بنااااااااتووو دشووووو عندي لكم طرررق لعمل الباشاميل

السلام عليكم بنات شحالكم شو اخباركم

اي والله وحشتوني فديتكم بعد طول غياب فتره طويله ماشفتكم شنسوي المرض مايخلي الواحد يستانس بعمره المهم <<<<<<<<< خلصينا

ولايهمكم اليوم جايبه لكم عدة طرق لعمل الباشاميل اللذيذه واستريحوا يا بنات بالمطبخ

الطريقة الاولى هاي الطريقه دسمه وايد وتنفع للعزايم يعني لو ودج تعزمين ناس خميهم بهالطريقه وخليهم ياكلون قطعه وحده صغيره وخلاص راح يشبعون ذيك الشبعه اللي مابعدها شبعه

المهم خلصينا
الطريقة الاولى :
كوب طحين ابيض
كوب زبده ،، او زبدة لورباك كامله ،،
كوب حليب بودرة
جبن كرفت مبشور العلبه الكبيره الاكبر شي
علبة قشطة
خمس اكواب ماء
ملح + فلفل ابيض حسب الرغبة

الطريقة :
اخذي قدر حطي فيه الموية مع الحليب والطحين واخفقي بسلك البيض وخليهم عالنار ،،، حطي عليهم الزبده وبعد شوي ماتذوب الزبده حطي القشطه ،، اخر شي حطي الجبن المبشور واستمري بالتحريك بسلك البيض لين تحصلي على البشمل ،،،، يعني لازم تخليه ع النار عشر دقايق بعد الغليان عشان ينضج الطحين ،،،
بالهناء والشفاء


الطريقة الثانية :
البشمل بالبصل:
بصل ابيض نص حبه مفرومة
كوب طحين
نص زبدة
اربع اكواب ماء
كوب حليب بودرة
ملح + فلفل ابيض
الطريقة :
ذوبي الزبده ع النار وحطي البصل وحركيه لين يذبل بعدين حطي الطحين وحركيه بسلك البيض لين يتغير لونه شوي بعدين ذوبي الحليب بالماي ،، وصبي الحليب بالتدريج وانتي جالسه تحركي الطحين بسلك البيض وحاسبي لايتكتل عندج يعني خففي ع النار او ارفعي القدر عن النار وانتي تحركي الطحين مع الحليب ،،، واستمري بالتحريك لين تحصلي على البشمل ولو حبيتيها سائله شوي زيدي الحليب واغليها ،،،

الطريقة الثالثة :
البشمل بالثوم :
ثلاث حبات ثوم مطحونين طازجين
كوب حليب بودرة
كوب طحين
نص زبدة
اربع اكواب ماء ،،،
ملح وفلفل ابيض

الطريقة طبعا اتبعي نفس طريقة بشمل البصل ...

الطريقة الرابعة :
بشمل بالماجي
كوب حليب بودرة
كوب طحين
نص كوب زبدة
نص كوب جبن كرفت السائل
واحد قيمر كي دي دي
2 مكعب مرق الدجاج ماجي
اربع الى خمس اكواب ماء

الطريقة : طبعا اخلطي كل المقادير مع بعضها واخر شي حطي الماجي وحركي عالنار لين يغلظ قوام البشمل

الطريقة الخامسة :
بشمل بالبيض
كوب طحين
كوب حليب بودرة
نص زبدة
بيضة واحد
ملح فلفل ابيض
اربع اكواب ماء

الطريقة : طبعا اخلطي جميع المقادير مع بعضها واخر شي حطي البيضه وحركي البشمل بسلك البيض وخليهم ع النار خمس الى سبع دقايق بعد الغليان ،،،

الطريقة السادسة
البشمل بالاعشاب
المقادير:
كوب حليب بودرة
كوب طحين
اربع اكواب ماء
نص زبدة
نص علبة قيمر كي دي دي
نص كوب جبنة بارميزان مبشوره
نص كوب جبنة موزاريلا مبشورة
ملعقتين طعام اوريغانو
ملعقتين طعام شبت مفروم
ملعقتين طعام كزبرة مفرومة
ريحان مفروم حسب الرغبة ...

اخلطي جميع المقادير مع بعض ماعدا الجبن وارفعيهم ع النار
بعد ماتستوي البشمل حطي الاجبان مع الاعشاب المذكوره وخلطيهم مع شوي ملح
وتقدم مع المعكرونة البيضاء المسلوقة ،،، يعني اسلقي معكرونه وصبي فوقها هالبشمل وذوقيها

بالبشمل الحمراء
الطريقة
كوب طحين
كوب حليب بودرة
نص زبدة
قيمر كي دي دي واحد
ثلاث حبات طماطم حمراء مسلوقة ومنزوعة القشر ومفرومة
واريغانو
ريحان

واذا حبيتي تستغنين عن الطماطم الطازجه وتحطين ثلاث ملاعق كبيره من صلصة البيتزا حقت العلالي الجاهزه تطلع احسن واهين بعد
طبعا الطريقة نفس الشي يعني نفس الطريقة السابقة تخلطين كلشي مع بعض وعالنار واخر شي صبي الطماط،،،




وعفكره بنات ترى كل هالطرق من عندي من تأليفي ،،، وهني وعافيه ،،،،،،،