بــنت اخــتي والروضــه

روحي معاها من الصباح قبل الطابور و خليك معها بالساحه و قعديها جنبك و إشتري لها شي من المقصف و سولفي و إضحكي معها علشان تخففين من الرهبه إللي عندها وكلميها عن البنات قولي شوفي هاذي البنت ماشاء الله عليها مبسوطه و تلعب وجايه بتدرس مثلك و ناديها وكلميها وخليها تتعرف عليها وخليهم يلعبون سوا بالألعاب فيه ألعاب وزحاليق بالساحه و بالطابور خلك ماشيه جنبها و إدخلي معها الفصل و إجلسي لك عشر دقايق جنبها وبعدين قولي أنا أبوقف لك برا أو بروح أجلس بالساحه أنتضرك بالفسحه وكل شوي مري من عند باب الفصل و طلي عليها علشان تتطمن و ترتاح وبالفسحه إجلسي معها و أكليها فسحتها وخليها تروح تلعب و أنتي عندها جالسه بالساحه وإذا دق الجرس ودخلت داخل وصليها للفصل وقولي أنا أنتضرك برى حبيبتي وإذا حسيتي تبين الحمام قولي للأبلى و بالطلعه خليها تشوفك و إطلعوا سوا يعني خلك معها يوم كامل الله يعينك شوي شوي تتعود وبعدين أمها إذا قامت بالسلامه تروح معها خلك جنب إختك بهالظرووف وساعديها ولك الأجر .... تقبلي مروري

لاتشيلي هم مع الوقت تتاقلم مع الوضع

حـــــرف الغــلا
الله يســعدكـ ويجــزاك خــير يااارب
طمنتيني فديـــتكـ

بــس همــي كيف افهمها انهاا اذا تبي الحــمااام تطلب من المعــلمه
انا اقوله الحــين بس انااا عااارفه اهي مشكلتهاا خجوله

واذا تبي الحمام الله يكرمكم تخصبق هع هع

هــذا همي هو الحمااام

إانا ولدي كذا من الناس يخجل مررره ولايحب الاختلاط
مو متعوود
وكنت شايله همه مررررره
بس اول يوم رحت عانيت وثاني يووم قالولي خلاص لاتجين
قلتلهم كيف مابيرضى قالو لايتعود
ومن جد سبحان الله تأقلم
بس اللي يفرق إنه كان يروح بالباص وكان فيه دادا تشيله من باب البيت
طبعا مضاربات وتسحيب والله يجزاها خير تحملت
ولاركب الباص خلاص يسكت
بس انتي مدري كيف وضعك مافي الا معلمتها تشيلها السااحه او اي مكان وتختفي من قدامها وتراقبي من بعيد
لين تتطمني عليها وتروحي
أنا سويت كذا ثاني يوم

هم في البدايه يتعبو بس بعدين ان شاء الله تمشيي