الله لايسامحه وينصرني عليه

السلام عليكم ورحمة الله وبركاته
بقولكم قصتي وماابي منكم الا الدعاء قبل سنة نص تقريبا تزوجت واحد من جماعتنا ومن اول يوم بزواجنا وهو طايح فيني طق حسبي الله ونعم الوكيل
وبعد ماشكيت بتصرفاته قعدت ادور وراه واكتشفت انو مدمن :44: والمشكلة اني حامل بكيت :icon33: الين قلت بس تحطمت كل احلامي والله مايستاهلني وقلت اصبر الين اولد وين اروووح من زين حياة أهلي مالي الا هو المهم بعد ماولدت الرجال انمسح عقله انتهى خلاص الواحد مايأمن على نفسه يعيش معه رجعت لأهلي وجبت لهم المصايب والفضايح وراي تخيلوا صار يمشي عند اعمامي وخوالي ويتكلم فيني ويشوووه سمعتي يقول اني اعرفه من قبل مايتزوجني وأمه نفس الشي حسبي الله عليها يعلها تصيبها في نفسها واعيالها تخيلوا مرة طقني ورحت لها اتحامى فيها وش قالت ؟؟؟؟ احمدي ربك احنا ساترين عليك أنا ودي اعرف من وين آخذتني هي وولدها ولا وش شايفين علي لا وامس داقة علي بنت عمي تقول انها جاية عندهم وتتكلم فيني شي يقهرررررر عشان ولدهم مدمن ودمر نفسه لازم يدمروني معاه المهم صار يتكلم فيني عند ابوي واخواني وخالاتي وخوالي يزيدون على الكلام وكل واحد يألف من عنده امس ابوي طقني وكسر جوالي وصارت عيني مكسورة في البيت وراح تطاق معاه هو واخوي الكبير وكلهم بالسجن الحين والله اني احس بالذل والاهانة والله ماعندي احد اشكي له وافضفض له غيركم ضايقة فيني الدنيا حتى خواتي مصدقين وحدة منهم تقول ماتوقعتك تسوين كذا وأمي تقول لاعاد تعطونها وجه وراقبوها انا كبيرة عمري 27 وتقول راقبوها هذا غير نظراتها صارت حادة لي احس ودها تذبحني ياناس انهرت احلف ولا ماحلف مااحد يصدقني ابوي يقول اا قعدت في مكان لااشوفها قاعدة فيه والله اني حابسة نفسي واصيح واصلي وادعي من القهر على فكرة هو يسوي كذا عشان اتراجع عن الطلاق لأنو امعلقني للحين الله ياخذه طولت عليكم تكفون ادعوا لي بالفرج والله اني ادعي على نفسي بالموت وبعدين اتراجع عشان بنتي