أبد

هذه خلطة سحرية أغلب الحريم يستخدمونه لكن ما أدري إذا تنفع مع زوجك أو لا ..


كلامي كثير لكن إن شاء الله يفيدك

موفقة بـــإذن الله
نرجس
نرجس
الله يفرج لك