شغاله جز القمر

السلام عليكم
كيكفكم ،

بدخل بالموضوع على طول
صارلنا سنه نبي شغاله محتاجينها
حالتنا حاله وبقوووه

عرفنا الحين ما فيه استقدام ،
الاجار نار نار نار
كم وحده تدق عليها امي تبي شغالتها شهر اجار تقول 4500 بالشهر !!!

تقولون الاستغلال يجي من مكاتب الاستقدام
طيب والناس ذولا موب استغلاليين !!
4500 علشان شهر .!!
المشكله لازم نساعدها بشغل البيت ..
المبلغ مبالغ فيه وبقووه
واللي وصلوا الاجار الى 5000 والي اكثر واللي اقل
ماادري صراحه وش يحسون فيهم ،

ماعلينا

بالنسبه للشغالات
الاندنوسيه + الفلبينيه .. مشاكلهم معروفه وماتخلص
الاثيوبيه الاغلب كثرة القتل وقصص تخووف
السيريلنكيه .. اذا ما عجبها الشغل مع السلامه الهروب معروف عنهم الهروووب
الكينيه ماتشتغل الا بالمووت عجازات الله يصلهم حلو تجيبينها لوحده كبيره بالعمر تهتم فيها اما كنس وغسل وتنظيف ما يصلح لها
الحبشيه سبق واخذنا كم وحده شهر طبعاً ماجلست ولا يومين والسبب تقول تبي تجلس معنا تسولف وتقهوى وتبي تغدا وتفطر وتعشى مع ابوي واخواني ومعنا تشتغل متى ما جا على بالها ومن يوم جتنا وهي مقابله التلفزيون وفوق هذا ما عجبها الوضع هربت

الحين ما باقي غير خادمات جزر القمر ..،
انا ماجربتهم ولا عندي احد جربهم
بس قريت بالنت وحده تقول جربت من هالجنسيه وتقول معروفين بطيبة قلوبهم وهدوئهم و اجرهم مو غالي ابداً
مسسسالمين لابعد الحدود ،

ماادري انتم يا بنات وش رايكم ؟
هل وحده جربت من هناك ؟
اللي تعرف مكاتب يجيبون من جزر القمر تعطيني رقمه لا تبخل علي

وشكرا