مرحبا خواتي

بدخل بالموضوع عالطول ومالكم بالطويله

كنت اليوم بدفع قيمة مشغل اربع فتحات غير قيمة الايجار 6شهور بعقد 5سنوات وخططت لكل شي

بس واجهتني مشكلة المشغل خرابه ويبيله مايقل عن 10 الف تعديلات بسيطه ومو اللي بالخاطر

لان اصحابه مكركبينه وحاشرينه على جهه وحده والباقي جدران وخرابيط مالها سنع

الزبده

ماعندي المبالغ لكل شي لاني بقعد عالحديده

وماحب الشراكه ولا القروض ولاالسلف كذا طبعي

عموما

انا كوفيره لي زباين كنت اروح لهم وقطعت الشغل من سنه

وكنت افكر بمشغل والان هونت

طيب وش اسوي انا مليت من الكوفيرات اللي ففتي% ففتي

ابي كوفيره تقيم معي فبيتي انا ماعندي زوج حاليا ولي بنات بس

وابيها بالراتب وابيها تطلع لشغلاات البشره وكلشي يتعلق بالخدمات
وافكر ب2 كوفيرات

ولا اقدر اطلع تاشيره باسمي كامطلقه عشان على الضمان

ولا احب الجئ لخواتي وامي اعرف طبعنا محد يدخل اسمه لاحد

لذا لك وش الدبره الله يوفقكم خواتي

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك يارب ...بس يجيلك قلب تسكنين وحده ببيتك ماهي قريبة لك وعند بناتك ؟

عموما الله يفتح باب رزقه بوجهك امين
رفع
جيبيها بفيزة شغاله





اقتباس مشاركة  (قنوورة)
الله يوفقك يارب ...بس يجيلك قلب تسكنين وحده ببيتك ماهي قريبة لك وعند بناتك ؟

عموما الله يفتح باب رزقه بوجهك امين

حبيبتي مو حنا نسكن الخادمات عندنا ونعتمد عليهن ونترك البيت لهن وهن غريبات

ليش طاعت قلوبنا

والكوفيره جايه غريبه نفس الخادمه جايه تترزق ولها غرفه خاصه بها

ولكن اطلع معها او اروحها هذي الفكره

والله يجزاك خير قلبي


الساعة الآن 05:48 .