السلام عليكم ورحمة الله وبركاته

صباحكم فل وياسمين

انا الله يطول بعماركم نجحت الحمد لله ؛ انا بثالث ثانوي ؛ يالله توفيقه
وحابه اعوض على امي في هالاجازه
اطبخ على الاقل عنها ياجعلني فدوتها
تتعب كثير وانا بالمدرسه
ومافيني خير لا ماساعدتها

تكفون وانا اختكم ابي مكرونه غير مكرونة الضغط امي ماتحبها
وغير مكرونة الباشاميل لان اهلي طفشو مني من كثر مااسويها ههههههه

الله لايهينكم يالنشميات بسررعه
ابيها الحين عشان اقوم اسويها
انا اسوي نفس الطريقة لكن بدون البروكلي و الفطر

http://forum.hawaaworld.com/showthread.php?t=1502225
سوي صينيه مكرونه بالدجاج والصوص الابيض

الطريقه اسلقي الدجاجه وقطعيها وواسلقي المكرونه

في هالاثناء قطعي بصل وطماطم وحده بس الين يستووو واضيفي قطع الدجاج المخلي من العظم وخليه شويتين وضيفي البهارات والملح

وبعدين اقلبيهم على بعض المكرونه والدجاج بصبينيه بايركس واخلطي معاهم ملعقتين مايونيز وثلاث ملاعق جبنه سائله وبارميزان

وبعدين عالوجه افتحي علبة قشطه

وعالفرن

لذييييييذه
استغفر الله
سبحان الله وبحمده.سبحان الله العظيم
حبيبتي الله يسعدك ويخليك لامك وتشووفك احلى عرووس

انتي مثل بنتي بس هي تسووي العشاء ماتفكر بالغداء

عندي ذي الطريقه حلووه وسهله



معكرونة كيس كامل - خضار مشكلة مجمدة ( بزاليا مع جزر وذرة ) - علبة صغيرة مشروم مقطع - ملفوف مقطع وبقدونس - بصل مع صنوبر - شوية بهارات وملح على ذوقكم


للوجه :


علبة قيمر kdd + نص علبة كريمة سائلة - كاس جبن كرافت صغير + جبن موزاريلا







الطريقة :



نطبخ المعكرونة مع الخضار المثلجة بماي وملح وشوية زيت بعدين نشخلهم بالمشخال







نحمس البصل مع الصنوبر بزيت مع البهارات بعدين نضيف الملفوف والفطر والبقدونس



نضيف عليهم المعكرونة ونقلبهم مع بعض بعدين نحطهم في البايركس




نخلط الجبن مع القشطه والكريمه ونحطة فوق المعكرونة




بعدين نحط شرايح الجبن والموزاريلا آخر شي ونحطهم بالفرن لما تستوي


وهذا شكلها النهائي




هذي موسوعة المكرونة بوصفات عربية
http://almacarona.com/index.php?opti...d=32&Itemid=52


الساعة الآن 12:27 .