السلام عليكم ورحمة الله وبركاته
كيف حالكم اخواتي الغاليات
من زماااااااااااااااان مانزلت مواضيع كل مايجي في بالي موضوع اناقشكم فيه اقول بس اخلص الشغله الي بيدي افتح النت وادخل عالمي الحبيب وافتح موضوع اناقش فيه خواتي الغاليات لكن ماتخلص الشغله الي بيدي الا وانا ناسيه وش كنت باقول <<< الذاكره لكم عليها ماقول الا يالله حسن الختام
لكن اليوم.... هو بصراحه مو اليوم هذا من يوم ما سمعت بقرار تغيير رئيس هيئة الامر بالمعروف والنهي عن المنكر وتعيين الدكتور عبداللطيف ال شيخ مكان الحمين لا وبمرتبة زوير بعد تضايقت وحسيت ان الخير مع انه موجود في امة محمد الى يوم الدين لكنه بدأ يقل الله المستعان
وشفت اليوم موضوع عن القرار وقريت ردود بعض الاخوات الي مايأيدو وجود الهيئه تذكرت قصيدة ناصر القحطاني بالهيئة عاد من اسبوع تذكرناها انا وزوجي وكنت على الجهاز(اتصفح عالم حوا) طلب مني ابحث عنها واسمّعه إياها يقول اشتقت لهم ولمنظرهم <<< من زمان عن السعوديه وكل شي فيها <<< فيس يعيط
هذي القصيده بصوته وصوت خالدعبد الرحمن بدون موسيقى طبعا
http://www.youtube.com/watch?v=-r--Vb9citU
اهل الأذكار تدعي والظلام انتحى
والدعاوي تهز مشيدات القصور
والخطاوي تعثر بين خوف وسحا
والفتن تشتعل.. وانتم سواة البدور
يا قصار الثياب ويا طوال اللحى
لا تفيض العيون ولا تضيق الصدور
دارت الأرض بالعالم ودار الرحا
وانتم الشامخين وما تبقى يدور
كل ما المح شموس وجيهكم في الضحى
احمد اللي بعيني زود النور نور
في الجباه السمار اللي ظهر ما انمحى
ابشروا به وهو يشفع بيوم النشور
السنتكم عطاها الله حديث فصحا
وافئدتكم من الإيمان تنضح سرور
قصر المسك يا حمالته واستحى
يوم جاء يعطي اعطيتموه طيب وطهور
يا تلاميذ عقد الصفوه اللي نحى
يا حبايب صلاة الفجر واهل السحور
يا رجال على يديكم صحى من صحى
سعد روح تغذت من بصيرة غيور
انتم لمعشر السالين خير نصحا
وانتم لنصرة الدين اصدق اللي يثور
ان دخل صفكم وجه كذب والتحى
رده اللي يرد الكيد وسط النحور
وان هرج زيد لعبيد بسوالف جحا
لا لحقكم شكوك ولا لحقنا نفور
واللي انزل تبارك والقلم والضحى
انكم هدينا عن محدثات الأمور
واصلوا يا بركتنا دون خوف وسحا
ردوا نفوسنا اللوامه من القصور
اللهم احفظ بلاد الحرمين من كيد الكائدين ومن يريد بها وبأهلها شر
بنات الموضوع مو للنقاش القرار صدر وخلاص ماعاد ينفع الكلام بس ابي من كل وحده تدخل تدعي لاسود الهيئه دعوه حلوه زيها ان ربي يحفظهم ويديمهم على روسنا تراهم محتاجين دعواتنا على الاقل عشان يحسو اننا معاهم بعد الله ونأيدهم
ولا تنسوني بعد ادعولي ان ربي ييسر امري ويحقق لي ماأتمنى <<<فيس مستحي
ملاحظه للفائده
بنات انا احب استخدم الفيسات بردودي لكن قريت مره انه مايجوز نستخدمها وان حكمها حكم رسم ذوات الارواح ..والله اعلم ,لذلك صرت اتجنبها
للسجود لذه @llsgod_lthh
محررة فضية
يلزم عليك تسجيل الدخول أولًا لكتابة تعليق.
متجر زهرتي
•
للرفع
اللهم انصر الاسلام والمسلمين
اللهم وولنا خيارنا من الاقوياء الصارمين في الدين والنصيحه
اللهم وكن معهم وانصرهم على من عااداهم
اللهم واجعلهم اأمة يدعون الا الخير وينهون عن المنكر
اللهم وولنا خيارنا من الاقوياء الصارمين في الدين والنصيحه
اللهم وكن معهم وانصرهم على من عااداهم
اللهم واجعلهم اأمة يدعون الا الخير وينهون عن المنكر
الصفحة الأخيرة