السلام عليكم...
أنا أفكر أسوي مشروع جلابيات...
والجلابيات تفصيلها روعة...
ألوان هادية و قماش للصيف..
والدانتيل وايد حلو..

كل من شافها عيبته...

بس حبيت أشوف إذا عرضت عليكم الجلابيات في المنتدى هل بلاقي قبول..؟؟؟

أخاف أفصل مجموعة وأتوهق ومحد يشتري...

اللي حابة تشوف في عندي جلابية ممكن أعرضها وتشوفونها..

بعدين تختارين الألوان والمقاس وأنا أييب لج الجلابية...

أتمنى المشاركة من الجميع...

أكنسل المشرووووع؟؟

أو أبدا وأقول بسم الله؟؟؟


شاركوني آرائكم
29-05-1426 هـ, 07:37 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
توكلي على الله وابدي مبين ذوقج وايد حلو من الاغراض اللي عرضتيها قبل
29-05-1426 هـ, 07:50 مساءً
 
بس ان شاء الله الاسعار تكون مناسبة
29-05-1426 هـ, 07:51 مساءً
 
يالله اتوكلي ..

ولا تسوين كميات كبيرة....بالعدد 6 مثلا ...وشوفي الاقبال

وموفقه
29-05-1426 هـ, 07:55 مساءً
 
اقتباس مشاركة  (بنوتـــة)
توكلي على الله وابدي مبين ذوقج وايد حلو من الاغراض اللي عرضتيها قبل
نفس مشروعي
توني بادية فيه و ان شاء الله اخلص المجموعة اللي عندي و بعرضها في المنتدى

اهم شي يالغالية تكون راهية و الاسعار حلوة و تناسب جميع الميزانيات

انا مراعية هالنقطة قبل لا ادخل المشروع

و ان شاء الله ننجح يالغالية
29-05-1426 هـ, 08:00 مساءً
 


الساعة الآن 05:10 .