الخير ..... كيفكم
بنات ماطول عليكم هذه صور عشانا اليوم ....وطبعا انا ما اكل فقط اطبخ علشان انحف بس ادعوووولي
هذه شوربة عدس بالشوفان .. مره رائعه وسهله
المقادير :
كوب عدس اصفر انظفه زين واحطه بقدر واحط عليه مكعبين ماجي وفلفل اسود رشه وكمون وكزبره وماء مغلي كثير يعني كل اللي بالغلايه صبيه
وحطيه على نار على نار عاليه واتركيه يغلي لين مويتها تنقص وعبي الغلايه وصبيها عليها مره ثانيه واتركيها تغلي بعد وتطول لين تنقص المويه وعبي الغلايه وصبيها مره ثالثه وحطي الشوفان كويكر بس ماعرف الكميه انا احط بيدي ثلاث مرات واحركه زين واتركه يغلي لين تستوي واملحها اذا كان ناقص الملح
وهذا الرز ..
رز ابيض عادي بس اضيف له لون وبصل مقلي
وهذه صينية دجاج بالفرن :
اغسل الدجاج زين بالطحين والخل والملح وانقعه بماء دافيء وليمون لين اجهز التبله وتكون التبله من الليل يعني انا تبلته الظهر وصلحته بالليل يعني لازم تطول وكانت ((زبادي علبة .. ملعقة اكل طحينه .. ملعقة اكل خل .. ملعقة شاي بهارات مشكله مطحونه .. ملعقة شاي كركم وكاري وباربكيو وملح وثوم وبصل بودره ))
واغرز السكين في الدجاج من جميع الجهات واتبلها واخلي التتبيله تتخلل الدجاج واغلفهم واحطه بالثلاجه .واتبل البطاطس كمان...
وقت الطبخ اجيب صينيه ادهنها بزيت واحط شرايح بطاطس وشرايح طماطم واحط الدجاج واحط فوقه شرايح بصل وطماطم وفلفل والبطاطس اللي تبلتها بس احاول ماحطها على الدجاج بالظبط يعني اصفهم جنبه وارش كزبره واصب زيت واغطي الصينيه بقصدير وادخلها الفرن من تحت وفوق ساعه وربع وبعدين من فوق ربع ساعه بس انا خليتها نص ساعه وبس
وبس ..